ENG vs IRE | ఓలీ పోప్ డ‌బుల్ సెంచ‌రీ.. తొలి ఇన్నింగ్స్‌లో ఇంగ్లండ్‌కు భారీ ఆధిక్యం

ENG vs IRE : ఐర్లాండ్‌తో లార్డ్స్ స్టేడియంలో జ‌రుగుతున్న ఏకైక టెస్టులో ఇంగ్లండ్ ప‌ట్టు బిగిస్తోంది. ఓలీ పోప్(205 : 208 బంతుల్లో 22 ఫోర్లు, 3 సిక్స్‌లు) డబుల్ సెంచ‌రీ, ఓపెన‌ర్ బెన్ డ‌కెట్(182 : 178 బంతుల్లో 24 ఫోర్లు, 1 సిక్స్) శ‌త‌కంతో చెల‌రేగ‌డంతో ఆ జ‌ట్టు భారీ స్కోర్ చేసింది. 524-4 వ‌ద్ద...

ENG vs IRE : ఐర్లాండ్‌తో లార్డ్స్ స్టేడియంలో జ‌రుగుతున్న ఏకైక టెస్టులో ఇంగ్లండ్ ప‌ట్టు బిగిస్తోంది. సొంత గడ్డ‌పై బ్యాట‌ర్ల దంచి కొట్టడంతో విజ‌యం సాధించే దిశ‌గా ప‌య‌నిస్తోంది. ఓలీ పోప్(205 : 208 బంతుల్లో 22 ఫోర్లు, 3 సిక్స్‌లు) డబుల్ సెంచ‌రీ, ఓపెన‌ర్ బెన్ డ‌కెట్(182 : 178 బంతుల్లో 24 ఫోర్లు, 1 సిక్స్) శ‌త‌కంతో చెల‌రేగ‌డంతో ఆ జ‌ట్టు భారీ స్కోర్ చేసింది. 524-4 వ‌ద్ద ఇన్నింగ్స్ డిక్లేర్ చేసింది. దాంతో, ఇంగ్లండ్‌కు తొలి ఇన్నింగ్స్‌లో 352 ప‌రుగుల ఆధిక్యం ల‌భించింది.

Then the very next ball Pope is stumped and we’ve declared! 🤣#EnglandCricket | #ENGvIRE https://t.co/COZ6TIUy75

— England Cricket (@englandcricket) June 2, 2023

బెన్ డ‌కెట్ (182) సెంచ‌రీ అభివాదం 

బ్రాడ్‌కు 5 వికెట్లు

టాస్ ఓడి బ్యాటింగ్‌కు దిగిన ఐర్లాండ్ 172కు ఆలౌట‌య్యింది. స్టువార్ట్ బ్రాడ్ 5 వికెట్లు తీసి ఆ జ‌ట్టును దెబ్బ‌తీశాడు. జాక్ లీచ్ మూడు, మాథ్యూ పాట్స్ 2 వికెట్లు ప‌డ‌గొట్ట‌డంతో ఐర్లాండ్ భారీ స్కోర్ చేయ‌లేక‌పోయింది. బ్రాడ్ ధాటికి ఆ జ‌ట్టు కీల‌క ఆట‌గాళ్లు జేమ్స్ మెక్‌క‌ల్ల‌మ్(36), మూర్(10), బ‌ల్‌బిర్నే(0), హ్యారీ టెక్ట‌ర్‌(0) చేతులెత్తేశారు. దాంతో.. ఐర్లాండ్ ఈ మ్యాచ్‌లో గెల‌వ‌డం అటుంచితే.. డ్రా చేసుకోవ‌డానికి పోరాడాల్సిన ప‌రిస్థితి. అవును.. ఇంగ్లండ్ ఆధిక్యం 352 ప‌రుగులు కొట్టడం ఆ జ‌ట్టుకు పెద్ద స‌వాలే.

ఇవి కూడా చ‌ద‌వండి

Suryakumar Yadav | సూర్య‌తో ర్యాపిడ్ ఫైర్.. స్కై పేరెలా వ‌చ్చింది? ఫేవ‌రెట్ స్టేడియం? ఇంకా ఎన్నో..!

French Open | ఫ్రెంచ్ ఓపెన్.. వ‌ర‌ల్డ్ నంబ‌ర్ 3 జెస్సికా ఔట్