David Warner : ఆస్ట్రేలియా డాషింగ్ ఓపెనర్ డేవిడ్ వార్నర్(David Warner) సొంత మైదానంలో ఆఖరి టెస్టు మ్యాచ్ ఆడేశాడు. మెల్బోర్న్ క్రికెట్ గ్రౌండ్(Melbourne Cricket Ground)లో జరుగుతున్న బాక్సింగ్ డే టెస్టు.. సుదీర్ఘ ఫార్మాట్లో వార్నర్కు చివరి మ్యాచ్. దాంతో, ఈ స్టార్ ఓపెనర్ భావోద్వేగానికి లోనయ్యాడు. రెండో ఇన్నింగ్స్లో ఔటైన అనంతరం వార్నర్ బ్యాట్ చూపిస్తూ స్టేడియంలోని అభిమానులకు అభివాదం చేశాడు.
డ్రెస్సింగ్ రూమ్కు వెళ్తున్న ఈ దిగ్గజ బ్యాటర్ను స్టాండ్స్లో కూర్చున్న ఫ్యాన్స్ లేచి నిల్చొని చప్పట్లు కొడుతూ అభినందించారు. సొంత మైదానమైన మెల్బోర్న్లో ఈ లెఫ్ట్హ్యాండర్కు మంచి రికార్డే ఉంది. ఇక్కడ ఆడిన 18 ఇన్నింగ్స్లలో డేవిడ్ భాయ్ 50.66 సగటుతో 912 పరుగులు సాధించాడు.
David Warner has played his last MCG Test ✨💔#AUSvPAK pic.twitter.com/W2lFoTSktW
— ESPNcricinfo (@ESPNcricinfo) December 28, 2023
పాకిస్థాన్తో పెర్త్లో జరిగిన తొలి టెస్టులో వార్నర్ శతకంతో చెలరేగాడు. తన టెస్ట్ కెరీర్ ముగిసిందంటూ ప్రచారం చేస్తున్న విమర్శకుల నోళ్లు మూయించాడు. వార్నర్ 185 రన్స్ బాదడంతో ఆసీస్ మ్యాచ్పై పట్టు బిగించి.. 360 పరుగుల తేడాతో పాక్ను చిత్తు చేసింది. మెల్బోర్న్లో జరుగుతున్న బాక్సింగ్ డే టెస్టులో మాత్రం వార్నర్ నిరాశ పరిచాడు. తొలి ఇన్నింగ్స్లో 38 పరుగులతో ఫర్వాలేదనిపించిన వార్నర్.. రెండో ఇన్నింగ్స్లో మాత్రం 6 పరుగులతో ఉసూరుమనిపించాడు.