IPL 2024 CSK vs KKR : ఐపీఎల్ 17వ సీజన్లో ఉత్కంఠ పోరాటాలను ఆస్వాదించిన అభిమానులు ఏకపక్ష మ్యాచ్ను కళ్లజూశారు. బౌలర్లపై నిర్దాక్షిణ్యంగా విరుచుకుపడే కోల్కతా నైట్ రైడర్స్(Kolkata Knight Riders) పవర్ హిట్టర్లంతా బ్యాట్ ఝులిపించలేక డగౌట్ చేరారు. మొదట బంతితో పడగొట్టి.. ఆ తర్వాత బ్యాటుతో దంచేసిన డిఫెండింగ్ చాంపియన్ చెన్నై సూపర్ కింగ్స్(Chennai Super Kings) ఓటమన్నదే ఎరుగని కోల్కతాను చిత్తుగా ఓడించింది.
తమ కంచుకోటలో కోల్కతాకు ముచ్చెమటలు పట్టించిన సీఎస్కే 7 వికెట్ల తేడాతో గెలుపొందింది. ఓపెనర్ రుతురాజ్ గైక్వాడ్(67 నాటౌట్) కెప్టెన్ ఇన్నింగ్స్ ఆడగా.. ఇంపాక్ట్ ప్లేయర్ శివం దూబే(28) ఎప్పటిలానే సిక్సర్లతో హోరెత్తించాడు. దీంతో, చెన్నై మూడో విజయం ఖాతాలో వేసుకుంది.
Skipper leading from the front 🫡
Ruturaj Gaikwad brings 🆙 his maiden 5️⃣0️⃣ of #TATAIPL 2024 👏👏
Follow the Match ▶ https://t.co/5lVdJVscV0 #CSKvKKR | @ChennaiIPL pic.twitter.com/9TJXQHTDcR
— IndianPremierLeague (@IPL) April 8, 2024
స్వల్ప ఛేదనలో డిఫెండింగ్ చాంపియన్ చెన్నైకి షాక్. 27 పరుగుల వద్ద తొలి వికెట్ పడింది. వరల్డ్ కప్లో దంచికొట్టిన ఓపెనర్ రచిన్ రవీంద్ర(15) మరోసారి నిరాశపరిచాడు. వైభవ్ అరోరా బౌలింగ్లో భారీ షాట్ ఆడి చక్రవర్తికి క్యాచ్ ఇచ్చాడు. రచిన్ వికెట్ పడినా డారిల్ మిచెల్(3) జతగా గైక్వాడ్ ధాటిగా ఆడాడు. ఈ జోడీని విడదీసేందుకు అయ్యర్ బౌలర్లను మార్చినా ఫలితం లేకపోయింది.
Finally a sigh of relief for #KKR 👌👌
Sunil Narine gets the wicket of Daryl Mitchell 👏👏
With this wicket, is there a twist in the tale ? 🤔
Watch the match LIVE on @JioCinema and @StarSportsIndia 💻📱#TATAIPL | #CSKvKKR | @KKRiders pic.twitter.com/FUVjnqF6gC
— IndianPremierLeague (@IPL) April 8, 2024
అయితే.. నరైన్ ఓవర్లో మిచెల్ బౌల్డ్ అయ్యేసరికి చెన్నై విజయానికి 41 బంతుల్లో 45 రన్స్ కావాలి. ఆ టైమ్లో ఇంపాక్ట్ ప్లేయర్గా క్రీజులోకి వచ్చిన శివం దూబే(28).. గైక్వాడ్తో కలిసి దంచాడు. మిచెల్ స్టార్క్, వరుణ్ చక్రవర్తి, నరైన్లను ఉతికారేశాడు. చక్రవర్తి వేసిన 16వ ఓవర్లో వరుసగా రెండు సిక్సర్లు బాది చెన్నైని గెలుపు తీరానికి చేర్చాడు.
ఐపీఎల్ చరిత్రలో రెండో అత్యధిక స్కోర్ కొట్టిన కోల్కతా నైట్ రైడర్స్ చెపాక్లో తడబడింది. సీఎస్కే బౌలర్లు ముకుతాడు వేడయంతో కోల్కతా హిట్టర్లు పెవిలియన్కు క్యూ కట్టారు. స్టార్ స్పిన్నర్ రవీంద్ర జడేజా స్పిన్ మ్యాజిక్ చేయగా.. ముస్తఫిజుర్, దేశ్పాండేలు పేస్తో హడలెత్తించారు. దాంతో, కోల్కతా 20 ఓవర్లలో 9 వికెట్ల నష్టానికి 137 రన్స్ కొట్టింది.
Rinku Singh ✅
Andre Russell ✅Chepauk is joyous, courtesy Tushar Deshpande 👏 👏
Watch the match LIVE on @JioCinema and @StarSportsIndia 💻📱#TATAIPL | #CSKvKKR | @ChennaiIPL pic.twitter.com/cDDzi1nf9S
— IndianPremierLeague (@IPL) April 8, 2024
సునీల్ నరైన్(27), అంగ్క్రిష్ రఘువంశీ(24)లు ధనాధన్ ఆడడంతో ఒకదశలో 56/1తో పటిష్ట స్థితిలో నిలిచింది. కానీ, జడ్డూ రాకతో సీన్ రివర్స్ అయింది. అతడి విజృంభణతో కోల్కతా 8/55కి చేరింది. ఆ దశలో కెప్టెన్ శ్రేయస్ అయ్యర్(34) ఒంటరి పోరాటం చేశాడు. రింకూ సింగ్(9), ఆండ్రూ రస్సెల్(10)తో కలిసి జట్టు స్కోర్ 130 దాటించాడు.