అడిలైడ్: టీ20 వరల్డ్కప్లో బంగ్లాదేశ్ ఓపెనర్ లిటన్ దాస్ దూకుడుమీదున్నాడు. శరవేగంగా రన్స్ స్కోర్ చేస్తున్నాడు. ఇండియన్ బౌలర్లను అతను ధీటుగా ఎదుర్కొంటున్నాడు. 185 పరుగుల లక్ష్యంతో బరిలోకి దిగిన బంగ్లాదేశ్ జట్టు ఆరు ఓవర్ల పవర్ ప్లేలో వికెట్ నష్టపోకుండా 60 రన్స్ చేసింది. లిటన్ దాస్ 26 బంతుల్లో ఏడు ఫోర్లు, మూడు సిక్సర్లతో 59 రన్స్ చేసి నాటౌట్గా నిలిచాడు. ప్రస్తుతం ఏడవ ఓవర్ వద్ద వర్షం పడడంతో మ్యాచ్ను నిలిపేశారు. ఏడు ఓవర్లలో బంగ్లా 66 రన్స్ చేసింది.
Litton Das brings up his fifty off just 21 balls! 🤯#T20WorldCup | #INDvBAN | 📝: https://t.co/vDRjKeeGvf pic.twitter.com/sPM4wU5vch
— ICC (@ICC) November 2, 2022
అంతకముందు విరాట్ కోహ్లీ మరోసారి సూపర్ ఇన్నింగ్స్ ఆడాడు. 44 బంతుల్లో 8 ఫోర్లు, ఒక సిక్సర్తో 64 రన్స్ చేసి నాటౌట్గా నిలిచాడు. ఈ టోర్నీలో కోహ్లీకి ఇది మూడవ అర్ధ సెంచరీ కావడం విశేషం. టోర్నీలో ఫామ్లోలేని ఓపెనర్ కేఎల్ రాహుల్ ఈ మ్యాచ్లో హాఫ్ సెంచరీ చేశాడు. అతను 32 బంతుల్లో మూడు ఫోర్లు, నాలుగు సిక్సర్లతో 50 రన్స్ చేసి ఔటయ్యాడు.
ఇక సూర్య కుమార్ వేగంగా ఇన్నింగ్స్ ఆడాడు. అతను కేవలం 16 బంతుల్లో 4 ఫోర్లతో 30 రన్స్ చేశాడు. చివర్లో అశ్విన్ ఆరు బంతుల్లో 13 రన్స్ చేసి నాటౌట్గా నిలిచాడు. ఇండియా నిర్ణీత 20 ఓవర్లలో ఆరు వికెట్లకు 184 రన్స్ చేసింది.