T20 World Cup 2024 | క‌రీబియ‌న్ గ‌డ్డ‌పై పొట్టి ప్ర‌పంచ క‌ప్.. ఆతిథ్యం ఇవ్వ‌నున్న 7 స్టేడియాలు ఇవే

T20 World Cup 2024 : వ‌చ్చే ఏడాది టీ20 వ‌ర‌ల్డ్ క‌ప్ కోసం అంత‌ర్జాతీయ క్రికెట్ మండ‌లి(ICC) అన్ని ఏర్పాట్లు చేస్తోంది. జూన్ 4వ తేదీ నుంచి ఈ మెగా టోర్నీ షురూ కానుంది. దాంతో, రెండు రోజుల క్రితం అమెరికా(America)లోని వేదికల‌ను ఐసీసీ ప్ర‌క‌టించింది. ఈరోజు వెస్టిండీస్‌లో....

T20 World Cup 2024 : వ‌చ్చే ఏడాది టీ20 వ‌ర‌ల్డ్ క‌ప్ కోసం అంత‌ర్జాతీయ క్రికెట్ మండ‌లి(ICC) అన్ని ఏర్పాట్లు చేస్తోంది. జూన్ 4వ తేదీ నుంచి ఈ మెగా టోర్నీ షురూ కానుంది. దాంతో, రెండు రోజుల క్రితం అమెరికా(America)లోని వేదికల‌ను ఐసీసీ ప్ర‌క‌టించింది. ఈరోజు వెస్టిండీస్‌లో ఆతిథ్యం ఇచ్చే స్టేడియాల పేర్లు కూడా వెల్ల‌డించింది. మొత్తం ఏడు మైదానాల్లో ఈ మెగా టోర్నీని నిర్వ‌హిస్తున్న‌ట్టు ఐసీసీ పెద్ద‌లు తెలిపారు.

అంటిగ్వా బ‌ర్బుడా, బార్బ‌డోస్, డొమినికా, గ‌యానా, సెయింట్ లుసియా, సెయింట్ విన్సెంట్, గ్రెన‌డిన్స్, ట్రినిడాడ్ & టొబాబో(Trinidad & Tobago) స్టేడియాలు పొట్టి ప్రపంచ క‌ప్ పోటీల‌కు ఆతిథ్యం ఇవ్వ‌నున్నాయి. ‘టీ20 వ‌ర‌ల్డ్ క‌ప్ 2024పోటీల కోసం వెస్టిండీస్ వేదిక‌ల్ని వెల్ల‌డిస్తున్నందుకు చాలా సంతోషంగా ఉంది. ఈ మెగా టోర్నీలో 20 జ‌ట్లు త‌ల‌ప‌డ‌నున్నాయి. మేము ఎంపిక చేసిన ఈ ఏడు స్టేడియాలు చాలా పాపుల‌ర్. ఆట‌గాళ్ల‌తో పాటు అభిమానుల‌కు కూడా కావాల్సినంత మ‌జా దొర‌క‌నుంది’ అని ఐసీసీ చీఫ్ ఎగ్జిక్యూటివ్ గాఫ్ అల్ల‌ర్డిసే(Geoff Allardice) ఓ ప్ర‌క‌ట‌న‌లో వెల్ల‌డించాడు. విండీస్ గ‌డ్డ‌పై టీ20 వ‌ర‌ల్డ్ క‌ప్ జ‌ర‌గ‌డం ఇది మూడోసారి.

All the venues for the ICC Men’s #T20WorldCup 2024 have been locked in 🔒

More 👇

— ICC (@ICC) September 22, 2023

వ‌చ్చే ఏడాది టీ20 వ‌ర‌ల్డ్ క‌ప్ పోటీల‌కు అమెరికా, వెస్టిండీస్ సంయుక్తంగా ఆతిథ్యం ఇస్తున్న విష‌యం తెలిసిందే. అమెరికాలోని న్యూయార్క్, డ‌ల్లాస్, ఫ్లోరిడాలో పొట్టి ప్ర‌పంచ క‌ప్ మ్యాచ్‌లు నిర్వ‌హించ‌నున్నారు. మ‌త్తం 20 జ‌ట్లు టైటిల్ కోసం పోటీ ప‌డ‌నున్నాయి. ఇప్ప‌టికే ఈ టోర్నీకి 15 జ‌ట్లు అర్హ‌త సాధించాయి. అమెరికా క్వాలిఫ‌య‌ర్, ఆసియా క్వాలిఫ‌య‌ర్, అఫ్రికా క్వాలిఫ‌య‌ర్ అనంత‌రం ఆ ఐదు జ‌ట్ల పేర్లు కూడా తెలిసే అవ‌కాశం ఉంది.