Mahesh Babu | ఇంట్రెస్టింగ్‌ అప్డేట్‌.. మహేశ్‌, రాజమౌళి సినిమా షూటింగ్‌ షురూ చేసేది ఆరోజే

మహేశ్‌, రాజమౌళి సినిమాపై వస్తున్న అప్‌డేట్‌లు సినిమాపై ఆసక్తిని రెట్టింపు చేస్తున్నాయి. ఈ సినిమా గురించి పలు వేదికల్లో కథారచయిత విజయేంద్రప్రసాద్‌ కొన్ని లీకుల్ని ఇచ్చారు.

Mahesh Babu | మహేశ్‌, రాజమౌళి సినిమాపై వస్తున్న అప్‌డేట్‌లు సినిమాపై ఆసక్తిని రెట్టింపు చేస్తున్నాయి. ఈ సినిమా గురించి పలు వేదికల్లో కథారచయిత విజయేంద్రప్రసాద్‌ కొన్ని లీకుల్ని ఇచ్చారు. తాను, రాజమౌళి దక్షిణాఫ్రికా నవలా రచయిత విల్బర్‌ స్మిత్‌కు పెద్ద అభిమానులమని, ఆయన పుస్తకాల ఆధారంగానే ఈ స్క్రిప్ట్‌ని రాశామని ఆయన ఓ వేదికపై చెప్పిన విషయం తెలిసిందే. హనుమంతుని లక్షణాలతో ఇందులో మహేశ్‌ పాత్రను రాజమౌళి డిజైన్‌ చేసినట్టు సమాచారం.

ఇదిలావుంటే.. ఇందులో మహేశ్‌కు జోడీగా ఓ విదేశీభామ నటిస్తున్నట్టు గతంలో వార్తలొచ్చాయి. తాజా సమాచారం మేరకు ఆమెతో పాటు అలియాభట్‌ కూడా ఇందులో భాగం కానున్నదట. మరి ఆమెది హీరోయిన్‌ పాత్రా? లేక ప్రత్యేక పాత్రా? అనేది తెలియాల్సివుంది. సూపర్‌స్టార్‌ కృష్ణ పుట్టినరోజైన మే 31న ఈ సినిమాకు సంబంధించిన తొలి ప్రెస్‌మీట్‌ని మేకర్స్‌ నిర్వహించనున్నట్టు గతంలో వార్తలు వచ్చాయి.

అలాగే మహేశ్‌ పుట్టినరోజైన ఆగస్ట్‌ 9న పూజా కార్యక్రమంతో ఈ సినిమా షూటింగ్‌కు శ్రీకారం చుట్టాలని రాజమౌళి భావిస్తున్నారట. ఎస్‌.ఎస్‌.రాజమౌళి మార్క్‌ కథనంతో తెరకెక్కనున్న ఈ సినిమాకు ఎం.ఎం.కీరవాణి స్వరాలందిస్తున్న విషయం తెలిసిందే. కె.ఎల్‌.నారాయణ ఈ ప్రతిష్టాత్మక పాన్‌ వరల్డ్‌ సినిమాకు నిర్మాత.