AUS vs PAK : స్వదేశంలో పాకిస్థాన్తో జరుగుతున్న బాక్సింగ్ డే టెస్టులో ఆస్ట్రేలియా పోరాడుతోంది. వర్షం అంతరాయం కలిగించిన మ్యాచ్లో తొలి రోజు ఆట ముగిసేసమయానికి 3 వికెట్ల నష్టానికి 187 పరుగులు చేసింది. మార్నస్ లబూషేన్(44), ట్రావిస్ హెడ్(9) క్రీజులో ఉన్నారు. అయితే.. మూడో సెషన్లో ఆసక్తికర సంఘటన జరిగింది.
హసన్ అలీ బౌలింగ్ చేస్తుండగా మైదానంలోకి పావురాల(Pigeon) గుంపు వచ్చింది. స్ట్రయిక్లో ఉన్న స్మిత్ వాటిని చూసి పక్కకు జరిగాడు. అది గమనించిన లబూషేన్ పరుగెత్తుతూ పావురాల వైపు వెళ్లాడు. బ్యాటును ఝులిపిస్తూ వాటిని తరిమే ప్రయత్నం చేశాడు. మరోవైపు అలీ కూడా పావురాలను వెళ్లగొట్టడంలో ఆసీస్ స్టార్కు సాయపడ్డాడు. ఈ వీడియో నెట్టింట వైరల్ అవుతోంది.
A few pigeons were behind the bowler – so Marnus Labuschagne and Hasan Ali decided to move them along! #AUSvPAK pic.twitter.com/BI2sGZA0eb
— cricket.com.au (@cricketcomau) December 26, 2023
మెల్బోర్న్ స్టేడియంలో జరుగుతున్న రెండో టెస్టుకు వర్షం అంతరాయం కలిగించింది. ఆసీస్ ఇన్నింగ్స్ 114-2 స్కోర్ వద్ద వాన మొదలైంది. దాంతో రెండో సెషన్ మొత్తం వర్షార్పణం అయింది. టీ బ్రేక్ తర్వాత బ్యాటింగ్ కొనసాగించిన ఆసీస్కు అమర్ జమాల్ షాకిచ్చాడు. రిజ్వాన్ క్యాచ్ పట్టడంతో డేంజరస్ స్మిత్(26) వెనుదిరిగాడు. ఆతర్వాత లబూషేన్, హెడ్ మరో వికెట్ పడకుండా జాగ్రత్తగా ఆడారు. పెర్త్లో జరిగిన తొలి టెస్టులో కంగారూ జట్టు 360 పరుగుల తేడాతో పాక్ను చిత్తు చేసింది. తద్వారా కమిన్స్ సేన మూడు టెస్టుల సిరీస్లో కమిన్స్ సేన 1-0 తో ఆధిక్యంలోకి దూసుకెళ్లింది.