FIFA Rankings | ఐదేళ్ల త‌ర్వాత స‌బ్‌-100లో భార‌త్.. అత్యుత్త‌మ ర్యాంక్ ఎంతో తెలుసా..?

FIFA Rankings : స్వ‌దేశంలో ద‌మ్మురేపుతున్న‌ భార‌త ఫుట్‌బాల్ జ‌ట్టు(Indian Football Team) ఫిఫా ర్యాంకింగ్స్(FIFA Rankings) మెరుగుప‌రుచుకుంది. తాజాగా ఫిఫా ప్ర‌క‌టించిన ర్యాంకింగ్స్‌లో స‌బ్ -100లో చోటు సంపాదించింది. టీమిండియా వందలోపు ర్యాంకు సొంతం చేసుకోవ‌డం ఐదేళ్ల‌లో ఇదే మొద‌టిసారి కావ‌డం విశేషం. ప్ర‌స్తుతం భారత జ‌ట్టు 1208.69 పాయింట్ల‌తో...

July 20, 2023 / 07:15 PM IST

FIFA Rankings | ఐదేళ్ల త‌ర్వాత స‌బ్‌-100లో భార‌త్.. అత్యుత్త‌మ ర్యాంక్ ఎంతో తెలుసా..?

FIFA Rankings : స్వ‌దేశంలో ద‌మ్మురేపుతున్న‌ భార‌త ఫుట్‌బాల్ జ‌ట్టు(Indian Football Team) ఫిఫా ర్యాంకింగ్స్(FIFA Rankings) మెరుగుప‌రుచుకుంది. తాజాగా ఫిఫా ప్ర‌క‌టించిన ర్యాంకింగ్స్‌లో స‌బ్ -100లో చోటు సంపాదించింది. టీమిండియా వందలోపు ర్యాంకు సొంతం చేసుకోవ‌డం ఐదేళ్ల‌లో ఇదే మొద‌టిసారి కావ‌డం విశేషం. ప్ర‌స్తుతం భారత జ‌ట్టు 1208.69 పాయింట్ల‌తో 99వ ర్యాంక్‌లో ఉంది. టీమిండియా ఈ విష‌యాన్ని ట్విట్ట‌ర్ వేదిక‌గా పంచుకుంది.

2018లో చివ‌రిసారిగా భార‌త్ వంద లోపు ర్యాంకు సాధించింది. నిరుడు ఫిఫా వ‌ర‌ల్డ్ క‌ప్(FIFA WC 2022) గెలిచిన అర్జెంటీనా అగ్ర‌స్థానం ద‌క్కిచుకుంది. ర‌న్న‌ర‌ప్ ఫ్రాన్స్, బ్రెజిల్, ఇంగ్లండ్, బెల్జియం జ‌ట్లు ఆ త‌ర్వాతి స్థానాల్లో ఉన్నాయి.

ᴡᴇ ᴍᴀʀᴄʜ ᴏɴ 💪🏽💙

🇮🇳 climbed up to 9️⃣9️⃣ in the lastest official @FIFAcom world ranking 👏🏽🤩#BlueTigers 🐯 #IndianFootball ⚽️ pic.twitter.com/HuTjcSI2xx

— Indian Football Team (@IndianFootball) July 20, 2023

అత్యుత్త‌మ ర్యాంక్ ఎంతంటే..?

భార‌త ఫుట్‌బాల్ జ‌ట్టు అత్యుత్త‌మ ర్యాంక్ ఎంతో తెలుసా..? 1996లో టీమిండియా 94వ ర్యాంక్‌లో నిలిచింది. ఇప్ప‌టి వ‌ర‌కూ అదే అత్యుత్య‌మ ర్యాంక్. 2017లో 96వ స్థానం, 2018లో 98వ స్థానంతో స‌రిపెట్టుకుంది. ఆ త‌ర్వాత పేల‌వ ప్ర‌ద‌ర్శ‌నతో నిరాశ‌ప‌రిచింది. అయితే.. ఈమ‌ధ్య‌ సునీల్ ఛెత్రీ(Sunil Chhetri) సార‌థ్యంలో మ‌న జ‌ట్టు అద్భుత విజయాలు సాధిస్తోంది.

శాఫ్ చాంపియ‌న్స్‌ ట్రోఫీతో భార‌త జ‌ట్టు

Saff F

స్వ‌దేశంలో శాఫ్ చాంపియ‌న్స్‌ ట్రోఫీ(SAFF Champions Trophy 2023) చాంపియ‌న్‌గా నిలిచింది. ఫైన‌ల్లో లెబ‌నాన్‌ను ఓడించి ట్రోఫీ అందుకుంది. దాంతో, వ‌ర‌ల్డ్ ర్యాంకింగ్‌లో ముంద‌డుగు వేసింది. లెబ‌నాన్ జట్టు 101, కువైట్ 137 ర్యాంక్‌లో కొన‌సాగుతున్నాయి. మ‌రోవైపు ఆసియా దేశాలైన జ‌పాన్(20), ఇరాన్‌(22), ఆస్ట్రేలియా(27) స్థానాల్లో నిలిచాయి.