Black Soldier Fly | బ్లాక్‌ సోల్జర్‌ ఫ్లై.. చెత్తను శుభ్రం చేసే ఈగలు!

ఆస్ట్రేలియాకు చెందిన మాక్వరీ యూనివర్సిటీ శాస్త్రవేత్తలు జన్యుసవరణ చేసిన ఈగ (బ్లాక్‌ సోల్జర్‌ ఫ్లై)ను అభివృద్ధి చేశారు.

Black Soldier Fly | సిడ్నీ, జూలై 26: ఆస్ట్రేలియాకు చెందిన మాక్వరీ యూనివర్సిటీ శాస్త్రవేత్తలు జన్యుసవరణ చేసిన ఈగ (బ్లాక్‌ సోల్జర్‌ ఫ్లై)ను అభివృద్ధి చేశారు. ఈ ఈగలు సేంద్రియ వ్యర్థాల నుంచి పరిశ్రమ వ్యర్థాల వరకు అన్నింటినీ తినేస్తాయట. దాంతో చెత్తంతా శుభ్రం అవుతుంది. అంతేకాదు.. లూబ్రికెంట్లు, బయోఫ్యుయల్స్‌, నాణ్యమైన జంతు ఆహారపదార్థాల తయారీలోనూ ఉపయోగపడతాయని శాస్త్రవేత్తలు చెప్తున్నారు.

అటు చెత్తను శుభ్రం చేయటం ద్వారా పర్యావరణ సమతుల్యతను కాపాడవచ్చని, గ్రీన్‌ హౌజ్‌ గ్యాస్‌ నుంచి ఉపశమనం పొందవచ్చని ఆశాభావం వ్యక్తం చేస్తున్నారు. ప్రస్తుతం 40-70 శాతం ఆర్గానిక్‌ వేస్ట్‌ గుట్టలుగుట్టలుగా పేరుకుపోతున్నది. అలా పేరుకుపోయిన పదార్థాల నుంచి మీథేన్‌ వాయువు ఉత్పత్తి అయ్యి గ్రీన్‌ హౌజ్‌ ఎఫెక్ట్‌కు కారణమవుతున్నది.