Mario Zagallo : కొంత కాలంగా అనారోగ్యంతో బాధపడుతున్న బ్రెజిల్ ఫుట్బాల్ దిగ్గజం మరియో జగల్లో(Mario Zagallo) కన్నుమూశాడు. వృద్ధాప్య సమస్యలకు తోడు అవయవాలు దెబ్బతినడం(Organ Failure)తో 92 ఏండ్ల వయసులో ప్రాణాలు విడిచాడు. మునపటి తరం ఆటగాళ్లలో చివరి వాడైన మరియో మృతి చెందడంతో బ్రెజిల్ ఒక్కసారిగా కన్నీటి సంద్రమైంది.
మరియో భౌతికకాయాన్ని అభిమానుల సందర్శనార్థం రియో డి జనేరోలోని బ్రెజిల్ ఫుట్బాల్ కాన్ఫెడరేషన్(BFC)లో ఉంచారు. అక్కడ అశేష ప్రజానీకం ఆయనను కడసారి దర్శించుకున్న అనంతరం అధికార లాంఛనాలతో అంత్యక్రియలు నిర్వహించారు. నాలుగుసార్లు వరల్డ్ కప్ విజేత అయిన మరియో రిటైర్మెంట్ అనంతరం కోచ్గా సేవలందించాడు.
Rest in peace to one of the greatest legends in football history, Mário Zagallo.
1958 & 1962 player
1970 manager
1994 coordinator
2002 advisorInvolved in all of Brazil’s world cup victories.
Your legacy will not be forgotten 🙏🏽 pic.twitter.com/csntt9qR9Y
— Brasil Football 🇧🇷 (@BrasilEdition) January 6, 2024
దివంగత లెజెండరీ ఆటగాడు పీలె(Pele)తో కలిసి మరియో రెండు ప్రపంచ కప్ టోర్నీల్లో ఆడాడు. వీళ్లిద్దరూ 1958, 1962లో ప్రపంచకప్ గెలిచిన జట్టులో సభ్యలు. మరో ఆసక్తికరమైన విషయం ఏంటంటే.. 1970లో వరల్డ్ కప్ బరిలో దిగిన పీలే సారథ్యంలోని జట్టుకు మరియో కోచ్గా వ్యవహరించాడు. అతడి వ్యూహాలకు పీలే అద్భుత ప్రదర్శన తోడవ్వడంతో బ్రెజిల్ విశ్వ విజేతగా నిలిచింది. ఎల్లప్పుడూ మరియో బ్రెజిల్ ఫుట్బాల్ జట్టు రంగులైన నలుపు, పసుపు దుస్తులు ధరించేవాడు. జీవితాంతం ఆటను ప్రేమించిన మరియో ఇప్పుడు అశేష అభిమాన గణానికి కన్నీళ్లు మిగిల్చి వెళ్లిపోయాడు.