Visit:
Avinash Sable : భారత స్టీపుల్ ఛేజ్ ర‌న్న‌ర్ అవినాష్ సబ్లే (Avinash Sable) ప్యారిస్ డైమండ్ లీగ్‌లో బ‌ద్ద‌లు కొట్టాడు. పురుషుల 3 వేల మీట‌ర్ల పందెంలో అవినాశ్ కెరీర్‌లోనే అత్యుత్త‌మ ప్ర‌ద‌ర్శ‌న క‌న‌బ‌రిచాడు. ఆదివారం జ‌రిగిన పోటీలో 8ః09.91 నిమిషాల్లో ల‌క్ష్యాన్ని చేరుకొని ఆరో స్థానంలో నిలిచాడు.
త‌న టైమింగ్‌ను మెరుగుపరుచుకున్న అవినాష్ ప్యారిస్ ఒలింపిక్స్‌కు ముందు కొండంత ఆత్మ‌విశ్వాసాన్ని పోగు చేసుకున్నాడు. అంతేకాదు త‌న వ్య‌క్తిగ‌త రికార్డును అత‌డు 10వ సారి బ్రేక్ చేశాడు.
𝐀𝐯𝐢𝐧𝐚𝐬𝐡 𝐲𝐨𝐮 𝐛𝐞𝐚𝐮𝐭𝐲 🔥🔥🔥
Avinash Sable creates NEW NATIONAL RECORD in 3000m SC
Avinash clocked 8:09.91 (breaking his own earlier NR of 8:11.20) on his way to respectable 6th place finish at prestigious Paris Diamond League @afiindia #ParisDL #Athletics pic.twitter.com/qQxQUNeCmG
— India_AllSports (@India_AllSports) July 7, 2024
మ‌హారాష్ట్రలోని బీడ్ జిల్లాలోని మండ్వా గ్రామంలోని రైతు కుటుంబంలో పుట్టాడు అవినాష్. చిన్న‌ప్పుడు బ‌డికి వెళ్లేందుకు బ‌స్సు లేదా ఆటో సౌక‌ర్యం లేక‌పోవ‌డంతో అత‌డు రోజూ 6 కిలోమీట‌ర్ల దూరం నడిచేవాడు. అయితే.. అత‌డు అథ్లెట్ కావాల‌ని ఏనాడూ అనుకోలేదు.
12వ త‌ర‌గ‌తి తర్వాత భారత సైన్యంలో చేరాడు. రాజ‌స్థాన్, సిక్కింల సియాచిన్ హిమ‌పాతం స‌మీపంలో డ్యూటీ. ఆ సమయంలోనే అవినాష్ క్రీడా నైపుణ్యాన్ని అధికారులు గుర్తించారు. 2015, 2017లో జాతీయ క్రాస్ కంట్రీ చాంపియ‌న్‌షిప్స్‌లో మెరిసిన అవినాష్.. నిరుడు ఆసియా గేమ్స్‌లో స్వ‌ర్ణంతో చ‌రిత్ర సృష్టించాడు.
