Rahmanullah Gurbaz | అఫ్గ‌నిస్థాన్ క్రికెట‌ర్‌కు కానుక‌గా జెర్సీ పంపిన ధోనీ.. పొంగిపోయిన ఓపెన‌ర్

Rahmanullah Gurbaz : ప‌ద‌హారో సీజ‌న్ ఐపీఎల్‌(IPL 2023)లో ఎక్కువ‌గా వినిపించిన పేరు ఎవ‌రిదంటే..? చెన్నై సూపర్ కింగ్స్ సార‌థి మ‌హేంద్ర సింగ్ ధోని(MS Dhoni) పేరు అని ఎవ‌రైనా ఠ‌క్కున చెప్పేస్తారు. ఇదే ధోనీకి ఆఖ‌రి సీజ‌న్ అనే వార్త‌ల నేప‌థ్యంలో అత‌డికి ఫ్యాన్స్ నిరాజ‌నాలు ప‌లికారు.  తాజాగా అఫ్గ‌నిస్థాన్ క్రికెటెర్ ర‌హ్మ‌నుల్లా గుర్బాజ్‌(Rahmanullah Gurbaz )కు ధోనీ ఊహించ‌ని బ‌హుమ‌తి...

Rahmanullah Gurbaz : ప‌ద‌హారో సీజ‌న్ ఐపీఎల్‌(IPL 2023)లో ఎక్కువ‌గా వినిపించిన పేరు ఎవ‌రిదంటే..? చెన్నై సూపర్ కింగ్స్ సార‌థి మ‌హేంద్ర సింగ్ ధోని(MS Dhoni) పేరు అని ఎవ‌రైనా ఠ‌క్కున చెప్పేస్తారు. ఇదే ధోనీకి ఆఖ‌రి సీజ‌న్ అనే వార్త‌ల నేప‌థ్యంలో అత‌డికి ఫ్యాన్స్ నిరాజ‌నాలు ప‌లికారు.  చెపాక్ స్టేడియం(Chepauk Stadium)లో ప్లే ఆఫ్స్‌ మ్యాచ్ అనంత‌రం తాలా స్టాండ్స్‌లోని ఫ్యాన్స్‌కు సీఎస్కే జెర్సీల‌ను అందించ‌డం చూశాం.. తాజాగా అఫ్గ‌నిస్థాన్ క్రికెటెర్ ర‌హ్మ‌నుల్లా గుర్బాజ్‌(Rahmanullah Gurbaz)కు ధోనీ ఊహించ‌ని బ‌హుమ‌తి పంపించాడు. తన సీఎస్కే జెర్సీని గుర్బాజ్‌కు కొరియ‌ర్ చేశాడు.

ధోనీ నుంచి అందిన కానుక చూసి ఈ కోల్‌క‌తా నైట్ రైడ‌ర్స్ ఓపెన‌ర్ పొంగిపోయాడు. మ‌హీ జెర్సీతో ఫొటో దిగి, సోష‌ల్ మీడియాలో పెట్టాడు. దానికి ‘భార‌త్ నుంచి ఇంత దూరం నా కోసం బ‌హుమ‌తి పంపినందుకు థాంక్యూ ధోనీ స‌ర్’ అని క్యాప్ష‌న్ రాశాడు. ప్ర‌స్తుతం గుర్బాజ్ ఫొటో ఆన్‌లైన్‌లో వైర‌ల్ అవుతోంది.

Thanks @msdhoni sir for sending the gift all the way from india ❤️ pic.twitter.com/EaWtwz7CnY

— Rahmanullah Gurbaz (@RGurbaz_21) June 20, 2023

2 హాఫ్ సెంచ‌రీలు

ఐపీఎల్ 2023 మినీ వేలంలో ర‌హ్మ‌నుల్లా గుర్బాజ్‌ను కోల‌క్‌తా రూ. 50 ల‌క్ష‌ల‌కు కొన్న‌ది. ఈ ఎడ‌మ చేతివాటం బ్యాట‌ర్, కీప‌ర్ అయిన అంచ‌నాల‌కు మించి అద‌ర‌గొట్టాడు. వెంక‌టేశ్ అయ్య‌ర్, జేస‌న్ రాయ్‌తో క‌లిసి మెరుపు ఆరంభాలు ఇచ్చాడు. 11 మ్యాచుల్లో 133.53 స్ట్రైక్ రేటుతో 227 ర‌న్స్ కొట్టాడు. వాటిలో రెండు హాఫ్ సెంచ‌రీలు ఉన్నాయి. ఈ విధ్వంస‌క ఓపెన‌ర్ ఈ సీజ‌న్‌లో 17 ఫోర్లు, 15 సిక్స్‌లు బాదాడు.

కోల‌క్‌తా జెర్సీతో ర‌హ్మ‌నుల్లా గుర్బాజ్‌

రింకూ సింగ్ మెరుపులు మెరిపించినా కూడా కోల్‌క‌తా ఈసారి ప్లే ఆఫ్స్ చేర‌లేక‌పోయింది. ఫైన‌ల్లో గుజ‌రాత్ టైటాన్స్ ఓడించి చెన్నై సూప‌ర్ కింగ్స్ టైటిల్ సాధించింది. ర‌వీంద్ర జ‌డేజా (11 నాటౌట్) ఆఖ‌రి రెండు బంతుల‌కు సిక్స్, ఫోర్ బాద‌డంతో ధోనీసేన ఐదోసారి చాంపియ‌న్‌గా అవ‌త‌రించింది.

ఇవి కూడా చ‌ద‌వండి

Ashes Series | రెండో ఇన్నింగ్స్‌లో హాఫ్ సెంచ‌రీ కొట్టిన‌ ఖవాజా.. పోరాడుతున్న ఆసీస్

PCB New Chariman | పాకిస్థాన్ క్రికెట్ బోర్డుకు కొత్త చైర్మ‌న్.. మ‌ళ్లీ అత‌డికే ప‌గ్గాలు..?