Ricky Ponting | అమెరికా టీ20 లీగ్‌ జ‌ట్టు కోచ్‌గా పాంటింగ్.. ఢిల్లీ క్యాపిట‌ల్స్ సంగ‌తేంటి..?

Ricky Ponting : ఆస్ట్రేలియా దిగ్గ‌జ ఆట‌గాడు రికీ పాంటింగ్(Ricky Ponting) అనంత‌రం కోచ్‌గానూ త‌న ముద్ర వేశాడు. ఇండియ‌న్ ప్రీమియ‌ర్ లీగ్‌లో ఢిల్లీ క్యాపిట‌ల్స్ (Delhi Capitals) కోచ్‌గా స‌క్సెస్ అయ్యాడు. 14వ ఎడిష‌న్‌లో ఢిల్లీ ఫైన‌ల్ చేర‌డంలో...

Ricky Ponting : ఆస్ట్రేలియా దిగ్గ‌జ ఆట‌గాడు రికీ పాంటింగ్(Ricky Ponting) అనంత‌రం కోచ్‌గానూ త‌న ముద్ర వేశాడు. ఇండియ‌న్ ప్రీమియ‌ర్ లీగ్‌లో ఢిల్లీ క్యాపిట‌ల్స్ (Delhi Capitals) కోచ్‌గా స‌క్సెస్ అయ్యాడు. 14వ ఎడిష‌న్‌లో ఢిల్లీ ఫైన‌ల్ చేర‌డంలో కీల‌క పాత్ర పోషించిన పాంటింగ్ అమెరికా టీ20 లీగ్‌లో కోచ్‌గా త‌న మార్క్ చూపించేందుకు సిద్ధ‌మ‌వుతున్నాడు. మేజ‌ర్ క్రికెట్ లీగ్‌(MSL)లోవాషింగ్ట‌న్ ఫ్రీడమ్(Washington Freedom) జ‌ట్టు కోచ్ ప‌ద‌విపై ఆస‌క్తిగా ఉన్న పాంటింగ్ చ‌ర్చ‌ల‌తో బిజీగా ఉన్నాడు.

‘కోచింగ్ ఇవ్వ‌డ‌మంటే నాకు చాలా ఇష్టం. గ‌త ఆరేండ్లుగా ఐపీఎల్‌లో ఢిల్లీ క్యాపిట్స్‌కు కోచ్‌గా ఉన్నాను. అయితే.. వాషింగ్‌ట‌న్ ఫ్రీడ‌మ్‌తో ఇంకా చ‌ర్చ‌లు జ‌రుగుతున్నాయి. ఇప్ప‌టికైతే నేను కోచ్‌గా క‌మిట్ కాలేదు. ప్ర‌స్తుతానికి.. వాషింగ్ట‌న్ మేనేజ్‌మెంట్‌తో తొలి ద‌శ చ‌ర్చ‌లు జ‌రిపాను.

Ricky Ponting could become the biggest signing coup in Major League Cricket’s short history ✍️

Full story: https://t.co/uiPvfIJV8a pic.twitter.com/BTBODAzZoN

— ESPNcricinfo (@ESPNcricinfo) February 1, 2024

కొత్త ఏడాదిలో మేజ‌ర్ క్రికెట్ లీగ్‌లో భాగం కావ‌డం థ్రిల్లింగ్‌గా ఉండ‌నుంది. క్రికెట్ ఇంకా నా రక్తంలోనే ఉంది. ప్ర‌పంచంలోని గొప్ప ఆట‌గాళ్ల‌తో ప‌నిచేయడాన్ని ఇష్ట‌ప‌డ‌తాను. వాళ్ల‌ను మ‌రింత గొప్ప క్రికెట‌ర్ల‌ను చేయ‌డానికి కొత్త దారులు వెతుకుతాను’ అని ఆసీస్‌కు నాలుగు ఐసీసీ ట్రోఫీలు క‌ట్ట‌బెట్టిన‌ పాంటింగ్ వెల్ల‌డించాడు.

రిష‌భ్ పంత్, పాంటింగ్

పొట్టి ప్ర‌పంచ‌క‌ప్ ముగిసిన నాలుగు రోజుల‌కే జూన్ 30వ తేదీన‌ మేజ‌ర్ క్రికెట్ లీగ్ రెండో సీజ‌న్ షురూ కానుంది. నిరుడు జ‌రిగి ఎంఎల్‌సీ తొలి సీజ‌న్‌లో వాషింగ‌ట్ట‌న్ జ‌ట్టు మూడో స్థానంతో స‌రిపెట్టుకుంది. ఈసారి ట్రోఫీపై క‌న్నేసిన ఆ జ‌ట్టు కోచ్‌గా అనుభ‌వ‌జ్ఞుడైన పాంటింగ్‌తో ఒప్పందానికి సిద్ధ‌మైంది. ఒక‌వేళ చ‌ర్చ‌లు స‌ఫ‌ల‌మై పాంటింగ్ వాషింగ్ట‌న్ ఫ్రీడమ్‌కు కోచ్‌గా వెళ్తే.. ఢిల్లీ క్యాపిటల్స్ ప‌రిస్థితి ఏంటీ? అని అభిమానులు చ‌ర్చించుకుంటున్నారు.

ఐసీసీ ట్రోఫీల‌తో పాంటింగ్

ప్ర‌పంచంలోని గొప్ప కెప్టెన్ల‌లో ఒక‌డైన పాంటింగ్ వ్యూహాలు పన్న‌డంలో దిట్ట‌. అత‌డి నేతృత్వంలో ఆసీస్ తిరుగులేని శ‌క్తిగా అవ‌తరించింది. వ‌రుస‌గా 2003, 2007లో వ‌న్డే వ‌ర‌ల్డ్ క‌ప్ చాంపియ‌న్‌గా నిలిచింది. అంతేకాదు 2006, 2009లో చాంపియ‌న్స్ ట్రోఫీని త‌న్నుకుపోయింది. 2013లో అంత‌ర్జాతీయ క్రికెట్‌కు వీడ్కోలు ప‌లికిన పాంటింగ్.. కోచ్‌గా అవ‌తారమెత్తాడు.

ఇవి కూడా చ‌ద‌వండి

• Hanuman Movie | ‘హను-మాన్‌’ బ్లాక్‌బ‌స్ట‌ర్.. ప్రశాంత్‌ వర్మకు రూ.1000 కోట్ల ఆఫర్‌?
• England | రెండో టెస్టుకు ముందే ఇంగ్లండ్‌కు షాక్.. గాయంతో స్టార్ స్పిన్న‌ర్ దూరం
• Budget 2024 | మధ్య తరగతి ప్రజలకు కొత్తగా గృహనిర్మాణ విధానం : నిర్మలా సీతారామన్‌