Australian Open : ఆస్ట్రేలియన్ ఓపెన్లో డిఫెండింగ్ చాంపియన్ నొవాక్ జకోవిచ్(Novak Djokovic)కు ఎదురన్నదే లేకుండా పోయింది. మంగళవారం జరిగిన క్వార్టర్స్లో టేలర్ ఫ్రిట్జ్(Taylor Fritz)ను చిత్తుగా ఓడించిన జకో.. 11వ సారి సెమీస్కు దూసుకెళ్లాడు. అమెరికా టీనేజర్ కొకో గాఫ్(Coco Gauff) మహిళల సింగిల్స్లో సెమీ ఫైనల్లో అడుగుపెట్టింది. 7-6(6), 6-7(3), 6-2తో మర్టా కొస్త్యుక్(Marta Kostyuk)ను మట్టికరిపించింది. ఆమెకు ఇది తొలి ఆస్ట్రేలియన్ ఓపెన్ సెమీస్ కావడం విశేషం.
జకోవిచ్, టేలర్లు తొలి సెట్ నుంచి హోరీహోరీగా తలపడ్డారు. మొదటి రౌండ్లో టేలర్ మూడు బ్రేక్ పాయింట్లు కాపాడుకున్నాడు. అయినప్పటికీ జకో తొలి సెట్ గెలుచుకోగా.. రెండో సెట్లో టేలర్ పైచేయి సాధించాడు.
Through to an 11th #AusOpen Semi-Final. We’ll let you run the numbers, but the 10x champion’s strike rate from here is pretty good!@djokernole proves too strong for a gallant Taylor Fritz 7-6(3) 4-6 6-2 6-3@wwos • @espn • @eurosport • @wowowtennis pic.twitter.com/Abr5xArz0p
— #AusOpen (@AustralianOpen) January 23, 2024
అయితే.. ఆ తర్వాత జరిగిన రెండు సెట్లలో వరల్డ్ నంబర్ 1 జకోవిచ్ తన మార్క్ షాట్లతో విరుచుకుపడ్డాడు. చివరకు 7-6(3), 4-6, 6-2, 6-3తో మ్యాచ్ను ముగించాడు. దాంతో, రోజర్ ఫెదరర్ తర్వాత అంతర్జాతీయ టెన్నిస్లో 700 వ హార్డ్ కోర్టు విజయం నమోదు చేసిన ఆటగాడిగా జకో రికార్డు నెలకొల్పాడు.
That Coco ENERGY ⚡
@CocoGauff • @newbalance • #WeGotNow • #NewBalanceTennis@wwos • @espn • @eurosport • @wowowtennis pic.twitter.com/BgxjLUSGZe— #AusOpen (@AustralianOpen) January 23, 2024
యూఎస్ ఓపెన్ విజేత అయిన గాఫ్ క్వార్టర్స్లో రఫ్ఫాడించింది. మూడు గంటల పాటు సాగిన మ్యాచ్లో మర్టా కొస్త్యుక్ను 7-6(6), 6-7(3), 6-2తో చిత్తు చేసింది. తొలి సెట్లో వెనకబడినా .. కీలకమైన పాయింట్లు నెగ్గి మ్యాచ్పై పట్టు సాధించింది. తద్వారా ఒకే క్యాలండర్ ఇయర్లో వరుసగా 10 మ్యాచ్లు గెలిచిన రెండో క్రీడాకారిణిగా గాఫ్ రికార్డు సృష్టించింది. గాఫ్ కంటే ముందు బెల్జియం స్టార్ జస్టిన్ హెనిన్ 2001లో ఈ ఫీట్ సాధించింది.