Andre Russell : ఐపీఎల్లో సిక్సర్ల వీరుడిగా పేరొందిన ఆండ్రూ రస్సెల్(Andre Russell) కొత్త అవతారమెత్తాడు ఐపీఎల్ పదిహేడో సీజన్లో దంచికొడుతున్న కోల్కతా నైట్ రైడర్స్(Kolkata Knight Riders) ఆల్రౌండర్ తాజాగా బాలీవుడ్లో ఎంట్రీ ఇచ్చాడు. గాయకుడు, నటుడిగా రస్సెల్ ఓ ఆల్బమ్లో నటించాడు.
‘చిన్నారి పెండ్లి కూతురు’, ‘ఉయ్యాల జంపాల’ ఫేమ్ అవికా గోర్(Avika Gore)తో రస్సెల్ నటించిన ఈ పాట టీజర్ ప్రస్తుతం సోషల్ మీడియాలో తెగ వైరల్ అవుతోంది. ఆ వీడియో చూసినవాళ్లంతా వావ్ రస్సెల్ నీలో ఈ టాలెంట్ కూడా ఉందా అంటూ కామెంట్లు పెడుతున్నారు.
Russell making his debut in Bollywood as singer and also featuring in the song 🔥
Bro took the tag of Allrounder seriously 👹👊🏻 pic.twitter.com/lS33KkgIbq
— Aditya. (@Hurricanrana_27) May 7, 2024
రస్సెల్, అవికా కలిసి నటించిన ‘లడికీ తు కమాల్’ కి ఆల్బమ్ను గురువారం విడుదల చేశారు. అందులో రస్సెల్ లుంగీ కట్టుకొని చక్కని డాన్స్తో ఆకట్టుకోగా.. అవికా నీలి రంగు చీరలో మెరిసిపోయింది. ఇంకేముంది ఈ వీడియో క్షణాల్లో వైరల్ అయింది.
‘లడికీ తు కమాల్’ ఆల్బమ్లో రస్సెల్, అవికా..
క్రీజులోకి రావడమే ఆలస్యం బౌలర్లపై నిర్ధాక్షిణ్యంగా విరుచుకుపడే రస్సెల్కు బాలీవుడ్ పాటలంటే పిచ్చి. తమ జట్టు సహ -యజమాని షారుక్ ఖాన్ ‘డుంకీ'(Dunky) సినిమాలోని ‘లుట్ పుట్ గయా’ పాటను తరచూ రస్సెల్ హమ్ చేస్తుంటాడు. బాలీవుడ్పై ఉన్న క్రేజ్తో రస్సెల్ కొత్త ఆల్బమ్ చాన్స్ కొట్టేశాడు. గతంలో విండీస్ మాజీ ఆటగాళ్లు క్రిస్ గేల్, డ్వేన్ బ్రావోలో సైతం బాలీవుడ్ షో, ఆల్బమ్స్లో సందడి చేసిన విషయం తెలిసిందే.