Lionel Messi Bodygaurd | మెస్సీని కంటికి రెప్ప‌లా కాపాడుతున్న క‌ట్ట‌ప్ప ఇత‌నే.. యుద్ధ వీరుడైన అత‌డి విశేషాలివే

Lionel Messi Bodygaurd : అర్జెంటీనా స్టార్ ఆట‌గాడు లియోన‌ల్ మెస్సీ(Lionel Messi)కి అభిమాన గ‌ణం ఎక్కువ‌. ఎక్క‌డికి వెళ్లినా ఈ స్టార్ ఆట‌గాడిని చూసేందుకు ఫ్యాన్స్ ఎగ‌బ‌డుతుంటారు. కొంద‌రైతే సిబ్బంది క‌ళ్లుగ‌ప్పి మైదానంలోకి ప‌రుగెత్తుకొచ్చి మెస్సీని హ‌త్తుకునేందుకు ప్ర‌య‌త్నిస్తారు. అలాంటి వాళ్ల‌ నుంచి మెస్సీని కాపాడుతున్న క‌ట్ట‌ప్ప పేరేంటో తెలుసా..?

Lionel Messi Bodygaurd : అర్జెంటీనా స్టార్ ఆట‌గాడు లియోన‌ల్ మెస్సీ(Lionel Messi)కి అభిమాన గ‌ణం ఎక్కువ‌. ఎక్క‌డికి వెళ్లినా ఈ స్టార్ ఆట‌గాడిని చూసేందుకు ఫ్యాన్స్ ఎగ‌బ‌డుతుంటారు. కొంద‌రైతే సిబ్బంది క‌ళ్లుగ‌ప్పి మైదానంలోకి ప‌రుగెత్తుకొచ్చి మెస్సీని హ‌త్తుకునేందుకు ప్ర‌య‌త్నిస్తారు. అభిమానుల ముసుగులో కొంద‌రు అత‌డిపై దాడి చేసే అవ‌కాశం కూడా ఉంది. అలాంటి వాళ్ల‌ను అడ్డుకునేందుకు, మెస్సీని కంటికి రెప్ప‌లా కాపాడేందుకు ఇంట‌ర్ మియామి(Inter Miami) అత‌డికి ఓ అంగ‌ర‌క్ష‌కుడి(Bodygaurd)ని నియ‌మించింది. అత‌ను కండ‌లు తిరిగిన బౌన్స‌ర్ అనుకుంటే పొర‌ప‌డ్డ‌ట్టే. ఎందుకంటే.. అత‌నొక యుద్ధ వీరుడు. మెస్సీపై ఈగ వాల‌కుండా చూసుకుంటున్నఈ క‌ట్ట‌ప్ప‌ పేరు .. యాసిన్ చుకో(Yassine Chueko).

అమెరికాకు చెందిన యాసిన్ ఇరాక్, అఫ్గ‌నిస్థాన్‌లో సైనికుడిగా గ‌స్తీ కాశాడు. అంతేకాదు అమెరికా నౌకా ద‌ళానికి చెందిన‌ సీల్(Navy Seal) విభాగంలో ప‌నిచేసిన అనుభ‌వం ఉంది. అత‌ను మిక్స్‌డ్ మార్ష‌ల్ ఆర్ట్స్‌(Mixed Marshal Arts)లో ఆరి తేరిన వ్య‌క్తి. అందుక‌నే ఇంట‌ర్ మియామి క్ల‌బ్ స‌హ వ్య‌వ‌స్థాప‌కుడు డేవిడ్ బెక్‌హ‌మ్‌(David Beckham) యాసిన్‌ను మెస్సీకి బాడీ గార్డ్‌గా నియ‌మించాడు.

👮‍♂️🇦🇷 During Inter Miami matches, Leo Messi is followed by an ex-US Navy Seal for maximum security.

The bodyguard is a martial arts, boxer and taekwondo expert. He can be seen even following him during matches. pic.twitter.com/Gl8n1UzHXV

— EuroFoot (@eurofootcom) August 24, 2023

అప్ప‌టి నుంచి యాసిన్ దిగ్గ‌జ ఫుట్‌బాల‌ర్‌ను కంటికి రెప్ప‌లా కాపాడుతున్నాడు. బ‌స్సు దిగిన‌ప్ప‌టి నుంచి మ్యాచ్ ముగించుకొని హోటల్ రూమ్‌కు వెళ్లేంత వ‌ర‌కు భ‌ద్ర‌త క‌ల్పిస్తున్నాడు. తాజాగా మ్యాచ్‌లోనూ యాసిన్ గ్రౌండ్‌లో మెస్సీ వెన్నంటే ఉన్నాడు. అత‌డి ద‌గ్గ‌ర‌కు పరుగెత్తుకొచ్చిన ఓ అభిమానిని నిలువ‌రించి వెన‌క్కి పంపేశాడు. ప్ర‌స్తుతం ఆ వీడియో సోష‌ల్ మీడియాలో వైర‌ల్ అవుతోంది.

మెస్సీ బాడీగార్డ్‌ యాసిన్ చుకో

ఈ సీజ‌న్ ఆరంభంలో మెస్సీ ఇంట‌ర్ మియామి క్ల‌బ్(Inter Miami)కు మారాడు. పారిస్ సెయింట్ జ‌ర్మ‌నీ(PSG club Germany)తో రెండేళ్ల కాంట్రాక్టు ముగియ‌డంతో అత‌ను మియామికి ఓకే చెప్పాడు. ఈ జ‌ట్టు త‌ర‌ఫున ఇప్ప‌టివ‌ర‌కూ 8 మ్యాచ్‌లు ఆడిన మెస్సీ 10 గోల్స్ కొట్టాడు. అంతేకాదు కొత్త క్ల‌బ్ త‌ర‌ఫున తొలి ట్రోఫీ అందుకున్నాడు. నిరుడు మెస్సీ సార‌థ్యంలోని అర్జెంటీనా వ‌ర‌ల్డ్ క‌ప్ అందుకున్న‌ విష‌యం తెలిసిందే.

ఇవి కూడా చ‌దవండి

R Praggnanandhaa | ప్ర‌జ్ఞానంద‌కు కెరీర్ అత్యుత్త‌మ రేటింగ్స్.. ర్యాంక్ ఎంతో తెలుసా..?

Big Bash League 2023 | ఆసీస్ మాజీ కెప్టెన్ కొత్త అవ‌తారం.. అసిస్టెంట్ కోచ్‌గా మెప్పిస్తాడా..?