Shane Bond | రోహిత్ సేనకు భారీ షాక్.. బౌలింగ్ కోచ్ గుడ్ బై

Shane Bond | ఇండియన్‌  ప్రీమియర్‌ లీగ్‌ తర్వాతి సీజన్‌కు ముందు జరగాల్సి ఉన్న  మినీ వేలానికి  ముందే  ఈ లీగ్‌లో అత్యంత విజయవంతమైన జట్టుగా ఉన్న ముంబై ఇండియన్స్‌ (ఎంఐ) కు భారీ షాక్‌ తగిలింది.

Shane Bond | ఇండియన్‌  ప్రీమియర్‌ లీగ్‌ తర్వాతి సీజన్‌కు ముందు జరగాల్సి ఉన్న  మినీ వేలానికి  ముందే  ఈ లీగ్‌లో అత్యంత విజయవంతమైన జట్టుగా ఉన్న ముంబై ఇండియన్స్‌ (ఎంఐ) కు భారీ షాక్‌ తగిలింది.  గడిచిన తొమ్మిదేండ్లుగా ముంబై జట్టుకు  బౌలింగ్‌ కోచ్‌గా  వ్యవహరిస్తున్న  న్యూజిలాండ్‌ మాజీ బౌలర్‌ షేన్‌ బాండ్‌  వచ్చే సీజన్‌ నుంచి అందుబాటులో ఉండటం లేదు. ఈ విషయాన్ని  ముంబై ఇండియన్స్‌తో పాటు అతడు కూడా  ఎక్స్‌ (ట్విటర్‌)  వేదికగా వెల్లడించాడు.  2015 నుంచి ముంబైకి బౌలింగ్‌ కోచ్‌గా ఉన్న బాండ్‌  మార్గదర్శకత్వంలో ఆ జట్టు బౌలర్లు నాలుగు టైటిళ్లను తమ ఖాతాలో వేసుకున్నారు.

ముంబై టీమ్‌ నుంచి తప్పుకుంటున్న బాండ్‌ ఓ  ప్రకటనలో స్పందిస్తూ..‘గత తొమ్మిదేండ్లుగా ఎంఐ వన్‌ ఫ్యామిలీలో నన్ను భాగం చేసినందుకు గాను అంబానీ ఫ్యామిలీకి ధన్యవాదాలు.  ఈ జట్టుతో ఆన్‌ ది ఫీల్డ్‌ లోనే గాక ఆఫ్‌ ది ఫీల్డ్‌ లో కూడా నాకు ఎన్నో మధుర  జ్ఞాపకాలున్నాయి.  ఈ టీమ్‌తో పాటు కోచింగ్‌ స్టాప్‌లోని వ్యక్తులతో  నాకు బలమైన సంబంధాలున్నాయి.  నేను వాళ్లందరినీ మిస్‌ అవుతున్నా…’ అని తెలిపాడు.

 

Mumbai Indians Bowling Coach and MI Emirates Head Coach Shane Bond moves on from the MI #OneFamily

Read more ➡️ https://t.co/eFLsQBUiRH pic.twitter.com/PtQXpy4JkC

— Mumbai Indians (@mipaltan) October 18, 2023

ఎంఐ  కూడా  బాండ్‌ నిష్క్రమణపై స్పందిస్తూ..‘టీమ్‌ మేనేజ్‌మెంట్‌,  ఆటగాళ్లు, కోచింగ్‌ సిబ్బంది అందరి తరఫున షేన్‌ బాండ్‌కు కృతజ్ఞతలు. ఎంఐ వన్‌ ఫ్యామిలీలో భాగమైనందుకు ధన్యవాదాలు. బాండ్‌ 2015లో మాతో చేరి ఎంఐ నాలుగు ట్రోఫీలు సాధించడంలో భాగమయ్యాడు. అంతేగాక అతడు  ఇంటర్నేషనల్‌ లీగ్‌ టీ20లో  (ఐఎల్‌ టీ20) తొలి సీజన్‌లో బాండ్‌.. ఎంఐ ఎమిరేట్స్‌కు హెడ్‌కోచ్‌గా వ్యవహరించాడు..’అని  పేర్కొంది.

2015లో ముంబై టీమ్‌తో జాయిన్‌ అయిన  బాండ్‌.. ట్రెంట్‌ బౌల్ట్‌, జస్ప్రిత్‌ బుమ్రా, హార్ధిక్‌ పాండ్యాతో పాటు  గత సీజన్‌లో ముంబై తరఫున సంచలన ప్రదర్శనలు చేసిన మధ్వల్‌కూ మార్గదర్శకుడిగా  వ్యవహరించాడు.