Charaideo Moidams | ప్రపంచ వారసత్వ జాబితాలో అహోం మట్టి సమాధులు

అస్సాంలోని అహోం రాజ వంశానికి చెందిన మట్టి సమాధులు ‘మొయిడమ్స్‌'ను శుక్ర వారం యునెస్కో ప్రపంచ వారసత్వ జాబితాలో చేర్చారు.

• ‘ఈశాన్యం’ నుంచి ఎంపికైన తొలి నిర్మాణాలు

Charaideo Moidams | న్యూఢిల్లీ, జూలై 26: అస్సాంలోని అహోం రాజ వంశానికి చెందిన మట్టి సమాధులు ‘మొయిడమ్స్‌’ను శుక్ర వారం యునెస్కో ప్రపంచ వారసత్వ జాబితాలో చేర్చారు. 2023-24 సంవత్సరానికి గాను మొయిడమ్స్‌ను ప్రపంచ వారసత్వ జాబితాలో చేర్చాలని భారత్‌ నామినేషన్‌ సమర్పించింది. మొయిడమ్స్‌ అనేవి పిరమిడ్‌ లాంటి ఆకృతిలో భూగర్భ నిల్వల కోసం నిర్మించిన మట్టి సమాధులు.

అస్సాంను 600 ఏండ్లు పాలించిన తాయ్‌-అహోమ్‌ రాజవంశానికి చెందిన రాజులను ఖననం చేసేందుకు వీటిని నిర్మించారు. రెండంతస్తులు కలిగిన ఈ నిర్మాణంలోకి ప్రవేశించే మార్గం వంపు తిరిగి ఉంటుంది. ఖననం చేయబడిన వ్యక్తి వాడిన వస్తువులు, నగలు, ఆయుధాలను, దుస్తులను ఈ సమాధుల్లో ఉంచేవారు.