T20 World Cup 2024 | అక్టోబ‌ర్‌లో మ‌హిళ‌ల ‘ప్ర‌పంచ‌ క‌ప్’.. ఆరంభ‌ మ్యాచ్ ఆ జ‌ట్ల‌ మ‌ధ్యే

T20 World Cup 2024 : పురుషుల టీ20 వ‌ర‌ల్డ్ క‌ప్ కోసం అన్ని జ‌ట్లు స్క్వాడ్‌ను ప్ర‌క‌టిస్తున్న స‌మ‌యంలోనే ఐసీసీ మ‌రో గుడ్ న్యూస్ చెప్పింది. మ‌హిళ‌ల పొట్టి ప్ర‌పంచ‌క‌ప్ (Womens T20 World Cup 2024) తేదీల‌ను విడుద‌ల చేసింది.

T20 World Cup 2024 : పురుషుల టీ20 వ‌ర‌ల్డ్ క‌ప్ కోసం అన్ని జ‌ట్లు స్క్వాడ్‌ను ప్ర‌క‌టిస్తున్న స‌మ‌యంలోనే ఐసీసీ మ‌రో గుడ్ న్యూస్ చెప్పింది. మ‌హిళ‌ల పొట్టి ప్ర‌పంచ‌క‌ప్(Womens T20 World Cup 2024) తేదీల‌ను విడుద‌ల చేసింది. అవును.. మ‌హిళ‌ల టీ20 వ‌ర‌ల్డ్ క‌ప్ షెడ్యూల్ వ‌చ్చేసింది. బంగ్లాదేశ్ వేదిక‌గా అక్టోబ‌ర్ 3వ తేదీన ఈ మెగా టోర్నీ షూరూ కానుంది.

ఆదివారం జ‌రిగిన ప్ర‌త్యేక కార్య‌క్ర‌మంలో బంగ్లాదేశ్ క్రికెట్ బోర్డు అధ్య‌క్షుడు న‌జ్ముల్ హసన్(Najmul Hassan)  ఐసీసీ సీఈవో జియోఫ్ అల్ల‌ర్‌డిసేలు వ‌ర‌ల్డ్ క‌ప్ షెడ్యూల్ విడుద‌ల చేశారు. అనంత‌రం ప్ర‌ధాని షేక్ హ‌సీనా(Sheikh Haseena) త‌న నివాసంలో టీమిండియా కెప్టెన్ హ‌ర‌న్మ్‌ప్రీత్ కౌర్(Harmapreet Kaur), బంగ్లాదేశ్ సార‌థి నిగ‌ర్ సుల్తానాతో ఫొటో దిగారు.

The ICC Women’s #T20WorldCup 2024 in Bangladesh to commence on 3 October with the final slated for 20 October.

Details 👉 https://t.co/MRtx7UXXPM pic.twitter.com/v4jBsD0gIe

— ICC (@ICC) May 5, 2024

10 జ‌ట్లు.. 18 రోజులు

ఈసారి మెగా టోర్నీ 18 రోజుల పాటు ఫ్యాన్స్‌ను అల‌రించ‌నుంది. అక్టోబ‌ర్ 20 న జ‌రిగే ఫైన‌ల్ మ్యాచ్‌తో పొట్టి ప్ర‌పంచ‌క‌ప్ ముగియ‌నుంది. మొత్తంగా 10 జ‌ట్లు 18 రోజుల పాటు 23 మ్యాచ్‌లు ఆడ‌నున్నాయి. టోర్నీలో త‌ల‌ప‌డే 10 జ‌ట్ల‌ను రెండు గ్రూప్‌లుగా విభ‌జించారు. గ్రూప్ ఏ లో భార‌త్, ఆస్ట్రేలియా, న్యూజిలాండ్, పాకిస్థాన్.. గ్రూప్ బిలో బంగ్లాదేశ్, ఇంగ్లండ్, ద‌క్షిణాఫ్రికా, వెస్టిండీస్‌లు ఉన్నాయి.

ఆ రెండు స్టేడియాల్లో..

బంగ్లాదేశ్‌లోని రెండు వేదిక‌ల్లో ఈ మెగా టోర్నీ జ‌రుగ‌నుంది. శ్రీ బంగ్లా నేష‌న‌ల్ క్రికెట్ స్టేడియం, సిల్మెట్ ఇంట‌ర్నేష‌న‌ల్ స్టేడియంలో  మ్యాచ్‌లు నిర్వ‌హిస్తారు. క్వాలిఫ‌య‌ర్ 1 మ్యాచ్ సిల్హెట్‌, క్వాలిఫ‌య‌ర్ 2 మ్యాచ్‌ ఢాకాలో జ‌రుగ‌నున్నాయి. పొట్టి ప్ర‌పంచ‌కప్ ఆరంభ మ్యాచ్‌లో ఇంగ్లండ్‌తో నిరుడు ర‌న్న‌ర‌ప్ ద‌క్షిణాఫ్రికా త‌ల‌ప‌డ‌నుంది.