Collins Obuya | కెన్యా ధ్రువ‌తార వీడ్కోలు.. 2003 వ‌ర‌ల్డ్ క‌ప్ హీరోకు ‘గార్డ్ ఆఫ్ హాన‌ర్’

Collins Obuya : ప‌సికూన‌గా పేరొందిన కెన్యా క్రికెట్‌లో కొలిన్స్ ఒబుయా(Collins Obuya) పేరు ఓ సంచ‌ల‌నం. కెరీర్ ఆసాంతం ఆల్‌రౌండర్‌గా అద‌ర‌గొట్టిన‌  ఒబుయా ఆట‌కు వీడ్కోలు ప‌లికాడు. త‌న 22 ఏండ్ల అంత‌ర్జాతీయ కెరీర్‌కు ఆదివారం రిటైర్మెంట్...

Collins Obuya : ప‌సికూన‌గా పేరొందిన కెన్యా క్రికెట్‌లో కొలిన్స్ ఒబుయా(Collins Obuya) పేరు ఓ సంచ‌ల‌నం. కెరీర్ ఆసాంతం ఆల్‌రౌండర్‌గా అద‌ర‌గొట్టిన‌  ఒబుయా ఆట‌కు వీడ్కోలు ప‌లికాడు. త‌న 22 ఏండ్ల అంత‌ర్జాతీయ కెరీర్‌కు ఆదివారం రిటైర్మెంట్ ప్ర‌క‌టించాడు. అక‌ర్రాలో జ‌రిగిన ఆఫ్రికా గేమ్స్ త‌ర్వాత ఈ దిగ్గ‌జ ఆట‌గాడు క్రికెట్ నుంచి వైదొలుగుతున్న‌ట్టు వెల్ల‌డించాడు. దాంతో, ఉగాండాతో మ్యాచ్ సంద‌ర్భంగా ఇరుజ‌ట్ల ఆట‌గాళ్లు ఒబుయాకు ‘గార్డ్ ఆఫ్ హాన‌ర్‌’తో గౌర‌వించారు. అయితే.. కెరీర్‌లో చివ‌రి మ్యాచ్ ఆడేసిన‌ అత‌డు డ‌కౌట్‌గా వెనుదిరిగాడు.

’23 ఏండ్ల త‌ర్వాత రిటైర్ అవ్వాల‌ని డిసైడ‌య్యా. కెన్యా త‌ర‌ఫున ఆడ‌డం గొప్ప గౌర‌వం. నా కెరీర్‌లోని మంచి, క‌ష్ట స‌మ‌యాల్లో అండ‌గా నిలిచిన జ‌ట్టు స‌భ్యులు, నా కుటుంబానికి ధ‌న్య‌వాదాలు. ఇన్నేండ్లు క్రికెట్ ఆడ‌డం నిజంగా అదృష్టం’ అని ఒబుయా తెలిపాడు.

What a legend of Kenyan cricket! Fought so many battles, maximum respect for him on and off the field. Go well, Collo @CricketKenya @254cricket @CricketUganda pic.twitter.com/wg5HlpdIpc

— Brian X Masaba (@BrianX49) March 23, 2024

లెగ్ స్పిన్న‌ర్ అయిన ఒబుయా 2003 వ‌ర‌ల్డ్ క‌ప్‌లో సంచ‌ల‌న బౌలింగ్ ప్ర‌ద‌ర్శ‌న‌తో ఆక‌ట్టుకున్నాడు. శ్రీ‌లంక‌(Srilanka)పై 5-24తో అత్యుత్తమ‌ గ‌ణాంకాలు న‌మోదు చేశాడు. ఒబుయా విజృంభ‌ణ‌తో 211 ప‌రుగుల ఛేద‌న‌లో లంక 157 ప‌రుగుల‌కే కుప్ప‌కూలింది. సూప‌ర్ స్పెల్‌తో కెన్యా విజ‌యంలో భాగ‌మైన అత‌డు ‘ప్లేయ‌ర్ ఆఫ్ ది మ్యాచ్’ అవార్డు అందుకున్నాడు. అంతేకాదు టీమిండియాపై కూడా సూప‌ర్ బౌలింగ్‌తో ఆక‌ట్టుకున్నాడు.

ఆ ఏడాది కెన్యా ఆట‌గాళ్లు అద్భుతంగా రాణించ‌డంతో ఆ జ‌ట్టు సెమీస్‌కు దూసుకెళ్లింది. అసోసియేటెడ్ దేశాల‌కు చెందిన ఓ అనామ‌క జ‌ట్టు వ‌ర‌ల్డ్ క‌ప్‌లో సూప‌ర్ సిక్స్ ద‌శ దాట‌డాన్ని ఇప్ప‌టికీ ఎవ‌రూ మ‌ర్చిపోలేరు. మెగా టోర్నీలో మెరిసిన ఒబుయా ఆ ఏడాది వేస‌విలో కౌంటీ చాంపియ‌న్‌షిప్‌లో ఆడాడు. అంతేకాదు 2011 వ‌ర‌ల్డ్ క‌ప్‌లో ఒబుయా 98 ప‌రుగుల‌తో నాటౌట్‌గా నిలిచాడు. ఇప్ప‌టివ‌ర‌కూ ఒబుయా 104 వ‌న్డేల్లో 2,044 ర‌న్స్ కొట్టాడు. బంతితోనూ స‌త్తా చాటి 35 వికెట్లు కూల్చాడు.

ఇవి కూడా చ‌ద‌వండి

• Srisailam | శ్రీశైలంలో పౌర్ణమి పూజలు.. శాస్త్రోక్తంగా లక్ష కుంకుమార్చన..!
• Prithviraj Sukumaran | ప్రభాస్‌ను డైరెక్ట్‌ చేయాలనుంది : పృథ్విరాజ్‌ సుకుమారన్
• BJP Candidates | ఏపీలో బీజేపీ ఎంపీ అభ్యర్థులు వీరే..