Cummins – Mahesh Babu : ఐపీఎల్ పదిహేడో సీజన్లో ప్యాట్ కమిన్స్(Pat Cummins) తన కెప్టెన్సీ పవర్ చూపిస్తున్నాడు. ఆస్ట్రేలియాకు నిరుడు రెండు ఐసీసీ ట్రోఫీలు కట్టబెట్టిన ఈ స్పీడ్స్టర్ ఇప్పుడు సన్రైజర్స్ హైదరాబాద్(Sunrisers Hyderabad)ను గెలుపు దారిలో నడిపిస్తున్నాడు. ఢిల్లీపై గెలుపు జోష్లో ఉన్న కమిన్స్ తాజాగా టాలీవుడ్ ప్రిన్స్ మహేశ్ బాబు(Mahesh Babu)ను హైదరాబాద్లో కలిశాడు. మహేశ్తో దిగిన ఫొటోను సన్రైజర్స్ కెప్టెన్ ఎక్స్ ఖాతాలో పెట్టాడు.
‘టాలీవుడ్ ప్రిన్స్ను కలిసినందుకు చాలా సంతోషంగా ఉంది అంటూ క్యాప్షన్ రాశాడు. క్రికెటర్, సినీ సూపర్ స్టార్ ఓకే ఫ్రేమ్లో ఉన్న ఈ ఫొటో నెట్టింట వైరల్ అవుతోంది. ఇక ‘గుంటూరు కారం’తో ఫ్యాన్స్ను పలకరించిన మహేశ్ ప్రస్తుతం రాజమౌళి దర్శకత్వంలో హిట్ కొట్టే పనిలో ఉన్నాడు.
Lovely to meet the Prince of Tollywood! @urstrulyMahesh 🎥 pic.twitter.com/icqxN5mCaS
— Pat Cummins (@patcummins30) April 22, 2024
Mahesh And Cummins 🤩
.#MaheshBabu #PatCummins #Srh #SunrisersHyderabad #IPL #SSMB29 #RvcjTelugu pic.twitter.com/qqmg77EIb5— RVCJ Telugu (@rvcj_telugu) April 22, 2024
కమిన్స్ సారథ్యంలోని హైదరాబాద్ జట్టు పదిహేడో సీజన్లో సంచలన ఆటతో చెలరేగుతోంది. రికార్డు స్కోర్లతో ఐపీఎల్ చరిత్రను తిరగరాస్తూ ప్రత్యర్థులను వణికిస్తోంది. ఓపెనర్లు ట్రావిస్ హెడ్(Travis Head), అభిషేక్ శర్మ, హెన్రిచ్ క్లాసెన్లు భీకర ఫామ్కు తోడు.. బౌలర్లు భువనేశ్వర్, నటరాజ్లు రాణిస్తుండడంతో ఆరెంజ్ ఆర్మీకి ఎదురే లేకుండా పోయింది.
కమిన్స్ సేన ప్రస్తుతం 10 పాయింట్లతో పట్టికలో టాప్ 3లో నిలిచింది. తర్వాతి పోరులో హైదరాబాద్ సొంత మైదానంలో రాయల్ చాలెంజర్స్ బెంగళూరుతో తలపడనుంది. ఏప్రిల్ 25 గురువారం జరిగే ఈ మ్యాచ్లో మరోసారి తమ బ్యాట్లకు పని చెప్పేందుకు హైదరబాదీ ఫిరంగులు ఉత్సాహంగా ఎదురు చూస్తున్నారు.