IPL 2023 : టీమిండియా మాజీ క్రికెటర్ కేదార్ జాదవ్(Kedar Jadhav) జాక్పాట్ కొట్టాడు. ఈ ఏడాది మినీ వేలంలో అమ్ముడుపోని అతడిని అదృష్టం వరించింది. రాయల్ చాలెంజర్స్ బెంగళూరు(Royal Challengers Bangalore) జట్టు ఆల్రౌండర్ డేవిడ్ విల్లే(ఇంగ్లండ్) స్థానంలో అతడిని తీసుకుంది. ఈ వెటరన్ ఆల్రౌండర్కు కోటి రూపాయలు చెల్లించనుంది. బ్యాటింగ్ విభాగాన్ని బలోపేతం చేసేందుకు ఆర్సీబీ ఫ్రాంచైజీ కేదార్కు చోటు కల్పించింది. మిడిలార్డర్లో చెలరేగి ఆడే కేదార్ స్నిన్ బౌలింగ్ వేయగలడు.
38 ఏళ్ల కేదార్ గతంలో ఆర్సీబీ తరఫున 17 మ్యాచ్లు ఆడాడు. డూప్లెసిస్ సేన తదుపరి మ్యాచుల్లో అతడు తుది జట్టులో ఉండే అవకాశం ఉంది. ఈ సీజన్లో నాలుగు మ్యాచ్లు ఆడిన విల్లే పెద్దగా రాణించలేదు. కేవలం మూడు వికెట్లు తీశాడంతే. కాలికి గాయం కారణంగా విల్లో ఈ సీజన్ మొత్తానికి దూరం కానున్నాడు.
🔊 ANNOUNCEMENT 🔊
Indian all-rounder Kedar Jadhav replaces injured David Willey for the remainder of #IPL2023.
Welcome back to #ನಮ್ಮRCB, Kedar Jadhav! 🙌#PlayBold @JadhavKedar pic.twitter.com/RkhI9Tvpi1
— Royal Challengers Bangalore (@RCBTweets) May 1, 2023
కేదార్ జాదవ్ 2010లో ఐపీఎల్లో ఆరంగేట్రం చేశాడు. ఇప్పటివరకు అతను 93 మ్యాచ్లు ఆడాడు. 1,196 పరుగులు చేశాడు. ఎంఎస్. ధోనీ సారథ్యంలో చెన్నై సూపర్ కింగ్స్కు ప్రాతినిధ్యం వహించాడు. ప్రస్తుతం ఆర్సీబీ పాయింట్ల పట్టికలో ఆరో స్థానంలో ఉంది. ఆ జట్టు ప్లే ఆఫ్ అవకాశాలు మెరుగుపడాలంటే ఇకనుంచి ప్రతి మ్యాచ్లో గెలవాలి. ఈరోజు లక్నో సూపర్ జెయింట్స్తో డూప్లెసిస్ సేన తలపడనుంది. టీమిండియా తరఫున 73 వన్డేలు ఆడిన కేదార్ 1,389 రన్స్ కొట్టాడు. 27 వికెట్లు పడగొట్టాడు. అంతేకాదు 9 టీ20 మ్యాచులు ఆడి 58 పరుగులు చేశాడు.