AUS vs WI 1st ODI: దంచికొట్టిన ఇంగ్లిస్‌.. తొలి వన్డేలో ఆసీస్‌ అలవోక విజయం..

AUS vs WI 1st ODI: మెల్‌బోర్న్‌ వేదికగా శుక్రవారం ముగిసిన మొదటి వన్డేలో ఆసీస్‌.. 8 వికెట్ల తేడాతో ఘనవిజయం సాధించింది. విండీస్‌ నిర్దేశించిన 232 పరుగుల లక్ష్యాన్ని ఆసీస్‌.. 38.3 ఓవర్లలోనే దంచికొట్టింది.

AUS vs WI 1st ODI: ఇటీవలే గబ్బా (బ్రిస్బేన్‌) వేదికగా ముగిసిన రెండో టెస్టులో ఆస్ట్రేలియాకు షాకిచ్చి అనూహ్య విజయం సాధించిన వెస్టిండీస్‌.. నేటి నుంచి మొదలైన వన్డే సిరీస్‌లో ఆ మ్యాజిక్‌ను రిపీట్‌ చేయలేకపోయింది. మెల్‌బోర్న్‌ వేదికగా శుక్రవారం ముగిసిన మొదటి వన్డేలో ఆసీస్‌.. 8 వికెట్ల తేడాతో ఘనవిజయం సాధించింది. విండీస్‌ నిర్దేశించిన 232 పరుగుల లక్ష్యాన్ని ఆసీస్‌.. 38.3 ఓవర్లలోనే దంచికొట్టింది. ఆ జట్టు వికెట్‌ కీపర్‌ బ్యాటర్‌ జోష్‌ ఇంగ్లిస్‌ (43 బంతుల్లో 65, 10 ఫోర్లు, 1 సిక్సర్‌) టీ20 తరహాలో రెచ్చిపోయి ఆడాడు.

స్టీవ్‌ స్మిత్‌ సారథ్యంలోని ఆసీస్‌ మొదట బ్యాటింగ్‌ గెలిచి విండీస్‌కు తొలుత బ్యాటింగ్‌ అప్పజెప్పింది. నాలుగో ఓవర్లోనే ఆ జట్టు ఓపెనర్లు అలిక్‌ అథనాజ్‌ (5), జస్టిన్‌ గ్రీవ్స్‌ (1)లు పెవిలియన్‌ చేరారు. కెప్టెన్‌ షై హోప్‌ (12)తో పాటు మిడిలార్డర్‌ బ్యాటర్‌ కవెమ్‌ హాడ్జ్‌ (11) సైతం విఫలమయ్యారు. కానీ వన్‌ డౌన్‌ బ్యాటర్‌ కీసీ కార్టీ (108 బంతుల్లో 88, 6 ఫోర్లు, 2 సిక్సర్లు), రోస్టన్‌ ఛేజ్‌ (59)లు రాణించారు. ఆసీస్‌ బౌలర్లలో జేవియర్‌ బార్ట్‌లెట్‌ నాలుగు వికెట్ల (4/17)తో చెలరేగాడు. సీన్‌ అబాడ్‌, కామెరూన్‌ గ్రీన్‌లు తలా రెండు వికెట్లు తీశారు.

 

CRUNCHED! You can’t hit a cricket ball better than that! #OhWhatAFeeling | #AUSvWI pic.twitter.com/Drl9ITW9C0

— cricket.com.au (@cricketcomau) February 2, 2024

అనంతరం ఛేదనలో ఆసీస్‌.. తొలి ఓవర్లోనే ఓపెనర్‌ ట్రావిస్‌ హెడ్‌ (4) వికెట్‌ను కోల్పోయింది. కానీ జోష్‌ ఇంగ్లిస్‌.. గ్రీన్‌ (104 బంతుల్లో 77 నాటౌట్‌, 4 ఫోర్లు, 2 సిక్సర్లు)లు రెండో వికెట్‌కు 79 పరుగులు జోడించారు. పొట్టి క్రికెట్‌ తరహాలో ధాటిగా ఆడిన ఇంగ్లిస్‌ను గుడకేష్‌ మోతీ ఔట్‌ చేశాడు. ఇంగ్లిస్‌ నిష్క్రమణ అనంతరం క్రీజులోకి వచ్చిన స్టీవ్‌ స్మిత్‌ (79 బంతుల్లో 79, 8 ఫోర్లు)తో కలిసి గ్రీన్‌లు మరో వికెట్‌ పడకుండా జాగ్రత్తపడ్డారు. మూడో వికెట్‌కు ఈ ద్వయం అజేయంగా 149 పరుగులు జోడించారు.

 

Player of the match is Xavier Bartlett, on debut! #AUSvWI pic.twitter.com/yVYYVtRj67

— cricket.com.au (@cricketcomau) February 2, 2024