Suryakumar Yadav : భారత క్రికెట్లో సూర్యకుమార్ యాదవ్ ఒక సంచలనం. ఐపీఎల్(IPL)లో కళ్లు చెదిరే బ్యాటింగ్తో టీమిండియాకు ఎంపికైన అతడు టీ20ల్లో తన ముద్ర వేశాడు. ఇప్పుడు టెస్టు ఫార్మాట్లోనూ సత్తా చాటేందుకు ఉవ్విళ్లూరుతున్నాడు. ప్రపంచ చాంపియన్షిప్ ఫైనల్(WTC Final 2023)కు స్టాండ్ బై ప్లేయర్గా సెలక్ట్ అయిన సూర్య ప్రస్తుతం ఇంగ్లండ్లో ఉన్నాడు. క్రీజులోకి వచ్చీ రావడంతోనే బౌలర్లపై విరుచుకుపడే సూర్యతో బీసీసీఐ ర్యాపిడ్ ఫైర్ వీడియో చేసింది. అందులో ‘స్కై’ ఆసక్తికర విషయాలు వెల్లడించాడు. స్కై పేరెలా వచ్చింది? ఫేవరెట్ స్టేడియం?.. ఇష్టమైన సహచరుడు? వంటి ప్రశ్నలకు ఈ టీ20 స్టార్ సమాధానం ఏం చెప్పాడంటే..?
1. స్కై పేరెలా వచ్చింది?
సూర్య : ఐపీఎల్లో కోల్కతా నైట్ రైడర్స్ ఫ్రాంచైజీకి ఆడుతున్న రోజుల్లో ‘స్కై'(SKY) అనే పేరొచ్చింది. 2014, 205 సీజన్లో కెప్టెన్ గౌతం గంభీర్ నా పేరు పలకడానికి పెద్దగా ఉందని చెప్పి షార్ట్గా స్కై అని పిలిచేవాడు. ఆ రోజు నుంచి అదే పేరు స్థిరపడిపోయింది.
2. ఇంగ్లండ్లో ఫేవరెట్ స్టేడియం?
సూర్య : లార్డ్స్. ఈ స్టేడియానికో ఎంతో చరిత్ర ఉంది.
3. ఇంగ్లండ్లో ఫేవరెట్ సిటీ?
సూర్య : లండన్
4. ఇష్టమైన లండన్ బ్రేక్ఫాస్ట్
సూర్య : గుడ్లు, ఉడికించిన బీన్స్, బిస్కెట్లు.
The origin of nickname ‘SKY’ 😎
Favourite city in the UK 🏙️
Favourite English breakfast 🍴This and a lot-more in Rapid-Fire ⚡️⚡️ with @surya_14kumar 😃👌🏻 – By @RajalArora #TeamIndia | #WTC23 pic.twitter.com/AgKJN7oErg
— BCCI (@BCCI) June 2, 2023
ఐపీఎల్లో తొలి సెంచరీ కొట్టిన సూర్య
5. బెస్ట్ టీమ్మేట్స్?
సూర్య : చాలామంది ఉన్నారు. ప్రతిఒక్కరు నా బెస్ట్మేట్స్. అయితే.. ఇషాన్ కిషన్, సిరాజ్, అక్షర్ పటేల్, రవిచంద్రన్ అశ్విన్లతో సరదాగా గడిపేందుకు ఇష్టపడతా.
6. ఇష్టమైన స్పోర్ట్స్ సినిమా?
సూర్య : చాలా ఉన్నాయి. సూర్మ(Soorma) మూవీ అంటే ఇష్టం. ఈ సినిమాను చాలా ఆస్వాదించాను (సూర్మ సినిమా – భారత హాకీ ప్లేయర్ సందీప్ జీవిత చరిత్ర ఆధారంగా తెరకెక్కింది).
7. సుప్లా షాట్ అంటే ఏంటీ?
సూర్య : సుప్లా షాట్(Supla Shot) అనే పదం టెన్నిస్ క్రికెట్ నుంచి వచ్చింది. నేను దేశవాళీలో చాలాసార్లు ఈ షాట్ చూశాను. సుప్లా షాట్ అంటే.. బంతి వికెట్ కీపర్కు కుడివైపు, బ్యాటర్కు తలకు దగ్గరగా వస్తుంది. దాన్ని లెగ్ సైడ్ ఆడతారు.
8. యంగ్స్టర్స్కు మీరిచ్చే సలహా
సూర్య : మీ పట్ల మీరు నిజాయితీగా ఉండండి. అనుకున్న దాని కోసం కష్టపడండి. అయితే.. గుర్తుంచుకోండి.. స్మార్ట్వర్క్ అనేది చాలా ముఖ్యం.
పదహారో సీజన్ ఆరంభంలో తడబడిన సూర్య ఫామ్ అందుకున్నాక చెలరేగాడు. ప్రత్యర్థి బౌలర్లకు చుక్కలు చూపించిన అతను 15 మ్యాచుల్లో 605 రన్స్ కొట్టాడు. దాంతో, ముంబై ఇండియన్స్ తరఫున ఒక సీజన్లో ఆరొందలకు పైగా పరుగులు చేసిన రెండో క్రికెటర్గా గుర్తింపు సాధించాడు. మాజీ ఆటగాడు సచిన్ టెండూల్కర్(Sachin Tendulkar) సూర్య కంటే ముందున్నాడు. మాస్టర్ బ్లాస్టర్ 2010లో 618 రన్స్ బాదాడు. 181.14 స్ట్రైక్ రేటుతో ఆడిన అతను ఈ సీజన్లో అత్యధికంగా 5 అర్ధ శతకాలు, ఒక సెంచరీ సాధించాడు. క్వాలిఫైయర్ 2 పోరులో ఓపెనర్ శుభ్మన్ గిల్(129: 60 బంతుల్లో 7 ఫోర్లు, 10 సిక్స్లు) సెంచరీ బాదడంతో గుజరాత్ 2 వికెట్ల నష్టానికి 233 రన్స్ చేసింది. లక్ష్య ఛేదనలో ముంబైకి శుభారంభం దక్కలేదు. సూర్యకుమార్ యాదవ్(55) ఒక్కడే పోరాడాడు. అయితే.. సీనియర్ పేసర్ మోహిత్ శర్మ 5 వికెట్లు తీయడంతో ముంబై 171కు ఆలౌటయ్యింది. గుజరాత్ 62 పరుగుల తేడాతో విజయం సాధించింది.