Visit:
Rohit Sharma: టీమిండియా సారథి రోహిత్ శర్మకు మాజీ సారథి విరాట్‌ కోహ్లీ నుంచి కెప్టెన్సీ పగ్గాలు అప్పజెప్పినప్పుడు చోటుచేసుకున్న డ్రామాను భారత క్రికెట్‌ అభిమానులు ఇప్పట్లో మరిచిపోరు. 2021 టీ20 వరల్డ్‌ కప్‌ తర్వాత కోహ్లీ.. పొట్టి ఫార్మాట్‌ నుంచి తప్పుకుంటున్నట్టు ప్రకటించడం.. రోహిత్‌కు టీ20లతో పాటు వన్డేలకు కూడా సారథిగా నియమించడం, అదే సమయంలో కోహ్లీ.. నాటి బీసీసీఐ అధ్యక్షుడిగా ఉన్న సౌరవ్‌ గంగూలీ మధ్య తలెత్తిన విభేదాలు భారత క్రికెట్‌ను రచ్చకీడ్చాయి. కాగా ఈ వివాదం ముగిసిన రెండేండ్లకు గంగూలీ తాజాగా రోహిత్ శర్మకు సారథ్య పగ్గాలు అప్పగించడంపై సంచలన వ్యాఖ్యలు చేశాడు.
కోల్‌కతాలో దాదా మాట్లాడుతూ.. ‘రోహిత్‌ను మేం (బీసీసీఐ) కెప్టెన్సీ ఇవ్వాలని నిర్ణయించినప్పుడు అతడు ససేమిరా ఒప్పుకోలేదు. మూడు ఫార్మాట్లలో ఆడుతూ సారథిగా ఉండటం ఒత్తిడితో కూడుకున్న విషయం. అందుకే కెప్టెన్సీకి రోహిత్ సముఖత చూపలేదు. కానీ అందుకు నేను ఒప్పుకోలేదు. ఒకదశలో నువ్వు సరేనని చెప్పాలి లేదంటే నేనే నీ పేరు పత్రికాముఖంగా అనౌన్స్‌ చేస్తా అని చెప్పేదాకా వెళ్లింది. అప్పుడు రోహిత్ సారథ్య పగ్గాల చేపట్టినందుకు నాకు సంతోషంగా ఉంది. ప్రస్తుతం ఆ ఫలితాలను మీరందరూ చూస్తున్నారు..’ అని చెప్పాడు.
Ganguly said “Rohit doesn’t wanted the captaincy because there was a lot of pressure on playing all formats – it has come on a stage I told him you have to say yes or I will announce your name, I am happy he has taken it now he is leading from front and you guys can check the… pic.twitter.com/JeEs20eL5b
— Johns. (@CricCrazyJohns) November 10, 2023
2021 టీ20 ప్రపంచకప్‌లో భారత జట్టు లీగ్‌ దశ కూడా దాటకుండానే ఇంటిముఖం పట్టింది. అయితే ఈ టోర్నీకి ముందే తాను టీ20ల సారథ్యం నుంచి తప్పుకుంటున్నానని కోహ్లీ చెప్పాడు. దీంతో ఈ మెగా టోర్నీ ముగిసిన వెంటనే భారత్‌లో జరిగిన న్యూజిలాండ్‌తో టీ20 సిరీస్‌ నుంచి కెప్టెన్‌ గా రోహిత్ శర్మ, హెడ్‌కోచ్‌గా రాహుల్‌ ద్రావిడ్‌ (రవిశాస్త్రి స్థానంలో) బాధ్యత చేపట్టారు. అయితే పరిమిత ఓవర్ల ఫార్మాట్ల నుంచి సారథ్యం నుంచి తప్పుకున్నా కోహ్లీ.. టెస్టులలో భారత్‌ ను నడిపిస్తాడని అంతా భావించారు. కానీ 2022లో దక్షిణాఫ్రికా టూర్‌లో భారత్‌ సిరీస్‌ ఓటమితో విరాట్‌ రెడ్‌ బాల్‌ క్రికెట్‌ పగ్గాలను కూడా వదిలేయడంతో బీసీసీఐ.. వాటిని రోహిత్‌కే అప్పజెప్పింది.
ఇది కూడా చదవండి:
Wasim Akram: పాకిస్తాన్ సెమీస్ చేరాలంటే అదొక్కటే దారి..! బాబర్ సేనకు అక్రమ్ కీలక సూచన
