Rohit Sharma | వ‌ర‌ల్డ్ క‌ప్ వీరుడికి అపూర్వ స్వాగ‌తం.. వీడియో వైర‌ల్

Rohit Sharma : వ‌ర‌ల్డ్ క‌ప్ ట్రోఫీతో స్వ‌దేశం వ‌చ్చిన కెప్టెన్ రోహిత్ శ‌ర్మ‌ (Rohit Sharma) పై అభినంద‌న‌ల వ‌ర్షం కురుస్తూనే ఉంది. ముంబైలో వ‌ర్లీ ప్రాంతంలోని అత‌డి ఇంటి వ‌ద్ద స్నేహితులు రోహిత్‌కు అత్మీయ స్వాగ‌తం ప‌లికారు.

July 5, 2024 / 04:07 PM IST

Rohit Sharma | వ‌ర‌ల్డ్ క‌ప్ వీరుడికి అపూర్వ స్వాగ‌తం.. వీడియో వైర‌ల్

Rohit Sharma : వ‌ర‌ల్డ్ క‌ప్ ట్రోఫీతో స్వ‌దేశం వ‌చ్చిన కెప్టెన్ రోహిత్ శ‌ర్మ‌ (Rohit Sharma) పై అభినంద‌న‌ల వ‌ర్షం కురుస్తూనే ఉంది. హిట్‌మ్యాన్ కంట ప‌డితే చాలు జ‌నం జేజేలు కొడుతూ ‘వీరుడా జోహార్’ అంటూ స్వాగ‌తం ప‌లుకుతున్నారు. ప్ర‌ధాని న‌రేంద్ర మోడీతో మొద‌లు.. మ‌రైన్ డ్రైవ్‌లోనూ అత‌డికి అదిరిపోయే వెల్‌క‌మ్ ల‌భించించి. ఇక ముంబైలో వ‌ర్లీ ప్రాంతంలోని అత‌డి ఇంటి వ‌ద్ద స్నేహితులు రోహిత్‌కు అత్మీయ స్వాగ‌తం ప‌లికారు. దాంతో, అక్క‌డ ఒక్క‌సారిగా పండ‌గ వాతావ‌రణం క‌నిపించింది.

వాంఖ‌డేలో భార‌త క్రికెట్ బోర్డు స‌త్కారం అనంత‌రం హిట్‌మ్యాన్ త‌న‌ ఇంటికి వెళ్లాడు. అప్ప‌టికే అత‌డికోసం ఎద‌రుచూస్తున్న ముంబై ఇండియ‌న్స్ ఆట‌గాడు తిల‌క్ వ‌ర్మ‌, ఇత‌ర‌ స్నేహితులు రోహిత్ కారు దిగ‌గానే సైనికుల మాదిరిగా సెల్యూట్ చేశారు. అంతేకాదు బార్బ‌డోస్‌లో ట్రోఫీ అందుక‌నే స‌మ‌యంలో భార‌త సార‌థి న‌డిచిన స్ట‌యిల్లోనూ న‌డుస్తూ.. పూల దండ‌ల‌తో వెల్‌క‌మ్‌ చెప్పారు.

VIDEO OF THE DAY. ❤️

– Captain Rohit Sharma’s childhood friends gave him a grand welcome after won T20 World Cup Trophy at Mumbai. 🥹🏆pic.twitter.com/WLqN7ovN8w

— Tanuj Singh (@ImTanujSingh) July 5, 2024

ఇక 17 త‌ర్వాత దేశానికి టీ20 వ‌ర‌ల్డ్ క‌ప్ సాధించి పెట్టిన‌ రోహిత్‌ను క‌లిసేందుకు అత‌డి నివాసం వ‌ద్ద కలిసేందుకు . వంద‌లాది మంది త‌ర‌లివ‌చ్చారు. దాంతో, వాళ్లంద‌రికి హిట్‌మ్యాన్ అభివాదం చేశాడు. త‌మ అభిమాన ఆట‌గాడిని ఫొటో తీస్తూ అక్క‌డివాళ్లంతా మురిసిపోయారు.

Madness outside our captains house. Rohit Sharma deserves everything. pic.twitter.com/9PSguUT4rE

— R A T N I S H (@LoyalSachinFan) July 5, 2024

పొట్టి ప్ర‌పంచ క‌ప్‌లో బ్యాట‌ర్‌గా, కెప్టెన్‌గా రాణించిన రోహిత్ టీమిండియా ట్రోఫీ క‌ల‌ను నిజం చేశాడు. నిరుడు టెస్టు చాంపియ‌న్‌షిప్, వ‌న్డే వ‌ర‌ల్డ్ క‌ప్‌లో చేజారిన ఐసీసీ ట్రోఫీని ఈసారి ఒడిసిప‌ట్టేశాడు. టీ20 వ‌ర‌ల్డ్ క‌ప్‌లో ఓపెన‌ర్‌గా శుభారంభాలు ఇచ్చిన రోహిత్ 257 ప‌రుగుల‌తో భార‌త జ‌ట్టులో టాప్ స్కోర‌ర్‌గా నిలిచాడు. అంతేకాదు టీ20ల్లో అత్య‌ధిక ప‌రుగుల వీరుడిగా, మూడు ఫార్మాట్ల‌లో 5 వేల ప‌రుగుల క్ల‌బ్‌లో చేరిన ఐదో కెప్టెన్‌గా హిట్‌మ్యాన్ రికార్డు నెల‌కొల్పాడు.