South Afirca | ఒత్తిడిని ఓడించ‌లేక‌.. ‘చాంపియ‌న్’ ట్యాగ్ ఇంకెప్పుడో..?

South Afirca : పొట్టి ప్ర‌పంచ క‌ప్ ఆసాంతం అద‌ర‌గొట్టిన దక్షిణాఫ్రికా (South Africa) ఫైన‌ల్లో ఒత్తిడికి తలొగ్గింది. అజేయంగా టైటిల్ పోరుకు దూసుకెళ్లిన ఎడెన్ మ‌ర్క్‌ర‌మ్(Aiden Markram) సేన‌ చ‌రిత్ర‌కు అడుగు దూరంలో ఆగిపోయింది. పొట్టి ప్ర‌పంచ క‌ప్ ఫైన‌ల్స్‌లో వ‌రుస‌గా ఇది రెండో ఓట‌మి కావ‌డం ఆ దేశ అభిమానుల గుండెల్ని పిండేస్తోంది.

South Afirca : పొట్టి ప్ర‌పంచ క‌ప్ ఆసాంతం అద‌ర‌గొట్టిన దక్షిణాఫ్రికా (South Africa) ఫైన‌ల్లో ఒత్తిడికి తలొగ్గింది. అజేయంగా టైటిల్ పోరుకు దూసుకెళ్లిన ఎడెన్ మ‌ర్క్‌ర‌మ్(Aiden Markram) సేన‌ కింగ్స్‌ట‌న్ ఓవ‌ల్‌లో చ‌రిత్ర‌కు అడుగు దూరంలో ఆగిపోయింది. ఒక ద‌శ‌లో టీమిండియా క‌ప్ ఆశ‌ల‌ను ఆవిరి చేసి.. చివ‌రి మూడు ఓవ‌ర్ల‌లో అనూహ్యంగా త‌డ‌బ‌డింది. హార్దిక్ పాండ్యా సంచ‌ల‌న బౌలింగ్‌.. సూర్య‌కుమార్ మెరుపు ఫీల్డింగ్‌తో వ‌ర‌ల్డ్ క‌ప్ ట్రోఫీ క‌ల నెర‌వేర‌కుండానే స‌ఫారీ జ‌ట్టు ఇంటిదారి ప‌ట్టింది.

‘చాంపియ‌న్ అయ్యేందుకు మ‌ళ్లీ వ‌స్తామంటూ’ దక్షిణాఫ్రికా జ‌ట్టు భారంగా స్వ‌దేశానికి ప‌య‌నమైంది. అయితే.. పొట్టి ప్ర‌పంచ క‌ప్ ఫైన‌ల్స్‌లో ద‌క్షిణాఫ్రికాకు వ‌రుస‌గా ఇది రెండో ఓట‌మి కావ‌డం ఆ దేశ అభిమానుల గుండెల్ని పిండేస్తోంది. నిరుడు అమ్మాయిల జ‌ట్టు సైతం టీ20 వ‌ర‌ల్డ్ క‌ప్ ఫైన‌ల్లో గెలుపు వాకిట బొక్క‌బోర్లా ప‌డింది.

Heartbreak for South Africa women in their first final in 2023, and for the men in 2024 😢 pic.twitter.com/WIBrefgiJz

— ESPNcricinfo (@ESPNcricinfo) June 30, 2024

కేప్‌టౌన్ వేదిక‌గా మేగ్ లానింగ్ సార‌థ్యంలోని ఆస్ట్రేలియా చేతిలో ఓడిపోయి క‌ప్పు చేజార్చుకుంది. వ‌రుస‌గా రెండోసారి ఐసీసీ ట్రోఫీని ముద్దాడే చాన్స్ చేజార‌డంతో దుర‌దృష్టానికి కేరాఫ్ అని అనుకోని అభిమానులు లేరు. ఐసీసీ టోర్న‌మెంట్‌లో దక్షిణాఫ్రికా సెమీస్ గ‌డ‌ప దాట‌డం ఇదే ఫ‌స్ట్.

ఆ ర‌నౌట్‌తో..

1999 వ‌న్డే వ‌ర‌ల్డ్ క‌ప్‌లో ఆస్ట్రేలియాపై విజ‌యం త‌థ్య‌మ‌నుకున్న ద‌శ‌లో అలెన్ డొనాల్డ్, లాన్సే క్లూసెన‌ర్‌ల మ‌ధ్య స‌మ‌న్వ‌యం లోపం ఆ జ‌ట్టుకు గుండెకోత మిగిల్చింది. దాంతో, నెట్ రన్‌రేటులో ముందున్న ఆసీస్ ఫైన‌ల్‌కు దూసుకెళ్లింది. ఇక 2015లో డేల్ స్టెయిన్ న్యూజిలాండ్ బ్యాట‌ర్ల‌ను నిలువ‌రించ‌లేకపోవ‌డంతో స‌ఫారీలు ఫైన‌ల్ మెట్టు ఎక్క‌లేదు. కానీ, మ‌ర్క్‌ర‌మ్ సార‌థ్యంలోని దక్షిణాఫ్రికా ఈసారి ఆ రికార్డును బ్రేక్ చేసింది. తీరా ఫైన‌ల్లో మాత్రం ‘మేము మా సీనియ‌ర్ల మాదిరే’ అన‌ట్టు ఒత్తిడిలోనై నిరాశ‌ప‌రిచింది. దాంతో, ఆ జ‌ట్టు ఐసీసీ వ‌ర‌ల్డ్ క‌ప్ నిరీక్షణకు ఎప్పుడు తెర‌ప‌డ‌నుందో చూడాలి.

So near, yet so far for the Proteas 💔#T20WorldCup pic.twitter.com/ASkpTjeGnS

— ICC (@ICC) June 29, 2024

ఇవి కూడా చ‌ద‌వండి

• Misbehave | యువతి పట్ల అసభ్య ప్రవర్తన.. ఇద్దరు పోకిరీలపై కేసు నమోదు
• INDW vs SAW | స్నేహ్ రానా అత్యుత్త‌మ బౌలింగ్.. దంచేసిన సునే, లారా
• Watch: కేదార్‌నాథ్ ఆలయం వెనుక భారీ హిమపాతం.. వీడియో వైరల్‌