Sam Harper : ఆట ఏదైనా సరే.. మైదానంలోకి దిగిన ప్రతిసారి ఆటగాళ్లు తమ అద్భుత నైపుణ్యంతో అభిమానులను అలరిస్తుంటారు. ఈ క్రమంలో కొన్నిసార్లు ఊహించిన విధంగా గాయాలపాలవుతుంటారు. తాజాగా బిగ్బాష్ లీగ్(Big Bash League)లో మెల్బోర్న్ స్టార్స్ వికెట్ కీపర్ సామ్ హార్పర్(Sam Harper) గాయపడ్డాడు. ప్రాక్టీస్ సెషన్లో తలకు బలమైన గాయం కావడంతో అతడిని అంబులెన్స్లో ఆస్పత్రికి తరలించారు. ప్రస్తుతం అతడి ఆరోగ్యం నిలకడగా ఉన్నట్టు మెల్బోర్న్ స్టార్స్ యాజమాన్యం వెల్లడించింది.
‘ట్రైనింగ్ సెషన్లో బ్యాటింగ్ చేస్తుండగా 27 ఏండ్ల హార్పర్ గాయపడ్డాడు. బంతి తలకు గట్టిగా తగలడంతో నొప్పితో విలవిలలాడుతూ కిందపడిపోయాడు. దాంతో, హుటాహుటిన అతడిని హాస్పిటల్కు తరలించాం. ఇప్పటికైతే హార్పర్ స్పృహలోనే ఉన్నాడు. అతడి ఆరోగ్యం గురించిన తాజా సమాచారాన్ని ఎప్పటికప్పుడు మీతో పంచుకుంటాం’ అని మెల్బోర్న్ మేనేజ్మెంట్ ఓ ప్రకటన విడుదల చేసింది.
Club Statement: Sam Harper was struck in the head whilst batting at training this evening at the MCG and subsequently taken to hospital in a stable condition. We ask that you respect his privacy at this time. The club will provide further updates when they come to hand.
— Melbourne Stars (@StarsBBL) January 5, 2024
సిడ్నీ సిక్సర్స్(Sydney Sixers)తో మ్యాచ్ కోసం సన్నద్ధమవుతున్న హార్పర్ అనూహ్యంగా ఆస్పత్రి పాలవ్వడంతో మెల్బోర్న్ జట్టు ప్రాక్టీస్ సెషన్ను రద్దు చేసుకుంది. మైదానంలోనే హార్పర్ గాయపడడం ఇది రెండోసారి.
నాథన్ ఎల్లిస్ను ఢీకొట్టిన హార్పర్
రెండేండ్ల క్రితం జనవరిలో హోబర్ట్ హరికేన్స్(Hobart Hurricanes) జట్టుతో మ్యాచ్ సమయంలో నాథన్ ఎల్లిస్(Nathan Ellis)ను బలంగా ఢీకొట్టాడు. గాయం తీవ్రత కారణంగా అప్పుడు కూడా హార్పర్ ఆస్రత్రిలో జాయిన్ అయ్యాడు.