ENG vs WI | లార్డ్స్‌లో హాఫ్ సెంచ‌రీల మోత.. ఇంగ్లండ్‌కు భారీ ఆధిక్యం

ENG vs WI : సొంత‌గ‌డ్డ‌పై ఇంగ్లండ్ బ్యాట‌ర్లు 'బ‌జ్‌బాల్' ఆట‌తో చెల‌రేగుతున్నారు. తొలి టెస్టులోనే వెస్టిండీస్ (West Indies)బౌల‌ర్ల‌కు చుక్కలు చూపిస్తూ ఏకంగా ఐదుగురు అర్ధ శ‌త‌కాల‌తో కదం తొక్కారు. దాంతో, ఆతిథ్య జ‌ట్టు తొలి ఇన్నింగ్స్‌లో భారీ స్కోర్ కొట్టింది.

July 11, 2024 / 08:57 PM IST

ENG vs WI | లార్డ్స్‌లో హాఫ్ సెంచ‌రీల మోత.. ఇంగ్లండ్‌కు భారీ ఆధిక్యం

ENG vs WI : సొంత‌గ‌డ్డ‌పై ఇంగ్లండ్ బ్యాట‌ర్లు ‘బ‌జ్‌బాల్’ ఆట‌తో చెల‌రేగుతున్నారు. తొలి టెస్టులోనే వెస్టిండీస్ బౌల‌ర్ల‌కు చుక్కలు చూపిస్తూ ఏకంగా ఐదుగురు అర్ధ శ‌త‌కాల‌తో కదం తొక్కారు. దాంతో, ఆతిథ్య జ‌ట్టు తొలి ఇన్నింగ్స్‌లో భారీ స్కోర్ కొట్టింది. అరంగేట్రం మ్యాచ్‌లోనే జేమీ స్మిత్(70) అద్భుత పోరాటంతో ఆక‌ట్టుకోగా.. 371 ప‌రుగుల‌కు ఇంగ్లండ్ ఆలౌట్ అయింది.

దాంతో, బెన్ స్టోక్స్ సేన‌ 250 ప‌రుగుల ఆధిక్యంతో టీ బ్రేక్‌కు వెళ్లింది. అనంత‌రం రెండో ఇన్నింగ్స్ ఆరంభించిన క‌రీబియ‌న్ జ‌ట్టు 12 ప‌రుగులు చేసింది. మికెలె లూయిస్(7), కెప్టెన్ క్రెగ్ బ్రాత్‌వైట్(4)లు జాగ్ర‌త్త‌గా ఆడుతున్నారు. ఇంకా విండీస్ 238 ర‌న్స్ వెన‌క‌బ‌డి ఉంది.

We may not see a Jimmy reverse-sweep again 😢

James Anderson finishes unbeaten 0* off 0 in what may have been his final Test innings with the bat #ENGvWI pic.twitter.com/Ja5wadXIY8

— ESPNcricinfo (@ESPNcricinfo) July 11, 2024

వెట‌ర‌న్ బౌల‌ర్ జేమ్స్ అండ‌ర్సన్ వీడ్కోలు మ్యాచ్ అయిన‌ లార్డ్స్ టెస్టులో ఇంగ్లండ్ ప‌ట్టు బిగించింది. తొలి రోజే వెస్టిండీస్‌ను ఆలౌట్ చేసిన స్టోక్స్ బృందం రెండో రోజు ప‌రుగుల వ‌ర‌ద పారించింది. వ‌చ్చ‌న‌వాళ్లు వ‌చ్చిన‌ట్టు అర్ధ శ‌త‌కాల‌తు బాదేయ‌గా ప‌ర్యాట‌క జ‌ట్టు బౌల‌ర్లు కుదేల‌య్యారు. ఓపెన‌ర్ జాక్ క్రాలే(76), జో రూట్(68), ఓలీ పోప్(57), హ్యారీ బ్రూక్(50)లు విండీస్ బౌలింగ్ యూనిట్‌కు ఉతికారేస్తూ హాఫ్ సెంచ‌రీలు బాదేశారు.

Looking right at home! 🏠

Fifty on debut for Jamie Smith 👏 @IGcom | #EnglandCricket pic.twitter.com/SZAonUjLNf

— England Cricket (@englandcricket) July 11, 2024

ఇక ఆఖ‌ర్లో జేమీ స్మిత్ (70) సూప‌ర్ ఫిఫ్టీతో ఆక‌ట్టుకున్నాడు. టెయిలెండ‌ర్ల‌తో క‌లిసి విలువైన భాగ‌స్వామ్యాలు నెల‌కొల్పి జ‌ట్టు స్కోర్ 370 దాటించాడు. విండీస్ బౌల‌ర్ల‌లో జైడెన్ సీల్స్ నాలుగు, జేస‌న్ హోల్డ‌ర్, గుడ‌కేశ్ మోతీలు త‌లా రెండేసి వికెట్లు ప‌డ‌గొట్టారు.