T20 World Cup 2024 : ప్రపంచవ్యాప్తంగా క్రికెట్ ప్రేమికులు ఎదురుచూస్తున్న టీ20 ప్రపంచకప్ టోర్నీకి మరో నెలరోజులే ఉంది. దాంతో, అన్ని దేశాల క్రికెట్ బోర్డులు తుది స్క్వాడ్ను ప్రకటిస్తున్నాయి. ఇప్పటికే బీసీసీఐ, ఇంగ్లండ్ క్రికెట్ బోర్డులు తమ బృందాన్ని వెల్లడించాయి. తాజాగా దక్షిణాఫ్రికా బోర్డు(South Africa Board) సైతం వరల్డ్ కప్ జట్టుకి ఎంపికైన ఆటగాళ్ల జాబితాను ప్రకటించింది.
దక్షిణాఫ్రికా లీగ్లో కెప్టెన్గా రెండు టైటిళ్లు నెగ్గిన ఎడెన్ మర్క్రమ్(Aiden Markram) కెప్టెన్గా ఎంపికవ్వగా.. కుర్రాళ్లు స్టబ్స్, హెండ్రిక్స్లు తొలిసారి వరల్డ్ కప్ జట్టులో చోటు దక్కించుకున్నారు. సఫారీ సెలెక్టర్లు ప్రకటించిన స్క్వాడ్ అనుభజ్ఞులైన సీనియర్లు, దంచికొట్టడమే పనిగా పెట్టుకున్న కుర్రాళ్లతో సమతూకంగా ఉంది.
This is your T20 World Cup Proteas Men’s team South Africa! 🌟 Let’s rally behind our squad as they aim to conquer the world stage and bring home the gold! 🏆💥
Stay tuned for the out of this world performances! #T20WorldCup #OutOfThisWorld #BePartOfIt pic.twitter.com/NVwYYsN7cH
— Proteas Men (@ProteasMenCSA) April 30, 2024
ఐపీఎల్ పదిహేడో సీజన్లో సిక్సర్లతో హడలెత్తిస్తున్న హెన్రిచ్ క్లాసెన్ వికెట్ కీపర్గా ఎంపికయ్యాడు. పేస్ బౌలింగ్ యూనిట్ విషయానికొస్తే.. రబడ, నొర్జిలతో 2023 వరల్డ్ కప్లో రాణించిన గెరాల్డ్ కొయెట్జీ నిప్పులు చెరగనున్నాడు.
దక్షిణాఫ్రికా వరల్డ్ కప్ స్క్వాడ్ : ఎడెన్ మర్క్రమ్ (కెప్టెన్), ఒట్నియెల్ బార్ట్మన్, క్వింటన్ డికాక్, జోర్న్ ఫార్చ్యూన్, రీజా హెండ్రిక్స్, డేవిడ్ మిల్లర్, హెన్రిచ్ క్లాసెన్, ట్రిస్టన్ స్టబ్స్, మార్కో జాన్సెన్, గెరాల్డ్ కొయెట్జీ, కేశవ్ మహారాజ్, అన్రిచ్ నోర్జి, కగిసో రబడ, రియాన్ రికెల్టన్, తబ్రేజ్ షంసీ.
ట్రావెలింగ్ రిజర్వ్ – నంద్రె బర్గర్, లుంగి ఎంగిడి
వెస్టిండీస్, అమెరికా సంయుక్తంగా ఆతిథ్యమిస్తున్న టీ20 వరల్డ్ కప్ జూన్ 1వ తేదీన మొదలవ్వనుంది. ఇప్పటికే ఐసీసీ ఈ మెగా టోర్నీ షెడ్యూల్ విడుదల చేసింది. తొలి పోరులో జూన్ 3న శ్రీలంకతో సఫారీ జట్టు తలపడనుంది.