Wimbledon | డిఫెండింగ్ ఛాంపియన్‌ ఔట్.. నాలుగో రౌండ్‌లో సిన్నర్

Wimbledon : వింబుల్డన్‌లో ఆరో రోజు కూడా సంచనాల పర్వం కొనసాగింది. మహిళల సింగిల్స్‌లో నిరుడు ఛాంపియన్‌గా నిలిచిన బర్బొరా క్రెజికోవా (Barbora Krejcikova) అనూహ్యంగా మూడో రౌండ్‌లోనే ఇంటిదారి పట్టింది.

Wimbledon : వింబుల్డన్‌లో ఆరో రోజు కూడా సంచనాల పర్వం కొనసాగింది. మహిళల సింగిల్స్‌లో నిరుడు ఛాంపియన్‌గా నిలిచిన బర్బొరా క్రెజికోవా (Barbora Krejcikova) అనూహ్యంగా మూడో రౌండ్‌లోనే ఇంటిదారి పట్టింది. పదో సీడ్ ఎమ్మా నవర్రో(అమెరికా) చేతిలో పరాజయంతో టోర్నీ నుంచి నిష్క్రమించింది. పురుషుల సింగిల్స్‌లో టాప్ సీడ్ జన్నిక్ సిన్నర్ (Jannik Sinner) సునాయసంగా నాలుగో రౌండ్‌లో అడుగుపెట్టాడు.

శనివారం జరిగిన పోరులో ఎమ్మా ధాటికి డిఫెండింగ్ ఛాంపియన్ నిలువలేకపోయింది. తొలి సెట్‌ను కోల్పోయిన అమెరికా స్టార్ ఆ తర్వాత పుంజుకొని క్రెజికోవాకు షాకిస్తూ 2-6, 6-3, 6-4తో నాలుగో రౌండ్‌కు దూసుకెళ్లింది. ఇక పురుషుల సింగిల్స్‌లో ఇటలీ స్టార్ సిన్నర్ జోరు చూపించాడు. ఏకపక్షంగా సాగిన మ్యాచ్‌లో పెడ్రో మార్టినెజ్‌ (స్పెయిన్‌)ను 6-1, 6-3, 6-1తో మట్టికరిపించాడు. దాంతో అతడు వరుసగా నాలుగో ఏడాది మూడో రౌండ్ దాటాడు.

No.1 Court rises for our 2024 Ladies’ Singles Champion

We look forward to seeing you next year, Barbora 💚#Wimbledon pic.twitter.com/StLUVMq1Lw

— Wimbledon (@Wimbledon) July 5, 2025

ఇవి కూడా చదవండి

• IND vs ENG | బెంబేలెత్తిస్తున్న సిరాజ్, ఆకాశ్.. 30కే ఓపెనర్లను కోల్పోయిన ఇంగ్లండ్
• Neeraj Chopra Classic | తొలి సీజన్ ఛాంపియన్‌ నీరజ్.. వరుసగా మూడో టైటిల్‌తో రికార్డు
• IND vs ENG | గిల్ రికార్డు సెంచరీ.. ఇన్నింగ్స్ డిక్లేర్ చేసిన భారత్..!