AUS vs WI: సొంతగడ్డపై వెస్టిండీస్తో జరిగిన మూడు మ్యాచ్ల సిరీస్ను కంగారూలు 3-0 తేడాతో క్వీన్ స్వీప్ చేశారు. రెండో వన్డేలో కాస్త ప్రతిఘటించినా కరేబియన్ జట్టు మూడో వన్డేలో మాత్రం పూర్తిగా తేలిపోయింది. బ్యాటింగ్తో పాటు బౌలింగ్లో విఫలమై కాన్బెర్రా వేదికగా ముగిసిన మూడో వన్డేలో ఘోర పరాభవాన్ని మూటగట్టుకుంది. ఈ విజయం ద్వారా ఆస్ట్రేలియా రికార్డుల హోరెత్తించింది. విండీస్ నిర్దేశించిన 87 పరుగుల లక్ష్యాన్ని ఆసీస్.. 6.5 ఓవర్లలోనే దంచికొట్టింది. ఆసీస్కు బంతులపరంగా ఇదే అతిపెద్ద విజయం.
ఆసీస్కు వన్డేలలో ఇది వెయ్యో మ్యాచ్ కాగా.. చరిత్రాత్మక వన్డేలో ఆ జట్టు భారీ తేడాతో గెలిచింది. 41 బంతుల్లోనే విజయాన్ని పూర్తిచేయడంతో ఆసీస్ 259 బంతులు మిగిలుండగానే గెలిచింది. ఆస్ట్రేలియాకు బంతులపరంగా ఇదే అతిపెద్ద విజయం. ఓవరాల్గా అంతర్జాతీయ క్రికెట్లో అతి స్వల్ప బంతులలో గెలిచిన జట్లలో ఆసీస్ ఆరోవది కావడం గమనర్హాం. ఈ జాబితాలో ఇంగ్లండ్ ప్రథమ స్థానంలో ఉంది.
కెనడాపై జరిగిన మ్యాచ్లో ఇంగ్లండ్.. 277 బంతులు మిగిలుండగా (60 ఓవర్ల మ్యాచ్-1979లో) గెలుపొందగా తర్వాత శ్రీలంక.. జింబాబ్వేపై 274 బంతులు ఉండగా విజయాన్ని సొంతం చేసుకుంది. ఈ జాబితాలో నేపాల్ (యూఎస్ఎపై 268 బంతులు), న్యూజిలాండ్ (బంగ్లాదేశ్పై 264 బంతులు), భారత్ (శ్రీలంకపై 263 బంతులు) తర్వాత ఆసీస్ ఆరో స్థానంలో నిలిచింది.
✅ Shortest men’s ODI match in Australia
✅ Sixth-shortest men’s ODI match of all timeAustralia took just 186 balls to bowl out West Indies and chase down their total in Canberra 😮 https://t.co/nwLV9wcT7J #AUSvWI pic.twitter.com/pyM0GdwjP1
— ESPNcricinfo (@ESPNcricinfo) February 6, 2024
మ్యాచ్ విషయానికొస్తే.. మొదట బ్యాటింగ్ చేసిన విండీస్, 24.1 ఓవర్లలో 86 పరుగులకు ఆలౌట్ అయింది. ఓపెనర్ అలిక్ అథనాజ్ 32 పరుగులతో టాప్ స్కోరర్ కాగా ఆ తర్వాత ఇద్దరు మాత్రమే డబుల్ డిజిట్ స్కోరు చేశారు. తొలి వన్డేలో నాలుగు వికెట్లు పడగొట్టిన ఆసీస్ యువ పేసర్ జేవియర్ బార్ట్లెట్.. ఈ మ్యాచ్లో కూడా చెలరేగాడు. మూడో వన్డేలో జేవియర్.. 7.1 ఓవర్లు వేసి 21 పరుగులే ఇచ్చి 4 వికెట్లు పడగొట్టాడు. లక్ష్యాన్ని ఆసీస్.. 6.5 ఓవర్లలోనే దంచికొట్టింది. ట్రావిస్ హెడ్ స్థానంలో ఓపెనర్గా వచ్చిన యువ ఓపెనర్ జేక్ ప్రేసర్.. 18 బంతుల్లోనే 5 బౌండరీలు, 3 సిక్సర్ల సాయంతో 41 పరుగులు చేశాడు. మరో ఓపెనర్ జోష్ ఇంగ్లిస్.. 16 బంతుల్లోనే 4 బౌండరీలు, ఒక సిక్సర్తో 35 పరుగులు చేసి నాటౌట్గా నిలిచాడు. వన్డే సిరీస్ ముగియడంతో విండీస్ – ఆసీస్ మధ్య ఈనెల 9 నుంచి మూడు మ్యాచ్ల టీ20 సిరీస్ మొదలుకావాల్సి ఉంది.