Pathum Nissanka: నిస్సంక కొత్త చరిత్ర.. శ్రీలంక క్రికెట్‌ నుంచి ఒకే ఒక్కడు.. రికార్డులన్నీ బ్రేక్‌

Pathum Nissanka: శ్రీలంక క్రికెటర్‌ పతుమ్‌ నిస్సంక ఆ దేశ క్రికెట్‌లో సరికొత్త చరిత్ర సృష్టించాడు. అర్జున రణతుంగ, సనత్‌ జయసూర్య, కుమార సంగక్కర, మహేళ జయవర్దెనే, తిలకరత్నె దిల్షాన్‌ వంటి దిగ్గజాలకు సాధ్యం కాని అరుదైన రికార్డును సొంతం చేసుకున్నాడు.

Pathum Nissanka: శ్రీలంక క్రికెటర్‌, ఆ జట్టు ఓపెనర్‌ పతుమ్‌ నిస్సంక ఆ దేశ క్రికెట్‌లో సరికొత్త చరిత్ర సృష్టించాడు. అర్జున రణతుంగ, సనత్‌ జయసూర్య, కుమార సంగక్కర, మహేళ జయవర్దెనే, తిలకరత్నె దిల్షాన్‌ వంటి దిగ్గజాలకు సాధ్యం కాని అరుదైన రికార్డును సొంతం చేసుకున్నాడు. వన్డేలలో శ్రీలంక తరఫున తొలి డబుల్‌ సెంచరీ నమోదుచేసిన తొలి క్రికెటర్‌గా అతడు చరిత్ర సృష్టించాడు. శ్రీలంక – అఫ్గానిస్తాన్‌ మధ్య పల్లెకెలె వేదికగా జరుగుతున్న తొలి వన్డేలో నిస్సంక ఈ రికార్డును అందుకున్నాడు. లంకతో మ్యాచ్‌లో నిస్సంక.. 139 బంతుల్లోనే 20 బౌండరీలు, 8 భారీ సిక్సర్ల సాయంతో 210 పరుగులు చేసి నాటౌట్‌గా నిలిచాడు.

నిస్సంక కంటే ముందు శ్రీలంక క్రికెట్‌లో వన్డేలు ఆడుతూ అత్యధిక స్కోరుచేసిన బ్యాటర్‌గా సనత్‌ జయసూర్య ఉన్నాడు. ఈ మాజీ లెఫ్ట్‌ హ్యాండర్‌.. 2000లో భారత్‌పై మ్యాచ్‌ ఆడుతూ 189 పరుగులు చేశాడు. తాజాగా నిస్సంక.. జయసూర్య మ్యాచ్‌ చూస్తుండగానే అతడి రికార్డును అధిగమించడం విశేషం. శ్రీలంక తరఫున వన్డేలలో అత్యధిక పరుగులు చేసిన వారిలో నిస్సంక, జయసూర్య తర్వాత ఉపుల్‌ తరంగ (174), కుమార సంగక్కర (169) , దిల్షాన్‌ (161)లు ఉన్నారు.

 

History maker!

Pathum Nissanka smashes the record books with a historic double century, the first ever by a Sri Lankan batsman in ODIs! 🔥🔥🔥

Live Scorecard 📝: https://t.co/z8HCHdOX6P
Watch 👀: https://t.co/CKfwszsd8V#SLvAFG pic.twitter.com/4dqKJTeRYv

— Sri Lanka Cricket 🇱🇰 (@OfficialSLC) February 9, 2024

గేల్‌, వీరూ రికార్డుల బద్దలు..

డబుల్‌ సెంచరీ సాధించిన నిస్సంక ఈ క్రమంలో దిగ్గజ క్రికెటర్లు వీరేంద్ర సెహ్వాగ్‌, క్రిస్‌ గేల్‌ రికార్డులను బ్రేక్‌ చేశాడు. డబుల్‌ సెంచరీ చేయడానికి నిస్సంకకు 136 బంతులే అవసరమయ్యాయి. గేల్‌ డబుల్‌ సెంచరీ (జింబాబ్వేపై – 2015లో) చేయడానికి 138 బంతులు తీసుకోగా వీరేంద్ర సెహ్వాగ్‌ (వెస్టిండీస్‌పై – 2011లో) 140 బంతుల్లో సాధించాడు. అంతర్జాతీయ క్రికెట్‌లో అతి తక్కువబంతుల్లో డబుల్‌ సెంచరీ సాధించిన క్రికెటర్లలో ఇషాన్‌ కిషన్‌ (128 బంతుల్లో బంగ్లాదేశ్‌పై) ముందున్నాడు.

 

The Moment Pathum Nissanka created history, he becomes first Sri Lankan to score double hundred in ODIs.

– Nissanka, The Star of Sri Lanka…!!!! ⭐ pic.twitter.com/mqHYmugV8n

— CricketMAN2 (@ImTanujSingh) February 9, 2024

అంతర్జాతీయ క్రికెట్‌లో రోహిత్‌ శర్మ మూడు డబుల్‌ సెంచరీలు సాధించగా సచిన్‌ టెండూల్కర్‌, మార్టిన్‌ గుప్తిల్‌, వీరేంద్ర సెహ్వాగ్‌, ఫకర్‌ జమాన్‌, క్రిస్‌ గేల్‌, ఇషాన్‌ కిషన్‌, శుభ్‌మన్‌ గిల్‌, గ్లెన్‌ మ్యాక్స్‌వెల్‌లు తలా ఒక ద్విశతకం సాధించారు. నిస్సంక డబుల్‌ సెంచరీ ఇంటర్నేషనల్‌ క్రికెట్‌లో 12వది కాగా బ్యాటర్ల పరంగా తొమ్మిదోవాడు.