Harbhajan Singh | దివ్యాంగులను కించ‌ప‌రిచేలా వీడియో.. భార‌త మాజీ త్ర‌యంపై కేసు న‌మోదు

Harbhajan Singh : బాలీవుడ్ పాట 'తౌబా తౌబా' వీడియోతో దివ్యాంగుల మ‌నోభావాలు దెబ్బ‌తీశారంటూ హ‌ర్భ‌జ‌న్ సింగ్ (Harbhajan Singh), యువ‌రాజ్ సింగ్ (Yuvraj Singh), సురేశ్ రైనా (Suresh Raina)లపై కేసు న‌మోదైంది.

Harbhajan Singh : సోష‌ల్ మీడియాలో స‌రదాగా చేసిన ఓ వీడియో భార‌త మాజీ క్రికెట‌ర్ల పాలిట శాపంగా మ‌రుతోంది. బాలీవుడ్ పాట ‘తౌబా తౌబా’ వీడియోతో దివ్యాంగుల మ‌నోభావాలు దెబ్బ‌తీశారంటూ హ‌ర్భ‌జ‌న్ సింగ్ (Harbhajan Singh), యువ‌రాజ్ సింగ్ (Yuvraj Singh), సురేశ్ రైనా (Suresh Raina)లపై కేసు న‌మోదైంది. ఢిల్లీలో దివ్యాంగుల‌కు ఉపాధి క‌ల్పించే సంస్థ‌కు చెందిన అర్మాన్ అలీ (Arman Ali) స్థానికి అమ‌ర్ కాల‌నీ పోలీస్ స్టేష‌న్‌లో భ‌జ్జీ, యూవీ, రైనాల‌పై ఫిర్యాదు చేశాడు.

‘ప్ర‌తి ఒక్కరికి జీవించే హ‌క్కును, గౌర‌వంగా బ‌తికే హ‌క్కును క‌ల్పించిన‌ రాజ్యాంగంలోని ఆర్టిక‌ల్ 21ను ఈ వీడియో ద్వారా మాజీ క్రికెట‌ర్లు ఉల్లంఘించారు. అంతేకాదు దివ్యాంగుల హ‌క్కుల చ‌ట్టం 2016లోని సెక్ష‌న్ 92ను కూడా బ్రేక్ చేశారు. నిపుణ్ మ‌ల్హోత్రా వ‌ర్సెస్ సోని పిక్చ‌ర్ ఫిల్మ్స్ ఇండియా ప్రైవేట్ లిమిటెడ్ కేసులో సుప్రీంకోర్టు మార్గ‌ద‌ర్శ‌కాలకు కూడా ఈ వీడియో విరుద్దం. అందుక‌ని ఈ ముగ్గురిపై క‌ఠిన చ‌ర్య‌లు తీసుకోవాలి’ అని అర్మాన్ డిమాండ్ చేశాడు. ఈ ముగ్గురితో పాటు మెటా ఇండియా డైరెక్ట‌ర్ సంధ్యా దేవ‌నాథ‌న్‌పై కూడా చ‌ర్య‌లు తీసుకోవాల‌ని అర్మాన్  త‌న లేఖ‌లో పేర్కొన్నాడు.

Winning Celebrations from Yuvraj Singh, Harbhajan Singh and Suresh Raina 😅

👉🏻 Are they Mocking Current Pakistani Fast Bowling Unit 🧐 Which gets Injured in every 2 Months 🤐#IndvsPakWCL2024 #INDvsZIM pic.twitter.com/QZ8qXLvIIh

— Richard Kettleborough (@RichKettle07) July 14, 2024

వ‌ర‌ల్డ్ చాంపియ‌న్‌షిప్ ఆఫ్ లెజెండ్స్ (WCL) లీగ్ ఫైన‌ల్లో ఇండియా చాంపియ‌న్స్ (India Champions) జ‌ట్టు పాకిస్థాన్ చాంపియ‌న్స్‌పై విజ‌యం సాధించింది. ట్రోఫీ అందుకున్న‌ అనంత‌రం కెప్టెన్ యువ‌రాజ్ సింగ్, సురేశ్ రైనాల‌తో క‌లిసి హ‌ర్భ‌జ‌న్ విక్ట‌రీ సెలబ్రేష‌న్ చేసుకున్నాడు. అంత‌టితో ఆగ‌కుండా దివ్యాంగుల మాదిరిగా న‌డుస్తూ ‘తౌబా.. తౌబా’ అనే రీల్ చేసి ఇన్‌స్టాలో పోస్ట్ చేశాడు. అయితే.. ఈ వీడియో కాస్త మిస్ ఫైర్ అయింది. పారా అథ్లెట్ మాన‌సి జోషి (Manasi Joshi) ‘దివ్యాంగులంటే మీకు అంత చుల‌క‌నా?’ అంటూ మండిప‌డింది. దాంతో, హ‌ర్భ‌జ‌న్ ఎక్స్ వేదిక‌గా దేశ ప్ర‌జ‌ల‌కు సారీ చెప్పాడు.

🙏🙏 pic.twitter.com/mCMCquRbbZ

— Harbhajan Turbanator (@harbhajan_singh) July 15, 2024

‘సోష‌ల్ మీడియాలో మా ‘తౌబా – తౌబా’ సెల‌బ్రేష‌న్ గురించి ఫిర్యాదు చేస్తున్న ప్ర‌తి ఒక్క‌రికీ ఒక్క‌టి చెప్పాల‌నుకుంటున్నా. 15 రోజులు విరామం లేకుండా క్రికెట్ ఆడాక మా శ‌రీరం తీరు ఎలా ఉంటుంది? ఒళ్లు నొప్పులు ఎలా ఉంటాయో చెప్ప‌డానికే ఆ రీల్ చేశాం. అంతేత‌ప్ప ఏ ఒక్క‌రినీ బాధ పెట్టడం, అవ‌మాన‌ప‌ర‌చ‌డం మా ఉద్దేశం కాదు. అయినా మేము త‌ప్పు చేశామని ప్ర‌జ‌లు అనుకుంటే నా త‌ర‌ఫున అంద‌రికీ సారీ చెప్తున్నా. ద‌య‌చేసి ఈ విష‌యాన్ని ఇక్క‌డితో వ‌దిలేసి మందుకెళ్ధాం. అంద‌రూ ఆరోగ్యంగా, సంతోషంగా ఉండండి. మీ అంద‌రికీ నా ప్రేమ తెలియ‌జేస్తున్నా’ అంటూ హ‌ర్భ‌జ‌న్ పెద్ద వివ‌ర‌ణే ఇచ్చుకున్నాడు.

ఇవి కూడా చ‌ద‌వండి

• KTR | పార్టీ మారండి.. లేదంటే ప్రాణ‌గండం ఉంద‌ని ఎమ్మెల్యేల‌కు డీఎస్పీలు బెదిరింపులు : కేటీఆర్
• MLA Talasani | కల్యాణ లక్ష్మి చెక్కులను పంపిణీ చేసిన ఎమ్మెల్యే తలసాని
• KTR | ప్రేమోన్మాది చేతిలో గిరిజన కుటుంబం హత్య.. బాధిత కుటుంబానికి కేటీఆర్ అండ