Indian Wells Masters | ఇండియ‌న్ వెల్స్ మాస్ట‌ర్స్‌లో నాదల్, జ‌కోవిచ్.. కుర్రాళ్ల‌కు చెక్ పెడ‌తారా..?

Indian Wells Masters : స్టార్ టెన్నిస్ ఆట‌గాళ్లు నొవాక్ జ‌కోవిచ్(Novak Djokovic), ర‌ఫెల్ నాద‌ల్‌(Rafeal Nadal)లు మెగా టోర్నీకి సిద్ద‌మ‌వుతున్నారు. ఆస్ట్రేలియ‌న్ ఓపెన్‌లో టైటిల్ పోరుకు ముందే ఇంటిదారి ప‌ట్టిన ఈ ఇద్ద‌రూ..

Indian Wells Masters : స్టార్ టెన్నిస్ ఆట‌గాళ్లు నొవాక్ జ‌కోవిచ్(Novak Djokovic), ర‌ఫెల్ నాద‌ల్‌(Rafeal Nadal)లు మెగా టోర్నీకి సిద్ద‌మ‌వుతున్నారు. ఆస్ట్రేలియ‌న్ ఓపెన్‌లో టైటిల్ పోరుకు ముందే ఇంటిదారి ప‌ట్టిన ఈ ఇద్ద‌రూ ఇండియ‌న్ వెల్స్ మాస్ట‌ర్స్ టోర్న‌మెంట్‌లో బ‌రిలోకి దిగనున్నారు. ఆస్ట్రేలియా ఓపెన్ విజేత జ‌న్నిక్ సిన్న‌ర్(Jannik Sinner), యువ‌కెరటం కార్లోస్ అల్క‌రాజ్‌లు వీళ్ల‌కు గ‌ట్టి పోటీ ఇచ్చేందుకు రెడీ అవుతున్నాడు.

మ‌హిళల విభాగంలో ఆస్ట్రేలియా ఓపెన్ చాంపియ‌న్ అరినా సబ‌లెంక‌(Aryna Sabalenka), ఇగా స్వియ‌టెక్‌ (Iga Sweatek)లు ఫేవ‌రెట్లుగా పోటీ ప‌డ‌నున్నారు. ఇండియ‌న్ వెల్స్ టోర్నీ మార్చి 3 నుంచి 17వ తేదీ వ‌ర‌కు క్యాలిఫోర్నియాలో జ‌రుగ‌నుంది.

The field is set 🎾

All of the top 10 men & women will be in #TennisParadise from March 3-17, including World No. 1’s @djokernole & @iga_swiatek.

— BNP Paribas Open (@BNPPARIBASOPEN) February 7, 2024

ఆస్ట్రేలియ‌న్ ఓపెన్‌లో అద‌ర‌గొడ‌తాడనుకున్న నాద‌ల్ గాయం కార‌ణంగా మ‌ధ్య‌లోనే టోర్నీ నుంచి వైదొలిగాడు. ప్ర‌స్తుతం స్వ‌దేశంలో కోలుకుంటున్న అత‌డు మ‌ళ్లీ రాకెట్ ప‌ట్ట‌నున్నాడు. దోహాలో ఫిబ్ర‌వ‌రి 19న జ‌రిగే ఏటీపీ 250 టోర్నీలో నాద‌ల్ ఆడ‌నున్నాడు.

జ‌న్నిక్ సిన్న‌ర్, జ‌కోవిచ్

మ‌రోవైపు ఇట‌లీ కెర‌టం జ‌న్నిక్ సిన్న‌ర్ చేతిలో సెమీఫైన‌ల్లో కంగుతిన్న జ‌కో విజ‌యంతో టోర్నీని ఆరంభించాల‌నే క‌సితో ఉన్నాడు. ఇండియ‌న్ వెల్స్‌లో జ‌కోవిచ్‌కు మంచి రికార్డు ఉంది. అత‌డు ఆరుసార్లు చాంపియ‌న్‌గా నిలిచాడు. అయితే.. సిన్న‌ర్, అల్క‌రాజ్‌లు బ‌రిలోకి దిగుతుండ‌డంతో ఈసారి టైటిల్ ఎవ‌రు కొల్ల‌గొడ‌తారు? అనేది ఆస‌క్తిక‌రంగా మారింది.

ఇవి కూడా చ‌ద‌వండి

• Rash driving | ఐటీ కారిడార్‌లో ర్యాష్‌ డ్రైవింగ్‌.. పలువురు ఆకతాయిల అరెస్ట్‌
• Hemant Soren | ఈడీ స్వాధీనం చేసుకున్న ఆ కారు సోరెన్‌ది కాదు.. ఎవరిదంటే..?
• YS Sharmila | ఇది మెగా కాదు.. దగా డీఎస్సీ : వైఎస్‌ షర్మిల విమర్శ