Hardhik Pandya | ఆట‌గాడిగా శిఖ‌రాల‌కు.. కెప్టెన్‌గా ఒంట‌రి సైనికుడు

Hardhik Pandya : ఐపీఎల్ హీరోల్లో ఒక‌డైన హార్దిక్ పాండ్యా(Hardhik Pandya).. ఇప్పుడు తీవ్ర‌మైన ట్రోలింగ్ ఎదుర్కొంటున్నాడు. టీ20ల్లో ఆల్‌రౌండ‌ర్‌గా శిఖ‌రాలకు చేరిన పాండ్యా.. ప్ర‌స్తుతం అంద‌రికీ చేద‌య్యాడు. ఐపీఎల్ చ‌రిత్ర‌(IPL History)లో ఐదు ట్రోఫీలు గెలిచిన పాండ్యా ఇప్పుడు విమ‌ర్శ‌కుల నోళ్ల‌లో నానుతున్నాడు. ముంబై ఇండియ‌న్స్,,,

Hardhik Pandya : ఐపీఎల్ హీరోల్లో ఒక‌డైన హార్దిక్ పాండ్యా(Hardhik Pandya).. ఇప్పుడు తీవ్ర‌మైన ట్రోలింగ్ ఎదుర్కొంటున్నాడు. టీ20ల్లో ఆల్‌రౌండ‌ర్‌గా శిఖ‌రాలకు చేరిన పాండ్యా.. ప్ర‌స్తుతం అంద‌రికీ చేద‌య్యాడు. ఐపీఎల్ చ‌రిత్ర‌(IPL History)లో ఐదు ట్రోఫీలు గెలిచిన పాండ్యా ఇప్పుడు విమ‌ర్శ‌కుల నోళ్ల‌లో నానుతున్నాడు. ముంబై ఇండియ‌న్స్(Mumbai Indians) జ‌ట్టు త‌ర‌ఫున‌ నాలుగు టైటిళ్లు గెలిచిన‌ బ‌రోడా క్రికెట‌ర్‌.. ఇప్పుడు అదే జ‌ట్టు డ్రెస్సింగ్ రూమ్‌లో ఒంట‌రి అయ్యాడు. 17వ సీజ‌న్‌లో కెప్టెన్‌గా రెండు మ్యాచుల్లోనూ ఓట‌మి చ‌విచూసిన పాండ్యాకు కొంద‌రు మ‌ద్ద‌తుగా నిలుస్తున్నారు.

‘రిప్ హార్దిక్ పాండ్యా, హ్యాష్‌ట్యాగ్‌కు పోటీగా ‘వీ ల‌వ్ యూ హార్దిక్'(we love you hardhik) అంటూ పోస్ట్‌లు పెడుతున్నారు. దాంతో, వీ ల‌వ్ యూ హార్దిక్ హ్యాష్ ట్యాగ్ ఇప్పుడు ట్రెండ్ అవుతోంది. మీరు ఎంత విషం చిమ్మినా.. పాండ్యా ఘ‌న‌త‌ను త‌క్కువ చేయ‌లేరు అంటూ బోలెడు మంది కామెంట్లు పెడుతున్నారు. ‘ముంబై, టీమిండియా విజ‌యాల్లో పాండ్యా పాత్ర‌ను మ‌ర్చిపోయారా’ అంటూ రోహిత్ అభిమానుల‌కు కౌంట‌ర్ ఇస్తున్నారు.

We love you Hardik ❤️ pic.twitter.com/ApbonkeO0b

— ✨ Sid ✨ (@imsid_vasu) March 28, 2024

కోల్‌క‌తాపై మెరుపు ఇన్నింగ్స్‌

టీ20ల్లో విధ్వంస‌క ఇన్నింగ్స్‌ల‌తో స్టార్ అయిన పాండ్యా 2015లో ముంబై జ‌ట్టులో చేరాడు. తొలి సీజ‌న్‌లోనే బ‌క్క ప‌ల‌చ‌ని పాండ్యా మెరుపు ఇన్నింగ్స్‌లు ఆడాడు. ఆర్సీబీపై 31 బంతుల్లోనే 61 ర‌న్స్ బాదాడు. పోలార్డ్‌తో క‌లిసి 92 ప‌రుగులు జోడించి ముంబైని గెలిపించాడు. ఆ ఏడాది రోహిత్ సేన టైటిల్ గెల‌వ‌డంతో పాండ్యా కీల‌క పాత్ర పోషించాడు. ఇక‌ 2019లో కోల్‌క‌తాపై పాండ్యా ఓ రేంజ్‌లో రెచ్చిపోయాడు. 34 బంతుల్లోనే 91 ర‌న్స్ కొట్టి కోల్‌క‌తాను వ‌ణికించాడు. మొత్తంగా ముంబై త‌ర‌ఫున ‘ప్లే ఆఫ్స్‌’లో కీల‌క ఇన్నింగ్స్‌లు ఆడిన పాండ్యా 10 మ్యాచుల్లో 128 స్ట్రైక్ రేటుతో 134 ర‌న్స్ కొట్టాడు.

Hated by almost everyone
Defeated by None

NATION SUPPORTS HARDIK
WE LOVE YOU HARDIK
(🎥:Shwe7ank) pic.twitter.com/8T5wooHszQ

— CaptainCoolCult⁷ (@CaptainCoolCult) March 28, 2024

తొలి సీజ‌న్‌లోనే

ముంబైతో ఆరేండ్ల కాలంలో పాండ్యా నాలుగు టైటిళ్లు గెలిచాడు. త‌ద్వారా ఐదు ఐపీఎల్ టైటిళ్లు గెలిచిన మూడో ఆట‌గాడిగా పాండ్యా రికార్డు సృష్టించాడు. రోహిత్ శ‌ర్మ(Rohit Sharma) ఆరు టైటిళ్ల‌తో అగ్ర‌స్థానంలో ఉండ‌గా.. కీర‌న్ పోలార్డ‌, అంబ‌టి రాయుడు, పాండ్యాలు ఐదు ట్రోఫీల‌తో రెండో స్థానంలో నిలిచారు. ఇక 2021లో గుజ‌రాత్ టైటాన్స్‌ను తొలి సీజ‌న్‌లోనే విజేత‌గా నిలిపాడు. అంతేకాదు 16వ సీజ‌న్‌లోనూ గుజ‌రాత్‌ను ఫైన‌ల్‌కు చేర్చాడు. ఆ కృత‌జ్ఞ‌త కూడా లేకుండా అహ్మ‌దాబాద్‌లో ఫ్యాన్స్ అత‌డిని తీవ్రంగా హేళ‌న చేశారు.

17వ సీజ‌న్ మినీ వేలానికి ముందు ముంబై ఇండియ‌న్స్ కొత్త సార‌థిగా ఎంపికైనప్ప‌టి నుంచి రోహిత్ ఫ్యాన్స్ పాండ్యాను ట్రోల్ చేస్తున్నారు. ముంబై యాజ‌మాన్యం, హెడ్‌కోచ్ మార్క్ బౌచ‌ర్‌లు సైతం కెప్టెన్సీ మార్పుపై వివ‌ర‌ణ ఇచ్చినా పాండ్యాపై విషం క‌క్క‌డం మాత్రం ఆప‌డం లేదు. టాస్ కోసం, బ్యాటింగ్ కోసం పాండ్యా మైదానంలో దిగ‌గానే అభిమానులు రోహిత్, రోహిత్ అంటూ నినాదాలతో హోరెత్తిస్తున్నారు. అయినా స‌రే అవేమీ ప‌ట్ట‌నట్టు పాండ్యా కెప్టెన్సీపై దృష్టి పెడుతున్నాడు.

 ఇవి కూడా చ‌ద‌వండి

• Cricket Australia | ఆస్ట్రేలియా స్టార్ క్రికెట‌ర్ల‌కు షాక్.. సెంట్ర‌ల్ కాంట్రాక్ట్ ద‌క్కింది వీళ్ల‌కే
• Chop Off Hands | ‘చేతులు నరకండి’ అన్న కాంగ్రెస్‌ ఎమ్మెల్యే.. కేసు నమోదు
• Priyank Kharge | మ‌నువాదుల నుంచి బెదిరింపు లేఖ అందుకున్నా : ప్రియాంక్ ఖ‌ర్గే