IPL 2024 SRH vs KKR : ఇండియన్ ప్రీమియర్ లీగ్ 17వ సీజన్ను సన్రైజర్స్ హైదరాబాద్(SRH) ఓటమితో ఆరంభించింది. ఆఖరి ఓవర్ థ్రిల్లర్లో కోల్కతా నైట్ రైడర్స్పై 4 వికెట్ల తేడాతో ఓటమి పాలైంది. హెన్రిచ్ క్లాసెన్(63) ఒంటరిపోరాటం చేసినా జట్టును గెలిపించలేకపోయాడు. చివరి ఓవర్లో రెండు వికెట్లు తీసిన హర్షిత్ రానా కోల్కతాకు చిరస్మరణీయ విజయాన్ని అందించాడు. తొలులు ఆల్రౌండర్ ఆండ్రూ రస్సెల్(64 నాటౌట్ 25 బంతుల్లో 3 ఫోర్లు, 7 సిక్సర్లు) విధ్వంసంతో కోల్కతా భారీ స్కోర్ కొట్టింది. ఆ తర్వాత బౌలర్లు అద్భుతంగా రాణించి హైదరాబాద్ ఆటగాళ్లపై ఒత్తిడి పెంచారు. చివర్లో క్లాసెన్, షహ్బాజ్ మెరుపు ఇన్నింగ్స్ ఆడినా హైదరాబాద్కు ఓటమి తప్పలేదు.
క్లాసెన్, షహ్బాజ్ అహ్మద్(16)లు పోటీపోటీగా సిక్సర్లు కొట్టారు. వరుణ్ చక్రవర్తి వేసిన 18వ ఓవర్లో క్లాసెన్ రెండు, షహ్బాజ్ అహ్మద్ ఒక సిక్సర్ బాదాడు. దాంతో, రెండు ఓవర్లలో 39 పరుగులు అవసరమయ్యాయి. స్టార్క్ వేసిన 19వ ఓవర్లో క్లాసెన్ ఏకంగా మూడు సిక్సర్లతో హాఫ్ సెంచరీ సాధించాడు. ఆఖరి బంతికి షహ్బాజ్ సిక్సర్ బాదేశాడు. హర్షిత్ రానా వేసిన 20వ ఓవర్ తొలి బంతిని క్లాసెన్ స్టాండ్స్లోకి పంపి కోల్కతా ఆశలపై నీళ్లు చల్లాడు. హైదరాబాద్ విజయానికి 6 పరుగులు కావాల్సిన దశలో షహ్బాజ్ ఔటయ్యాడు. ఆ కాసేపటికే క్లాసెన్ వెనుదిరిగాడు. ఆఖరి బంతికి 5 పరుగులు అవసరమవ్వగా.. కెప్టెన్ కమిన్స్ బౌండరీ కూడా కొట్టలేకపోయాడు. దాంతో కోల్కతా 4 పరుగుల తేడాతో గెలిచింది.
Heinrich Klaasen with 2️⃣ maximums 💥
With 4️⃣ overs to go, #SRH need plenty of these
Watch the match LIVE on @JioCinema and @StarSportsIndia 💻📱
Follow the match ▶️ https://t.co/xjNjyPa8V4 #TATAIPL | #KKRvSRH pic.twitter.com/9shCsI1kTa
— IndianPremierLeague (@IPL) March 23, 2024
పదిహేడో సీజన్ తొలి డబుల్ హెడర్ రెండో మ్యాచ్లో కోల్కతా నైట్ రైడర్స్ నిర్దేశించిన భారీ ఛేదనలో హైదరాబాద్కు ఓపెనర్లు మయాంక్ అగర్వాల్(32), అభిషేక్ శర్మ(32)లు శుభారంభమిచ్చారు. ప్రమాదకరంగా మారుతున్న ఈ జోడీని 61 పరుగుల వద్ద హర్షిత్ రానా విడదీశాడు. ఆ తర్వాత మర్క్రమ్(18), రాహుల్ త్రిపాఠి(20) కలిసి ఇన్నింగ్స్ నిర్మించారు. అయితే.. వరుణ్ చక్రవర్తి ఓవర్లో మర్క్రమ్ వెనుదిరిగాడు. ఆ తర్వాత సాధించాల్సిన నెట్రన్ రేటు 15 దాటడంతో అబ్దుల్ సమద్(15)లు భారీ షాట్లు ఆడబోయి ఔటయ్యాడు. హెన్రిచ్ క్లాసెన్తో కలిసిన షహ్జాబ్ మెరపు బ్యాటింగ్తో అండగా నిలిచాడు. కోల్కతా బౌలర్లలో రస్సెల్ రెండు వికెట్లు తీశాడు.
End of Innings ‼️#KKR set a target of 209 courtesy Andre Russell and Rinku Singh 🎯#SRH chase starting 🔜
Follow the match ▶️https://t.co/xjNjyPa8V4 #TATAIPL | #KKRvSRH pic.twitter.com/jCqTTQU5aT
— IndianPremierLeague (@IPL) March 23, 2024
ఈడెన్ గార్డెన్స్లో రస్సెల్ సిక్సర్ల వర్షం కురిపించాడు. హైదరాబాద్ బౌలర్లను ఉతికారేస్తూ జట్టు స్కోర్ను పరుగులు పెట్టించాడు. అతడి వీరబాదుడుకు ఓపెనర్ ఫిలిఫ్ సాల్ట్(54)హాఫ్ సెంచరీ తోడవ్వడంతో కోల్కతా నిర్ణీత ఓవర్లలో 208 రన్స్ కొట్టింది. నట్టూ దెబ్బకు టాపార్డర్లో వెంకటేశ్ అయ్యర్(7), కెప్టెన్ శ్రేయస్ అయ్యర్(0) ఒకే ఓవర్లో డగౌట్కు చేరారు. మాజీ సారథి నితీశ్ రానా(0)లు విఫలం కాగా.. అరంగేట్రం ఆటగాడు రమన్దీప్ సింగ్(35) రాణించాడు. రింకూ సింగ్(23) ఎప్పటిలానే కొత్త సీజన్లోనూ కీలక ఇన్నింగ్స్ ఆడాడు.