Shreyas Iyer | స్టోక్స్‌కు కౌంట‌ర్‌గా ఫింగ‌ర్ సెలబ్రేష‌న్‌.. అయ్య‌ర్ వీడియో వైర‌ల్

Shreyas Iyer ; వైజాగ్ టెస్టులో టీమిండియా ఆల్‌రౌండ్ షోతో ఇంగ్లండ్‌ను చిత్తుగా ఓడించింది. ఇరుజ‌ట్ల‌ను విజ‌యం ఊరించిన ఈ మ్యాచ్‌లో నాలుగో రోజు ఆస‌క్తిక‌ర సంఘ‌ట‌న జ‌రిగింది. ఇంగ్లండ్‌ కెప్టెన్ బెన్ స్టోక్స్‌(Ben Stokes)కు భార‌త స్టార్ ఆట‌గాడు శ్రేయ‌స్ అయ్య‌ర్ (Shreyas Iyer) కౌంట‌ర్ ఇచ్చాడు. స్టోక్స్‌ను ర‌నౌట్ చేశాక‌...

Shreyas Iyer ; వైజాగ్ టెస్టులో టీమిండియా ఆల్‌రౌండ్ షోతో ఇంగ్లండ్‌ను చిత్తుగా ఓడించింది. నాలుగో రోజు బ‌జ్‌బాల్ ఆట‌తో చెల‌రేగాల‌నుకున్న 229 ర‌న్స్‌కే ఆలౌట్ చేసిన టీమిండియా సిరీస్ స‌మం చేసింది. ఇరుజ‌ట్ల‌ను విజ‌యం ఊరించిన ఈ మ్యాచ్‌లో నాలుగో రోజు ఆస‌క్తిక‌ర సంఘ‌ట‌న జ‌రిగింది. ఇంగ్లండ్‌ కెప్టెన్ బెన్ స్టోక్స్‌(Ben Stokes)కు భార‌త స్టార్ ఆట‌గాడు శ్రేయ‌స్ అయ్య‌ర్ (Shreyas Iyer) కౌంట‌ర్ ఇచ్చాడు. స్టోక్స్‌ను ర‌నౌట్ చేశాక‌ ఫింగ‌ర్ సెల‌బ్రేష‌న్‌(Finger Celebration)తో లెక్క స‌రిచేశాడు. ప్ర‌స్తుతం ఈ వీడియో నెట్టింట వైర‌ల్ అవుతోంది.

నాలుగో రోజు లంచ్ త‌ర్వాత అశ్విన్ బౌలింగ్‌లో బెన్ ఫోక్స్(36) సింగిల్ తీసేందుకు ప్ర‌య‌త్నించాడు. నాన్‌స్ట్ర‌యిక‌ర్ స్టోక్స్(11) బ‌ద్ద‌కంగా క్రీజువైపు ప‌రుగెత్తాడు. అప్పటికే బంతి అందుకున్న అయ్య‌ర్ మెరుపు వేగంతో వికెట్ల‌ను గిరాటేశాడు. అంతే.. భారత ఆట‌గాళ్లంతా సంబురాల్లో మునిగిపోగా.. అయ్య‌ర్ మాత్రం ఫింగ‌ర్ సెల‌బ్రేష‌న్‌తో స్టోక్స్‌కు బుద్ది చెప్పాడు.

What a throw by shreyas Iyer 🤯#INDvENGpic.twitter.com/oPiGZWICmo

— King (@King_272727) February 5, 2024

మూడో రోజు టామ్ హ‌ర్ట్లే ఓవ‌ర్లో శ్రేయ‌స్ అయ్య‌ర్() భారీ షాట్ ఆడాడు. బౌండ‌రీ దిశ‌గా వెళ్తున్న ఆ బంతిని స్టోక్స్ ప‌రుగెత్తుతూ వెళ్లి డైవ్ చేస్తూ ప‌ట్టుకున్నాడు. క్యాచ్ పట్టిన‌ అనంత‌రం ఊరికే ఉండ‌క స్టేడియంలోని అభిమానుల‌కు ఇంగ్లండ్ కెప్టెన్‌ త‌న‌ చూపుడు వేలు చూపించాడు. అందుకు కౌంట‌ర్‌గా నాలుగో రోజు స్టోక్స్‌ను రనౌట్ చేసిన అయ్య‌ర్ తానేమీ త‌క్కువ కాద‌ని ఫింగ‌ర్ చూపించాడు.

Never ever mess with Indian players. #INDvENG pic.twitter.com/4LxgeosMUd

— Lokesh Saini🚩 (@LokeshVirat18K) February 5, 2024

ఉప్ప‌ల్ టెస్టులో అనూహ్యంగా ఓట‌మి పాలైన టీమిండియా రెండో టెస్టులో అద్భుతం చేసింది. ఇంగ్లండ్‌ను 106 ప‌రుగుల‌తో ఓడించి ప్ర‌తీకారం తీర్చుకుంది. 399 ప‌రుగుల ఛేద‌న‌లో ఇంగ్లండ్‌ను 292 ప‌రుగుల‌కు ఆలౌట్ చేసింది. టామ్ హ‌ర్ట్లే(36)ను బుమ్రా బౌల్డ్ చేసి భార‌త్‌కు చిర‌స్మ‌ర‌ణీయ‌ విజ‌యాన్ని అందించాడు. ఈ గెలుపుతో ఐదు టెస్టుల సిరీస్‌ను టీమిండియా 1-1తో స‌మం చేసింది. ఇరుజ‌ట్ల మ‌ధ్య మూడో టెస్టు ఫిబ్ర‌వ‌రి 15న రాజ్‌కోట్‌లో జ‌రుగ‌నుంది.

ఇవి కూడా చ‌ద‌వండి

• Champai Soren | విశ్వాస ప‌రీక్ష‌లో నెగ్గిన చంపాయ్ సోరెన్ ప్ర‌భుత్వం
• DSP Vehicle Dragged by Tanker | ట్యాంకర్‌ వెనుక ఇరుక్కున్న డీఎస్పీ వాహనం.. రోడ్డుపై ఈడ్చుకెళ్లిన వైనం