ప్రస్తుతం ఎవరి నోట విన్నా ఐఫోన్ 13 గురించే. యాపిల్ ఫోన్ లవర్స్ అయితే.. ఐఫోన్ 13 లో ఉన్న ఫీచర్లకు ఫిదా అయిపోతున్నారు. ఎప్పుడెప్పుడు ఐఫోన్ 13ను కొనాలా.. అని తెగ ఎదురు చూస్తున్నారు. అయితే.. ఇండియాలో ఐఫోన్ 13 ధరలకు రెక్కలు వచ్చాయి. 128 జీబీ మోడల్ ఐఫోన్ 13 ధరే 80 వేల వరకు ఉంది. ఐఫోన్ 13 ప్రో మ్యాక్స్ అయితే.. రూ.1,29,900 గా ఉంది. దానికి కారణం..ఇక్కడి ట్యాక్స్లు అధికంగా ఉండటమే.
ఇండియాతో పోల్చితే కొన్ని దేశాల్లో ఐఫోన్ ధర చాలా తక్కువ. అక్కడ ఐఫోన్ 13 చాలా చీప్గా దొరుకుతుంది. ఆ దేశాలు ఏంటో తెలుసా? యూఎస్, హాంగ్కాంగ్, ఆస్ట్రేలియా, యూఏఈ, సింగపూర్, మలేషియా. ఈ దేశాల్లో ఐఫోన్ 13ను చాలా తక్కువ ధరకే సొంతం చేసుకోవచ్చు.
యూఎస్లో ఐఫోన్ 13 ధర చాలా తక్కువగా ఉంటుంది. దానికి కారణం అక్కడ ట్యాక్స్ తక్కువగా ఉండటం. అందుకే.. ఐఫోన్ 13 సిరీస్ 128 జీబీ మోడల్ ఫోన్ మీద యూఎస్లో రూ.38 వేల వరకు సేవ్ చేయొచ్చు. అక్కడ ట్యాక్స్ 9.25 శాతం ఉన్నా కూడా.. ఒక్క డాలర్కు 76 రూపాయలు వేసుకున్నా.. ఐఫోన్ 13 లో 128 జీబీ మోడల్ ధర యూఎస్లో 799 డాలర్లు. అంటే.. మన కరెన్సీలో 66341 రూపాయలు. కానీ.. ఇండియాలో అదే ఐఫోన్ 13 ధర రూ.79,900. అంటే.. కనీసం 13,559 రూపాయల వరకు ఆ ఫోన్ మీద సేవ్ చేసుకోవచ్చు. అలాగే.. ఐఫోన్ 13 మినీ ధర 128 జీబీ మోడల్కు 699 డాలర్లు.. అంటే మన కరెన్సీలో 58038 రూపాయలు. కనీసం 11,862 రూపాయలు సేవ్ చేయొచ్చు. అలా.. ఐఫోన్ 13 ప్రో మ్యాక్స్ ఫోన్ మీద 38 వేల రూపాయల వరకు సేవ్ చేసుకోవచ్చు.
అదే హాంకాంగ్లో అయితే.. ఐఫోన్ 13 ప్రో మ్యాక్స్ 128 జీబీ సిరీస్ ఫోన్ మీద 35 వేల రూపాయల వరకు సేవ్ చేసుకోవచ్చు. సింగపూర్లో ఐఫోన్ 13 ప్రో మ్యాక్స్ 128 జీబీ మోడల్ ఫోన్ మీద 29 వేల రూపాయల వరకు సేవ్ చేసుకోవచ్చు.
ఆస్ట్రేలియాలో ఐఫోన్ 13 ప్రో మ్యాక్స్ మీద రూ.28 వేల వరకు సేవ్ చేసుకోవచ్చు. యూఏఈలో ఐఫోన్ 13 ప్రో మ్యాక్స్ మీద రూ.31 వేల వరకు సేవ్ చేసుకోవచ్చు. మలేషియాలో అయితే.. ఐఫోన్ 13 ప్రో మ్యాక్స్ ఫోన్ మీద 29 వేల రూపాయల వరకు సేవ్ చేసుకోవచ్చు.
ఒక్క ప్రో మ్యాక్స్ మోడల్ మాత్రమే కాదు.. ఐఫోన్ 13లోని అన్ని మోడల్స్ కూడా ఈ దేశాల్లో తక్కువ ధరకే లభిస్తాయి. ఆ దేశాల్లో ఎవరైనా మీకు తెలిసిన వాళ్లు ఉంటే.. వాళ్లు వచ్చేటప్పుడు ఫోన్ కొనుక్కొని రమ్మని చెప్పండి. దీంతో మీరు చాలావరకు ఐఫోన్ 13ను తక్కువ ధరకే సొంతం చేసుకున్నవాళ్లు అవుతారు.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
Apple iPhone 13 | ఐఫోన్ 13 ప్రిబుకింగ్స్ ఇవాళ్టి నుంచే.. ఎక్కడ చేసుకోవాలి?
iPhone 13 : ఐఫోన్ 13లో అత్యంత ఖరీదైన మోడల్ ధర ఎంతో తెలుసా?
ఐఫోన్ 13 వచ్చేసింది.. మరి iOS 15 వచ్చేది ఎప్పుడో తెలుసా !!
iPhone 13 | లాంచ్లో దమ్ మారో దమ్ సాంగ్తో ట్విస్ట్ ఇచ్చిన ఆపిల్.. వీడియో