SL vs AFG | మూడో వ‌న్డేలో చిత్తుగా ఓడిన‌ అఫ్గ‌నిస్థాన్.. సిరీస్ శ్రీ‌లంక కైవ‌సం

SL vs AFG : వ‌న్డే వ‌ర‌ల్డ్ క‌ప్(ODI WC 2023) క్వాలిఫై రేసులో ఉన్న శ్రీ‌లంక(Srilanka) సొంత గ‌డ్డ‌పై చెల‌రేగింది. బ్యాట‌ర్లు, బౌల‌ర్లు విజృంభించ‌డంతో సిరీస్ డిసైడ‌ర్ అయిన మూడో వ‌న్డేలో భారీ విజ‌యం సాధించింది. ప‌ర్యాట‌కు అఫ్గ‌నిస్థాన్‌ను చిత్తుగా ఓడించి వ‌న్డే సిరీస్ సొంతం చేసుకుంది. ఓపెన‌ర్లు దిముత్ క‌రుణ‌రత్నే(56 నాటౌట్‌), ప్ర‌థుమ్ నిస్సంక‌(51) దంచి కొట్ట‌డంతో...

June 7, 2023 / 05:32 PM IST

SL vs AFG | మూడో వ‌న్డేలో చిత్తుగా ఓడిన‌ అఫ్గ‌నిస్థాన్.. సిరీస్ శ్రీ‌లంక కైవ‌సం

SL vs AFG : వ‌న్డే వ‌ర‌ల్డ్ క‌ప్(ODI WC 2023) క్వాలిఫై రేసులో ఉన్న శ్రీ‌లంక(Srilanka) సొంత గ‌డ్డ‌పై చెల‌రేగింది. బ్యాట‌ర్లు, బౌల‌ర్లు విజృంభించ‌డంతో సిరీస్ డిసైడ‌ర్ అయిన మూడో వ‌న్డేలో భారీ విజ‌యం సాధించింది. ప‌ర్యాట‌కు అఫ్గ‌నిస్థాన్‌ను చిత్తుగా ఓడించి వ‌న్డే సిరీస్ సొంతం చేసుకుంది. ఓపెన‌ర్లు దిముత్ క‌రుణ‌రత్నే(56 నాటౌట్‌), ప్ర‌థుమ్ నిస్సంక‌(51) దంచి కొట్ట‌డంతో లంక 9 వికెట్ల తేడాతో గెలిచింది.

మొద‌ట దుష‌మంత‌ చమీర 4 వికెట్ల‌తో అఫ్గ‌నిస్థాన్ ప‌త‌నాన్ని శాసించాడు. అఫ్గ‌నిస్థాన్ 22.2 ఓవర్ల‌కే ఆలౌట‌య్యింది. ఆ త‌ర్వాత 117 ప‌రుగుల‌ ల‌క్ష్యాన్ని 16 ఓవ‌ర్ల‌లోనే ఛేదించింది. దాంతో, 2-1తో మూడు వ‌న్డేల సిరీస్‌ను శ్రీ‌లంక కైవ‌సం చేసుకుంది.

Sri Lanka defeat Afghanistan in the third ODI and win the series 2-1 🎉#SLvAFG | 📝: https://t.co/7i1axAFaiq pic.twitter.com/mZbbZDAAHj

— ICC (@ICC) June 7, 2023

చేతులెత్తేసిన అఫ్గ‌న్ బ్యాట‌ర్లు

తొలి వ‌న్డేలో ఇర‌గ‌దీసిన అఫ్గ‌నిస్థాన్ బ్యాట‌ర్లు కీల‌క‌మైన మూడో వ‌న్డేలో త‌డ‌బ‌డ్డారు. చ‌మీర ధాటికి టాపార్డ‌ర్ ఆట‌గాళ్లు చేతులెత్తేశారు. ఆ త‌ర్వాత మిస్ట‌రీ స్పిన్న‌ర్ వ‌నిందు హ‌స‌రంగ 3 వికెట్ల‌తో లోయ‌ర్ ఆర్డ‌ర్‌ను కూల్చాడు. మాజీ కెప్టెన్ న‌బీ(23), ఓపెనర్ ఇబ్ర‌హీం జ‌ర్డాన్(22) టాప్ స్కోర‌ర్లుగా నిలిచారు. ల‌హిరు కుమార రెండు, థీక్ష‌ణ ఒక వికెట్ ప‌డ‌గొట్ట‌డంతో అఫ్గ‌నిస్థాన్ 22.2 ఓవర్ల‌కే ఆలౌట‌య్యింది. స్వ‌ల్ప ల‌క్ష్య ఛేద‌న‌లో శ్రీ‌లంక ఓపెన‌ర్లు దిముత్ క‌రుణ‌రత్నే(56 నాటౌట్‌), ప్ర‌థుమ్ నిస్సంక‌(51)ధాటిగా ఆడారు. నిస్సంక ఔట‌య్యాక కుశాల్ మెండిస్‌(11 నాటౌట్)తో క‌రుణ‌రత్నే క‌లిసి లాంఛ‌నం పూర్తి చేశాడు.