BJP | లోక్‌సభ స్థానాలకు బీజేపీ ఇన్‌చార్జ్‌లు.. నియమించిన కిషన్‌ రెడ్డి

అసెంబ్లీ ఎన్నికల్లో ఎనిమిది స్థానాల్లో అనూహ్య విజయం సాధించిన బీజేపీ (BJP).. పార్లమెంటు ఎన్నికలకు సమాయత్తం అవుతున్నది.

హైదరాబాద్‌: అసెంబ్లీ ఎన్నికల్లో ఎనిమిది స్థానాల్లో అనూహ్య విజయం సాధించిన బీజేపీ (BJP).. పార్లమెంటు ఎన్నికలకు సమాయత్తం అవుతున్నది. ఇన్నాళ్లు పట్టణాలు, నగరాలకే పరిమితమైన పార్టీ మరింత పుంజుకోవాలని చూస్తున్నది. ప్రస్తుతం ఉన్న స్థానాలతోపాటు మరిన్ని ఎంపీ సీట్లలో గెలుపొందాలని లక్ష్యంగా పెట్టుకున్నది. ఇందులో భాగంగా లోక్‌సభ నియోజకవర్గాలకు ఇన్‌చార్జిలను నియమించింది. 8 మంది ఎమ్మెల్యేలు, ఒక ఎమ్మెల్సీకి పార్టీ అధ్యక్షుడు కిషన్‌ రెడ్డి బాధ్యతలు అప్పగించారు.

ఇన్‌చార్జులు..

• హైదరాబాద్‌- రాజాసింగ్‌
• సికింద్రాబాద్‌- ఎంపీ లక్ష్మణ్‌
• మల్కాజిగిరి- పైడి రాకేశ్‌ రెడ్డి
• చేవెళ్ల- ఏవీఎన్‌ రెడ్డి
• నిజామాబాద్‌- ఏలేటి మహేశ్వర్‌ రెడ్డి
• ఖమ్మం- పొంగులేటి సుధాకర్‌ రెడ్డి
• మహబూబాబాద్‌- గరికపాటి మోహన్‌రావు
• పెద్దపల్లి- రామారావు పాటిల్‌
• వరంగల్‌- మర్రి శశిధర్‌ రెడ్డి
• కరీంనగర్‌- సూర్యనారాయణ గుప్తా
• జహీరాబాద్‌- కాటిపల్లి వెంకటరమణ రెడ్డి
• మెదక్‌- పాల్వాయి హరిబాబు
• నల్లగొండ- చింతల రామచంద్రారెడ్డి
• భువనగిరి- ఎన్వీఎస్‌ఎస్‌ ప్రభాకర్‌