IPL 2023 | మోహిత్ శ‌ర్మ సూప‌ర్ బౌలింగ్.. ల‌క్నోకు షాకిచ్చిన గుజ‌రాత్

IPL 2023 : ఐపీఎల్ 16వ సీజ‌న్‌లో మ‌రో ఉత్కంఠ పోరు. ఆఖ‌రి బంతి వ‌ర‌కు విజ‌యం దోబూచులాడిన మ్యాచ్‌లో డిఫెండింగ్ చాంపియ‌న్ గుజ‌రాత్ టైట‌న్స్ గెలుపొందింది. ల‌క్నో సూప‌ర్ జెయింట్స్‌ను 7 ప‌రుగుల తేడాతో ఓడించింది. 136 టార్గెట్ ఛేద‌న‌లో ల‌క్నోను 128కే క‌ట్ట‌డి చేసింది. 20వ ఓవ‌ర్ వేసిన మోహిత్ శ‌ర్మ అద్భుత బౌలింగ్‌తో జ‌ట్టును గెలిపించాడు. నాలుగు వికెట్లు ప‌డ‌డంతో ల‌క్నో అనూహ్యంగా ఓట‌మి పాలైంది.

IPL 2023 : ఐపీఎల్ 16వ సీజ‌న్‌లో మ‌రో ఉత్కంఠ పోరు. ఆఖ‌రి బంతి వ‌ర‌కు విజ‌యం దోబూచులాడిన మ్యాచ్‌లో డిఫెండింగ్ చాంపియ‌న్ గుజ‌రాత్ టైట‌న్స్ గెలుపొందింది. ల‌క్నో సూప‌ర్ జెయింట్స్‌ను 7 ప‌రుగుల తేడాతో ఓడించింది. 136 టార్గెట్ ఛేద‌న‌లో ల‌క్నోను 128కే క‌ట్ట‌డి చేసింది. 20వ ఓవ‌ర్ వేసిన మోహిత్ శ‌ర్మ అద్భుత బౌలింగ్‌తో జ‌ట్టును గెలిపించాడు. నాలుగు వికెట్లు ప‌డ‌డంతో ల‌క్నో అనూహ్యంగా ఓట‌మి పాలైంది. కేఎల్ రాహుల్(68) అర్థ శ‌త‌కం బాదినా ఫ‌లితం లేక‌పోయింది. దాంతో, ల‌క్నో మూడో ఓట‌మిని మూట‌గ‌ట్టుకుది.

మోహిత్ శ‌ర్మ వేసిన 20 ఆఖ‌రి ఓవ‌ర్‌లో రెండో బంతికి కేఎల్ రాహుల్(68) క్యాచ్ ఔట‌య్యాడు. త‌ర్వాత బంతికే స్టోయినిస్ డ‌కౌట‌య్యాడు. నాలుగో బంతికి రెండు ప‌రుగుల‌కు ప్ర‌య‌త్నించి ఆయుష్ బదొని(8) ర‌నౌట‌య్యాడు. ఐదో బంతికి దీప‌క్ హుడా() కూడా ర‌నౌట్ అయ్యాడు. ఆఖ‌రి బంతికి 8 ర‌న్స్ అవ‌స‌ర‌మ‌య్యాయి. కానీ, ఒక్క ప‌రుగు కూడా రాలేదు. దాంతో, గుజ‌రాత్ 7 ప‌రుగుల తేడాతో గెలుపొందింది.

A monumental turnaround 🤯🤯@gujarat_titans clinch a narrow 7-run victory to get back to winning ways 🙌

Scorecard ▶️ https://t.co/TtAH2CiXVI#TATAIPL | #LSGvGT pic.twitter.com/1H6bd2yVdT

— IndianPremierLeague (@IPL) April 22, 2023

స్వ‌ల్ప ల‌క్ష్య ఛేద‌న‌లో ల‌క్నోకు శుభారంభం ద‌క్కింది. ఈ సీజ‌న్‌లో రాణించ‌ని కేఎల్ రాహుల్(68) అర్థ శ‌త‌కంతో చెల‌రేగాడు. ప‌వ‌ర్ ప్లే త‌ర్వాత తొలి బంతికే డేంజ‌ర‌స్ కైల్ మేయ‌ర్స్(24)ను ర‌షీద్ ఖాన్ బౌల్డ్ చేశాడు. దాంతో, 55 ర‌న్స్ వ‌ద్ద ల‌క్నో తొలి వికెట్ ప‌డింది. ఆ త‌ర్వాత రాహుల్, కృనాల్ పాండ్యా(23)తో యాభై ర‌న్స్ జోడించాడు. దాంతో, ల‌క్నో ఈజీగా గెలుస్తుంద‌నుకున్నారంతా. కానీ, గుజ‌రాత్ బౌల‌ర్లు అద్భుతం చేశారు. నికోల‌స్ పూర‌న్‌ను ఔట్ చేసి ల‌క్నోపై ఒత్తిడి పెంచారు. ల‌క్నో బౌల‌ర్ల‌లో మోహిత్ శ‌ర్మ‌, నూర్ అహ్మ‌ద్ రెండు, ర‌షీద్ ఖాన్ ఒక వికెట్ తీశారు.

పాండ్యా అర్థ శ‌త‌కం

టాస్ గెలిచి బ్యాటింగ్ ఎంచుకున్న గుజ‌రాత్ టైట‌న్స్ భారీ స్కోర్ చేయ‌లేక‌పోయింది. ల‌క్నో బౌల‌ర్ల ధాటికి 6 వికెట్ల న‌ష్టానికి 135 ప‌రుగులు కొట్టిందంతే. కెప్టెన్ హార్దిక్ పాండ్యా(66) అర్థ శత‌కంలో రాణించాడు. మిగ‌తా బ్యాట‌ర్ల‌లో ఓపెన‌ర్ వృద్దిమాన్ సాహా(47) మాత్ర‌మే రాణించారు. ఫామ్‌లో ఉన్న శుభ్‌మ‌న్ గిల్‌(0), విజ‌య్ శంక‌ర్(10) విఫ‌ల‌మ‌య్యారు. ల‌క్నో బౌల‌ర్లలో కృనాల్ పాండ్యా, స్టోయినిస్ రెండేసి వికెట్లు తీశారు.