Henry Nicholls | బాల్ ట్యాంప‌రింగ్ వివాదంలో న్యూజిలాండ్ క్రికెట‌ర్

Henry Nicholls : న్యూజిలాండ్ క్రికెట‌ర్ హెన్నీ నికోల్స్(Henry Nicholls) బాల్ ట్యాంప‌రింగ్(Ball Tampering) వివాదంలో చిక్కుకున్నాడు. టెస్టు ఆట‌గాడైన నికోల్స్ ఫ‌స్ట్ క్లాస్ క్రికెట్‌లో న్యూజిలాండ్ క్రికెట్(Newzealand Cricket) నియ‌మ‌నిబంధ‌న‌ల ఉల్లంఘ‌న‌కు...

Henry Nicholls : న్యూజిలాండ్ క్రికెట‌ర్ హెన్నీ నికోల్స్(Henry Nicholls) బాల్ ట్యాంప‌రింగ్(Ball Tampering) వివాదంలో చిక్కుకున్నాడు. టెస్టు ఆట‌గాడైన నికోల్స్ ఫ‌స్ట్ క్లాస్ క్రికెట్‌లో న్యూజిలాండ్ క్రికెట్(Newzealand Cricket) నియ‌మ‌నిబంధ‌న‌ల ఉల్లంఘ‌న‌కు పాల్ప‌డ్డాడు. ప్లంకెట్ షీల్డ్ టోర్నీలో అత‌డు బాల్ ట్యాంప‌రింగ్‌కు పాల్పడడ్డాడు. అందుకు సాక్ష్యంగా నిలిచిన వీడియో క్లిప్ ప్ర‌స్తుతం న్యూజిలాండ్ క్రికెట్ బోర్డు వ‌ద్ద ఉంది.

కాంటెర్‌బ‌రీ ఆట‌గాడైన నికోల్స్ ఆక్లాండ్ జ‌ట్టులో మ్యాచ్ జ‌రుగుతుండ‌గా ఉద్దేశ‌పూర్వ‌కంగా బంతిని హెల్మెట్‌కేసి రుద్దాడు. బంతి ఆకారాన్ని మార్చేందుకు ప్ర‌య‌త్నించిన అత‌డు బాల్ ట్యాంప‌రింగ్ నేరానికి పాల్పడ్డాడు. దాంతో, ఈ విష‌యాన్ని సీరియ‌స్‌గా తీసుకున్న న్యూజిలాండ్ క్రికెట్ ఫ‌స్ట్ క్లాస్ క్రికెట్ క‌మిష‌న‌ర్ దృష్టికి తీసుకెళ్లింది.

Starting the season strong! Two hundreds in two matches for @HenryNicholls27 marking his 16th First-Class hundred. Follow LIVE coverage of Plunket Shield Round 3 | https://t.co/cUuHWEeXyK #PlunketShield #CricketNation #Cricket 📷 = @PhotosportNZ pic.twitter.com/CSyoBZHLGl

— BLACKCAPS (@BLACKCAPS) November 7, 2023

అయితే.. నికోల్స్ విచార‌ణ‌కు ఎప్పుడు హాజ‌ర‌వుతాడు? అత‌డిపై ఏర‌క‌మైన చ‌ర్య‌లు తీసుకుంటారు? అనేది మాత్రం తెలియాల్సి ఉంది. బంగ్లాదేశ్ ప‌ర్య‌ట‌న కోసం న్యూజిలాండ్ బోర్డు ఎంపిక‌చేసిన 15 మంది బృందంలో నికోల్స్ స‌భ్యుడు. రెండు టెస్టుల సిరీస్ కోసం టిమ్ సౌథీ నేతృత్వంలోని కివీస్ న‌వంబ‌ర్ 21న బంగ్లాదేశ్‌కు బ‌య‌లుదేర‌నుంది.

కివీస్ టెస్టు స్క్వాడ్ : టిమ్ సౌథీ(కెప్టెన్‌), కేన్ విలియ‌మ్స‌న్, టామ్ బండెల్‌(వికెట్ కీప‌ర్), డెవాన్ కాన్వే, మ్యాట్ హెన్రీ, కైలీ జేమీస‌న్, టామ్ లాథ‌మ్, డారిల్ మిచెల్, హెన్రీ నికోల్స్, అజాజ్ ప‌టేల్, గ్లెన్ ఫిలిఫ్స్, ర‌చిన్ ర‌వీంద్ర‌, మిచెల్ శాంట్న‌ర్, ఇష్ సోధీ, విల్ యంగ్‌

ఇవి కూడా చ‌దవండి

DI World Cup 2023 | సెమీస్‌లో దాయాదుల పోరు.. ఇంగ్లండ్‌పై బాబ‌ర్ సేన అద్భుతం చేస్తేనే..?

Allan Donald | బంగ్లాదేశ్‌ను కుదిపేస్తున్న ‘టైమ్డ్ ఔట్’ వివాదం.. కోచ్‌గా త‌ప్పుకోనున్న డొనాల్డ్