Visit:
iQoo Z9x 5G | ప్రముఖ స్మార్ట్ ఫోన్ల తయారీ సంస్థ ఐక్యూ.. తన ఐక్యూ జడ్ సిరీస్‌లో ఐక్యూ జడ్9ఎక్స్ 5జీ ఫోన్ ను గురువారం భారత్ మార్కెట్లో ఆవిష్కరించింది. క్వాల్ కామ్ స్నాప్ డ్రాగన్ 6 జెన్ 1 ఎస్వోసీ చిప్ సెట్, 8 జీబీ ర్యామ్ విత్ 128 జీబీ స్టోరేజీతో వస్తోందీ ఫోన్. ఆండ్రాయిడ్ 14 ఓఎస్ వర్షన్ పై పని చేస్తుంది. ఐక్యూ జడ్9ఎక్స్ 5జీ ఫోన్ 50-మెగా పిక్సెల్ ప్రైమరీ సెన్సర్ కెమెరా, 2-మెగా పిక్సెల్ డెప్త్ సెన్సర్ కెమెరా కలిగి ఉంటుంది. 44వాట్ల వైర్డ్ చార్జింగ్ మద్దతుతో 6000 ఎంఏహెచ్ కెపాసిటీ గల బ్యాటరీతో వస్తుంది. ఈ ఫోన్ 3.5 ఎంఎం ఆడియో జాక్, యూఎస్బీ టైప్-సీ పోర్ట్ కనెక్టివిటీ కలిగి ఉంటుంది.
ఐక్యూ జడ్9ఎక్స్ 5జీ ఫోన్ 4జీబీ ర్యామ్ విత్ 128 జీబీ స్టోరేజీ వేరియంట్ రూ.12,999, 6జీబీ ర్యామ్ విత్ 128 జీబీ స్టోరేజీ వేరియంట్ రూ.14,999, 8జీబీ ర్యామ్ విత్ 128 జీబీ స్టోరేజీ వేరియంట్ రూ.15,999లకు లభిస్తాయి. టోర్నాడో గ్రీన్, స్టోర్మ్ గ్రీన్ కలర్ ఆప్షన్లలో అందుబాటులో ఉంటుంది. ఈ-కామర్స్ ప్లాట్ ఫామ్ అమెజాన్, ఐక్యూ ఆన్ లైన్ స్టోర్లలో ఈ నెల 21 మధ్యాహ్నం 12 గంటల నుంచి సేల్స్ ప్రారంభం అవుతాయి. ఐసీఐసీఐ బ్యాంక్, ఎస్బీఐ కార్డులతో కొనుగోలు చేస్తే రూ.1000 ఇన్ స్టంట్ డిస్కౌంట్ లభిస్తుంది.
ఐక్యూ జడ్9ఎక్స్ 5జీ ఫోన్ ఆండ్రాయిడ్ 14 బేస్డ్ ఫన్ టచ్ ఓఎస్ 14 ఔటాఫ్ బాక్స్ పై పని చేస్తుంది. 120 హెర్ట్జ్ రీఫ్రెష్ రేట్, 393 పీపీఐ పిక్సెల్ డెన్సిటీతోపాటు 6.72 అంగుళాల ఫుల్ హెచ్డీ (1080×2408 పిక్సెల్స్) ఎల్‌సీడీ స్క్రీన్ కలిగి ఉంటుంది. ఒక్టాకోర్ 4ఎన్ఎం స్నాప్ డ్రాగన్ 6 జెన్ 1 ఎస్వోసీ చిప్ సెట్ తో వస్తోంది.
ఐక్యూ జడ్9ఎక్స్ 5జీ ఫోన్ 50-మెగా పిక్సెల్ సెన్సర్ మెయిన్ కెమెరా, 2-మెగా పిక్సెల్ డెప్త్ సెన్సర్ కెమెరా, సెల్ఫీలూ వీడియో కాల్స్ కోసం 8-మెగా పిక్సెల్స్ సెన్సర్ కెమెరా ఉంటాయి. మైక్రో ఎస్డీ కార్డు సాయంతో ఈ ఫోన్ స్టోరేజీని ఒక టిగా బైట్ వరకూ పెంచుకోవచ్చు. ఈ ఫోన్ 5జీ, 4జీ ఎల్టీఈ, వై-ఫై, బ్లూటూత్ 5.1, జీపీఎస్, యూఎస్బీ టైప్ సీ పోర్ట్, బయో మెట్రిక్ అథంటికేషన్ కోసం ఫింగర్ ప్రింట్ సెన్సర్, యాక్సెలరో మీటర్, అంబియెంట్ లైట్ సెన్సర్, ఈ-కంపాస్, గైరోస్కోప్, ప్రాగ్జిమిటీ సెన్సర్ ఉంటాయి.
