BCCI | బెంగళూరు తొక్కిసలాట.. ఐపీఎల్‌ విజయోత్సవాలపై బీసీసీఐ కఠిన నిబంధనలు

BCCI | బెంగళూరులో ఆర్సీబీ విజయోత్సవ వేడుకలో తొక్కిసలాట (Bengaluru stampede) ఘటన చోటు చేసుకున్న విషయం తెలిసిందే. ఈ ఘటన నేపథ్యంలో బీసీసీఐ (BCCI) కీలక నిర్ణయం తీసుకుంది.

BCCI | బెంగళూరులో ఆర్సీబీ విజయోత్సవ వేడుకలో తొక్కిసలాట (Bengaluru stampede) ఘటన చోటు చేసుకున్న విషయం తెలిసిందే. ఈ దుర్ఘటనలో 11 మంది ప్రాణాలు కోల్పోయారు. సుమారు 50 మందికిపైగా గాయపడ్డారు. ఈ ఘటన నేపథ్యంలో బీసీసీఐ (BCCI) కీలక నిర్ణయం తీసుకుంది. భవిష్యత్తులో ఇటువంటి ఘటనలు జరగకుండా కఠిన నిబంధనలు తీసుకొచ్చింది. ఐపీఎల్‌ విజేతలు సెలబ్రేషన్స్‌కు (IPL Celebrations) తప్పనిసరిగా పాటించాల్సిన నిబంధనలను రూపొందించింది. ఈ విషయాన్ని బోర్డు సెక్రెటరీ దేవజిత్‌ సైకియా వెల్లడించారు. తొక్కిసలాట ఘటనను బీసీసీఐ తీవ్రంగా పరిగణిస్తోందని వెల్లడించారు.

IPL విజయోత్సవ వేడుకల కోసం BCCI రూపొందించిన మార్గదర్శకాలు

• టైటిల్‌ గెలిచిన 3 నుంచి 4 రోజుల తర్వాతే సెలబ్రేషన్స్‌ చేసుకోవాలి
• ఏదైనా వేడుకను నిర్వహించడానికి ముందు జట్లు బీసీసీఐ నుంచి తప్పనిసరిగా ముందస్తు అనుమతి తీసుకోవాలి
• బోర్డు నుంచి ముందస్తు లిఖిత పూర్వకమైన అనుమతి లేకుండా ఈవెంట్‌లను నిర్వహించకూడదు
• నాలుగు అంచెల భద్రత తప్పనిసరి
• అన్ని వేదికల వద్ద, రవాణా సమయంలో మల్టీ లేయర్డ్ సెక్యూరిటీ ఉండాలి
• జిల్లా పోలీసులు, రాష్ట్ర ప్రభుత్వం, స్థానిక అధికారుల నుంచి అనుమతి పొందాలి
• ఈవెంట్ షెడ్యూల్ అంతటా ఆటగాళ్లకు, సిబ్బందికి రక్షణ కల్పించాలి
• ఎయిర్‌పోర్టు నుంచి ఈవెంట్‌ వేదిక వరకు భద్రత ఉండాలి
• వేడుకలు చట్టబద్ధంగా,సురక్షితంగా కొనసాగడానికి పౌర, చట్టాన్ని అమలు చేసే సంస్థలు అనుమతి ఇవ్వాలి

Also Read..

పడగొట్టారు.. నిలబడతారా!

ఓటములకు తెర.. భారత పురుషుల హాకీ జట్టుకు తొలి గెలుపు

భారత్‌కు ఏడు పతకాలు ఖాయం