T20 World Cup 2024 | ఐపీఎల్ సెంచ‌రీతో ప్ర‌పంచ‌క‌ప్ చాన్స్.. ఇంగ్లండ్ సైన్య‌మిదే..!

T20 World Cup 2024 : ఇంగ్లండ్ క్రికెట్ బోర్డు పొట్టి ప్ర‌పంచ క‌ప్ స్క్వాడ్‌ను ప్ర‌క‌టించింది. మెగా టోర్నీ కోసం 15 మందితో కూడిన స్క్వాడ్‌ను మంగ‌ళ‌వారం ఈసీబీ(England Cricket Board) వెల్ల‌డించింది. స్టార్ పేస‌ర్ జోఫ్రా ఆర్చ‌ర్ (Jofra Archer), భార‌త ప‌ర్య‌ట‌న‌లో తిప్పేసిన టామ్ హ‌ర్ట్లేలకు సెలెక్ట‌ర్లు వ‌ర‌ల్డ్ క‌ప్ చాన్స్ ఇచ్చారు.

T20 World Cup 2024 : ఇంగ్లండ్ క్రికెట్ బోర్డు పొట్టి ప్ర‌పంచ క‌ప్ స్క్వాడ్‌ను ప్ర‌క‌టించింది. మెగా టోర్నీ కోసం 15 మందితో కూడిన స్క్వాడ్‌ను మంగ‌ళ‌వారం ఈసీబీ(England Cricket Board) వెల్ల‌డించింది. రెండేండ్ల క్రితం పొట్టి వ‌ర‌ల్డ్ క‌ప్ అందించిన జోస్ బట్ల‌ర్‌(Jos Buttler)కే మ‌ల్లీ ప‌గ్గాలు అప్ప‌గించారు.

ఐపీఎల్ ప‌దిహేడో సీజ‌న్‌లో ఆర్సీబీ త‌ర‌ఫున‌ సెంచ‌రీతో చెల‌రేగిన విల్ జాక్స్(Will Jacks), బెయిర్‌స్టోతో పాటు కోల్‌క‌తా త‌ర‌ఫున దంచికొడుతున్న ఫిల్ సాల్ట్‌(Philip Salt)లు అనూహ్యంగా జ‌ట్టులోకి వ‌చ్చారు. స్టార్ పేస‌ర్ జోఫ్రా ఆర్చ‌ర్, భార‌త ప‌ర్య‌ట‌న‌లో తిప్పేసిన టామ్ హ‌ర్ట్లేలకు సెలెక్ట‌ర్లు వ‌ర‌ల్డ్ క‌ప్ చాన్స్ ఇచ్చారు.

Our ICC Men’s T20 World Cup squad looking 🔥🔥🔥

Who are you most looking forward to seeing? 👇#EnglandCricket | @T20WorldCup pic.twitter.com/48Q6pO2CzE

— England Cricket (@englandcricket) April 30, 2024

ఇంగ్లండ్ స్క్వాడ్ ఇదే : జోస్ బట్ల‌ర్ (కెప్టెన్), బెన్ డ‌కెట్, ఫిల్ సాల్ట్, విల్ జాక్స్, జానీ బెయిర్‌స్టో, హ్యారీ బ్రూక్, సామ్ క‌ర‌న్‌, మోయిన్ అలీ, క్రిస్ జోర్డాన్, లియామ్ లివింగ్‌స్టోన్, ఆదిల్ ర‌షీద్, టామ్ హ‌ర్ట్లే, జోఫ్రా ఆర్చ‌ర్, మార్క్ వుడ్, రీసే టాప్లే.

ఎనిమిది మంది వాళ్లే

డిఫెండింగ్ చాంపియ‌న్ ఇంగ్లండ్ ఈసారి కూడా బ‌ల‌మైన స్క్వాడ్‌తో బ‌రిలోకి దిగుతోంది. ఆస్ట్రేలియా గ‌డ్డ‌పై 2022లో ట్రోఫీని ముద్దాడిన 11 మందిలో ఏకంగా 8 మంది ఈ ఏడు చోటు ద‌క్కించుకున్నారు.  టాపార్డ‌ర్ నుంచి లోయ‌ర్ ఆర్డ‌ర్ వ‌ర‌కూ దంచి కొట్ట‌గ‌ల హిట్ట‌ర్లు బ‌ట్ల‌ర్ బృందంలో ఉన్నారు. డ‌కెట్, విల్ జాక్స్, సాల్ట్, బెయిర్‌స్టో, బ్రూక్‌ల‌తో బ్యాటింగ్ లైన‌ప్ ప‌టిష్టంగా ఉంది.

ఇక ఆల్‌రౌండ‌ర్లుగా సామ్ క‌ర‌న్, మోయిన్ అలీ, లివింగ్‌స్టోన్‌, హ‌ర్ట్లేలు బ్యాటుతో, బంతితో ఇర‌గదీయ‌డం ప‌క్కా. పేస్ బౌలింగ్ యూనిట్ విష‌యానికొస్తే.. 2019 వ‌ర‌ల్డ్ క‌ప్ హీరో జోఫ్రా ఆర్చ‌ర్‌తో పాటు మార్క్ వుడ్, టాప్లేలు ప్ర‌త్య‌ర్థుల భ‌ర‌తం ప‌ట్ట‌నున్నారు.

ఐపీఎల్‌లో విల్ జాక్స్ సెంచ‌రీ అభివాదం