AUS vs PAK | తొలి ఇన్నింగ్స్‌లో పాకిస్థాన్ ఆలౌట్.. భారీ ఆధిక్యంలో ఆస్ట్రేలియా

AUS vs PAK : ఆస్ట్రేలియాతో జ‌రుగుతున్న మొద‌టి టెస్టులో పాకిస్థాన్(Pakistan) తొలి ఇన్నింగ్స్ ముగిసింది. రెండో రోజు అద్భుతంగా పోరాడిన పాక్ బ్యాట‌ర్లు మూడో రోజు మూడో సెష‌న్‌లోనే చేతులెత్తేశారు. స్టార్ స్పిన్న‌ర్ నాథ‌న్ లియాన్(Nathan Lyon), స్పీడ్‌స్ట‌ర్...

December 16, 2023 / 01:11 PM IST

AUS vs PAK | తొలి ఇన్నింగ్స్‌లో పాకిస్థాన్ ఆలౌట్.. భారీ ఆధిక్యంలో ఆస్ట్రేలియా

AUS vs PAK : ఆస్ట్రేలియాతో జ‌రుగుతున్న మొద‌టి టెస్టులో పాకిస్థాన్(Pakistan) తొలి ఇన్నింగ్స్ ముగిసింది. రెండో రోజు అద్భుతంగా పోరాడిన పాక్ బ్యాట‌ర్లు మూడో రోజు మూడో సెష‌న్‌లోనే చేతులెత్తేశారు. స్టార్ స్పిన్న‌ర్ నాథ‌న్ లియాన్(Nathan Lyon), స్పీడ్‌స్ట‌ర్ మిచెల్ స్టార్క్(Mitchell Starc) చెల‌రేగ‌డంతో పాక్ 271 ప‌రుగుల‌కే ఆలౌట‌య్యింది. దాంతో, ఆతిథ్య జ‌ట్టుకు 216 ప‌రుగుల ఆధిక్యం ల‌భించింది.

ఆ త‌ర్వాత రెండో ఇన్నింగ్స్ ఆరంభించిన ఆస్ట్రేలియాకు పెద్ద షాక్ త‌గిలింది. తొలి ఇన్నింగ్స్‌లో భారీ శ‌త‌కం బాదిన‌ ఓపెన‌ర్‌ డేవిడ్ వార్న‌ర్(0) రెండో ఓవ‌ర్లోనే డ‌కౌట్ అయ్యాడు. కుర్రం ష‌హ‌జాద్ బౌలింగ్‌లో ఇమామ్ ఉల్ హ‌క్ క్యాచ్ ప‌ట్ట‌డంతో వార్న‌ర్ వెనుదిరిగాడు. మ‌రో ఓపెన‌ర్ ఉస్మాన్ ఖ‌వాజా, మార్న‌స్ ల‌బూషేన్ క్రీజులో ఉన్నారు.

Australia take charge in Perth with a first innings lead of 216 runs ⚡#WTC25 | #AUSvPAK 📝: https://t.co/rqlqbWOeHU pic.twitter.com/lHfHWxYsyN

— ICC (@ICC) December 16, 2023

పెర్త్ స్టేడియంలో జ‌రుగుతున్న ఈ మ్యాచ్‌లో ఆస్ట్రేలియా తొలుతు 487 ప‌రుగులు చేసింది. ఓపెన‌ర్ వార్న‌ర్‌(180), షాన్ మార్ష్‌(90) ధ‌నాధన్ ఆడడంతో కొండంత స్కోర్ చేసింది. అనంత‌రం బ్యాటింగ్ చేప‌ట్టిన పాకిస్థాన్ తొలి ఇన్నింగ్స్‌లో దీటుగా బ‌దులిచ్చింది. రెండో రోజు ఆట‌ ముగిసే సమయానికి రెండు వికెట్లు కోల్పోయి 132 పరుగులు చేసింది.

Pakistan start day three at 132/2 in Perth 🏏

Will the visitors put on a big total in their first innings?#AUSvPAK | 📝 https://t.co/YXtGWdnG8M pic.twitter.com/Y7HWNDG7rU

— ICC (@ICC) December 16, 2023

కానీ, మూడోరోజు రెండు సెష‌న్ల‌లోనే పాకిస్థాన్ మూడోరోజు చాప‌చుట్టేసింది. అబ్దుల్లా షఫీఖ్‌ (42), ఇమామ్ ఉల‌మ్ (62) మాత్ర‌మే రాణించారు. ఆ త‌ర్వాత వ‌చ్చిన వాళ్లు త‌క్కువ‌కే ఔట‌య్యారు. చివ‌ర్లో అగా స‌ల్మాన్‌(28 నాటౌట్‌), అమీర్ జ‌మాల్ (10) పోరాడ‌డంతో పాక్ 271 ర‌న్స్ చేయ‌గ‌లిగింది.