Jagannath Rath Yatra | పూరీ జగన్నాథ యాత్రలో అపశృతి.. ఒకరి మృతి.. పలువురికి గాయాలు..!

Jagannath Rath Yatra | ఒడిశాలోని పూరీలో ఆదివారం ప్రారంభ‌మైన జ‌గ‌న్నాధ ర‌ధ‌యాత్ర‌లో ల‌క్ష‌ల మంది భ‌క్తులు పాల్గొన‌డంతో ఊపిరాడ‌క ఓ భ‌క్తుడు ప్రాణాలు కోల్పోయాడు.

July 7, 2024 / 09:45 PM IST

Jagannath Rath Yatra | పూరీ జగన్నాథ యాత్రలో అపశృతి.. ఒకరి మృతి.. పలువురికి గాయాలు..!

Jagannath Rath Yatra | ఒడిశాలోని పూరీలో ఆదివారం జగన్నాథ రధయాత్ర అత్యంత వైభవంగా ప్రారంభమైంది. ఈ రధయాత్రలో లక్షల మంది భక్తులు పాల్గొనడంతో ఊపిరాడక ఒక భక్తుడు మరణించగా పలువురు గాయ పడ్డారు. పూరీలోని జగన్నాథ దేవాలయం నుంచి గుడించా దేవాలయం వరకూ 2.5 కి.మీ పొడవునా ఈ రధయాత్ర సాగింది.

దేశంలోని వివిధ ప్రాంతాల నుంచి సుమారు 15 లక్షల మంది భక్తులు పూరీకి తరలి వచ్చారు. చరిత్రాత్మకంగా సాగే ఈ రధయాత్రలో రాష్ట్రపతి ద్రౌపది ముర్ము, ఒడిశా గవర్నర్ రఘుబర్ దాస్, ముఖ్యమంత్రి మోహన్ మాంఝీ, డిప్యూటీ సీఎంలు కేవీ సింగ్ దేవ్, ప్రవతి పరిదా, మాజీ సీఎం నవీన్ పట్నాయక్ తదితరులు పాల్గొన్నారు. రాష్ట్రపతి ద్రౌపది ముర్ము స్వయంగా బాలభద్రుడి రధాన్ని భుజంపై లాగారు. పూరీ జగన్నాథ రధయాత్రలో ఒక రాష్ట్రపతి పాల్గొనడం ఇదే తొలిసారి.