Deepak Chahar Zomato | భారత్లో ప్రముఖ ఫుడ్ డెలివరీ యాప్ జొమాటో (Zomato) పై టీమిండియా క్రికెటర్, ఐపీఎల్లో చెన్నై సూపర్ కింగ్స్ తరఫున ఆడే దీపక్ చాహర్ తీవ్ర ఆరోపణలు చేశాడు. భారత్లో కొత్త రకం మోసానికి జొమాటో తెరలేపిందని ఆరోపించాడు. తాను ఫుడ్ కోసం ఆర్డర్ చేసి అది రాకపోయినా యాప్లో మాత్రం డెలివరీ అయినట్టు చూపిస్తున్నదని, కస్టమర్ సర్వీస్ సెంటర్కు కాల్ చేసినా వాళ్ల నుంచి అదే అబద్దం వచ్చిందని ట్విటర్ (ఎక్స్) వేదికగా తెలిపాడు. తన మాదిరిగానే ఇతరులు కూడా ఇలాంటి ఇబ్బందులు ఎదురైతే వాటిని తనకు చెప్పాలంటూ ట్విటర్ యూజర్స్ను కోరాడు. దీపక్ చేసిన ట్వీట్ నెట్టింట వైరల్ అవుతోంది.
చాహర్ స్పందిస్తూ… ‘భారత్లో కొత్త మోసం..! జొమాటో యాప్ నుంచి ఫుడ్ ఆర్డర్ చేశాను. యాప్లోనేమో అది డెలివరీ అయినట్టు చూపిస్తోంది. కానీ నేనైతే ఇంతవరకూ రిసీవ్ చేసుకోలేదు. కస్టమర్ సర్వీస్ సెంటర్కు కాల్ చేస్తే వాళ్లు కూడా నేను రిసీవ్ చేసుకున్నానని అబద్ధం చెబుతున్నారు. నాలాగే చాలా మంది ఇలాంటి సమస్యలు ఎదుర్కుంటున్నారు. జొమాటోను ట్యాగ్ చేసి మీ స్టోరీని షేర్ చేసుకోండి…’ అని ట్వీట్లో పేర్కొన్నాడు.
new fraud in India 😂 . Ordered food from @zomato and app shows delivered but didn’t receive anything. After calling the customer service they also said that it’s been delivered and m lying 🤥 . M sure lot of people must be facing same issues. Tag @zomato and tell your story . pic.twitter.com/PwvNTcRTTj
— Deepak chahar 🇮🇳 (@deepak_chahar9) February 24, 2024
దీపక్ ట్వీట్పై జొమాటో స్పందించింది. ‘హయ్ దీపక్.. మీకు కలిగిన అసౌకర్యానికి చింతిస్తున్నాం. మేము ఇలాంటి ఇష్యూస్ను సీరియస్గా తీసుకుంటున్నాం. వీటిని త్వరగా పరిష్కరించేందుకు యత్నిస్తున్నాం..’ అని రిప్లై ఇచ్చింది. జొమాటో రిప్లైపై దీపక్ కూడా స్పందించాడు. అందరూ ఎదుర్కుంటున్న ఈ ఇష్యూను హైలైట్ చేద్దామనుకున్నానని రాసుకొచ్చాడు. డబ్బులు తిరిగిచ్చినంత మాత్రానా ప్రాబ్లమ్ సాల్వ్ కాదని అన్నాడు. ఆకలిని డబ్బులతో భర్తీ చేయలేమని జొమాటోకు చురుకులంటించాడు.
Just wanted to highlight this as lot of people face this issue and no proper action is taken giving back the money of the order will not solve the issue. Hunger cannot be compensate with money .
— Deepak chahar 🇮🇳 (@deepak_chahar9) February 24, 2024