IPL 2024: కేకేఆర్ వ‌ర్సెస్ పంజాబ్.. టీ20ల్లో సిక్స‌ర్ల రికార్డు

IPL 2024: కేకేఆర్ వ‌ర్సెస్ పంజాబ్ మ్యాచ్‌లో సిక్స‌ర్ల మోత మోగింది. ఆ మ్యాచ్‌లో అత్య‌ధికంగా 42 సిక్స‌ర్లు కొట్టారు. పంజాబ్ జ‌ట్టు 24 సిక్స‌ర్లు బాద‌గా, కోల్‌క‌తా జ‌ట్టు 18 సిక్స‌ర్లు కొట్టింది. బెయిర్‌స్టో 9, శ‌శాంక్ సింగ్ 8 సిక్స‌ర్లు బాదారు.

కోల్‌క‌తా: పంజాబ్ కింగ్స్‌, కోల్‌క‌తా నైట్ రైడ‌ర్స్ మధ్య జ‌రిగిన ఐపీఎల్ మ్యాచ్‌లో(IPL 2024) సిక్స‌ర్ల వ‌ర్షం కురిసింది. టీ20ల్లోనే అత్య‌ధిక సంఖ్య‌లో ఆ మ్యాచ్‌లో సిక్స‌ర్లు న‌మోదు అయ్యాయి. 261 ప‌రుగుల రికార్డు స్కోరును చేధించిన పంజాబ్ ఆ మ్యాచ్‌లో సిక్స‌ర్ల‌తో హోరెత్తించింది. శుక్ర‌వారం జ‌రిగిన మ్యాచ్‌లో రెండు జ‌ట్లు క‌లిపి 42 సిక్స‌ర్లు బాదాయి. కొన్ని రోజుల క్రిత‌మే ముంబై ఇండియన్స్‌, హైద‌రాబాద్ జ‌ట్ల మ‌ధ్య మ్యాచ్‌లో 38 సిక్స‌ర్లు న‌మోదు అయ్యాయి. ఆ రికార్డును ఇప్పుడు తుడిపేశారు.

Clean Hitting to the fullest, ft Shashank Singh 😎

This match has now breached the Highest Number of Sixes Hit in a T20 Match 👏

Watch the match LIVE on @StarSportsIndia and @JioCinema 💻📱#TATAIPL | #KKRvPBKS pic.twitter.com/3HPN6DLnPl

— IndianPremierLeague (@IPL) April 26, 2024

పంజాబ్ బ్యాట‌ర్లు ప్ర‌భుసిమ్ర‌న్ సింగ్, జానీ బెయిర్‌స్టో, రిలీ రూసో, శ‌శాంక్ సింగ్‌లు 24 సిక్స‌ర్లు బాదారు. ఒక్క ఇన్నింగ్స్‌లో ఇన్ని సిక్స‌ర్ల కొట్ట‌డం ఇది రెండోసారి. ఒక్క ఇన్నింగ్స్‌లో అత్య‌ధిక సిక్స‌ర్లు కొట్టిన రికార్డు నేపాల్ పేరిట ఉన్న‌ది. హాంగ్‌కాంగ్‌తో జ‌రిగిన మ్యాచ్‌లో నేపాల్ మూడు వికెట్ల‌కు 314 ర‌న్స్ చేసింది. ఆ మ్యాచ్‌లో నేపాల్ 26 సిక్స‌ర్ల‌ను బాదింది.

ప్ర‌భుసిమ్ర‌న్ అయిదు సిక్స‌ర్లు, బెయిర్‌స్టో 9 సిక్స‌ర్లు, రూసో రెండు, శ‌శాంక్ 8 సిక్స‌ర్ల‌ను బాదారు. కోల్‌క‌తా బ్యాట‌ర్ల‌లో ఫిల్ సాల్ట్ ఆరు, న‌రేన్ నాలుగు, వెంక‌టేశ్ అయ్య‌ర్‌, ఆండ్రూ ర‌స‌ల్ రెండేసి, శ్రేయాస్ అయ్య‌ర్ మూడు సిక్స‌ర్లు బాదారు.

The Punch.ev Electric Striker of the Match between between @KKRiders & @PunjabKingsIPL goes to Shreyas Iyer#TATAIPL | @Tataev | #PunchevElectricStriker | #BeyondEveryday | #KKRvPBKS pic.twitter.com/1WPTrdWF1f

— IndianPremierLeague (@IPL) April 26, 2024